Yosũa 7:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Neryo Yosũa mwabũga ati, Ĩlolo, uwe Mukama Mwami Mukulu, busana nakĩ wabĩrĩsokya abandu aba eYorodanĩ, erĩtũhĩra omo byala byʼAbaamorĩ erĩtwĩtĩra eyo kwehĩ? Kumbe twayitsemera nʼerĩĩkala, eyisirya wʼeYorodanĩ!

Yosũa 7:7 Iomraidhean Croise

2 Abami 3:10

Neryo omwami wʼeĨsraelĩ mwabũga ati, Ĩyoo! kusangwa Omwami Mukulu abiribirikira abami basatu aba haguma erĩhĩrabo omo byala bya Moabu.

Esyonyimbo 116:11

Omo bũlĩge bwage monabũga nyiti, Sihali mundu oyo wangayiketerwa.

Erĩlũayo 16:3

Neryo abana ba Ĩsraelĩ mobabũga bati, Kumbe twaholera omo byala byʼOmwami Mukulu omo kihugo kyʼeMĩsĩrĩ, omugulu twĩkala hakũhĩ nʼesyonyungu syʼesĩswĩ omugulu twalya obundu nʼerĩũgũta; kusangwa mwabirituleta omwʼirungu erĩ, erĩĩta endeko yosĩ eyĩ nʼenzala.

Erĩlũayo 17:3

Nĩkwa abandu mobakwa enyota, nʼabandu mobatonga Musa bati, Busana nakĩ watũhetũkaya erĩlũa eMĩsĩrĩ, erĩtwĩta nʼabana betu, nʼesyonyama syetu omo nyota kwehĩ?

Emiganzo 14:16

Kusangwa Omwami Mukulu mwataluka erikolya abandu aba bʼomo kihugo ekyo alahĩrĩrayabo, kikaleka ĩnĩtĩrabo omo mbwarara.

Emiganzo 14:3

Kandi busana nakĩ Omwami Mukulu akatuleta omo kihugo ekĩ eriwa omo mũyalĩ kwehĩ? Abakalĩ betu nʼabana betu basyabya banyegwa; Sĩryowene busana netu erisuba eMĩsĩrĩ kwehĩ?

Matayo 17:17

Yesu mwasũbĩryabo ati, ĩnywe lulengo lwʼerĩtendĩkirĩrya nʼolʼobuhaka! Nasĩkala nenyũ omo mugulu ungahi kwehĩ? Nasyababegerya omugulu ungahi kwehĩ? Munyiretere ye hano.

Matayo 17:20

Yesu mwasũbĩryabo ati, Ni busana nʼerĩkĩrĩrya lyenyũ lĩke. Kusangwa kwenene ngababwira nyiti, Mwamabya nʼerĩkĩrĩrya ngʼembuto yʼeharadalĩ, mwasyabwira ekitwa ekĩ muti, ũhũmĩre erya, nakyo kyasyahũma; kandi sihali kindu kyasyabalema. [

AbaEbrania 12:5

Mwabiribirirwa ebĩnywa ebyo ebĩkasĩkaya omutima, ebĩkabũgawa nenyũ ngʼabagala biti, Mugala wage, supone erisuyira lyʼOmwami Mukulu, Kutse Suleke omutima erioloba omugulu akakukunga.

Yosũa 7:6

Na Yosũa mwasatangya esyongimba siwe, mwatũlama ahisi oko bũsũ buwe embere wʼerĩsandũko lyʼOmwami Mukulu erĩhĩka omwʼĩgolo-golo, iyenʼabakulu ba Ĩsraelĩ; mobahĩra omukunga omo mitwe yabo.

Yosũa 7:8

Uwe Mukama, ko nasyabũgakĩ kwehĩ, Ĩsraelĩ bamalolya emigongo yabo yʼoko nzĩgũ syabo!

Abatswerĩ 20:23

Kandi abana ba Ĩsraelĩ mobahetuka eriyalirira embere syʼOmwami Mukulu erĩhĩka omwʼĩgolo-golo; kandĩ mobabũlya Omwami Mukulu bati, Tunagende kandi oko malwa nʼabagala ba Benyamĩna mugala wetu kwehĩ? Neryo Omwami Mukulu mwabũga ati, Uyalwe naye.

1 Samwelĩ 4:3

Nʼomugulu abandu bahĩka oko kilaliriro, abakulu bʼAbaĩsraelĩ mobabũga bati, Busana nakĩ Omwami Mukulu abĩrĩtwĩtĩra embere syʼAbafĩlĩstĩnĩ kwehĩ? Twende erĩsandũko lyʼerilagana lyʼOmwami Mukulu eSĩlo busana netu, ĩryahĩka omo katĩkatĩ ketu, nʼerĩtũlamya omo byala byʼesyonzĩgũ syetu.