Yosũa 7:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ Na Yosũa mwasatangya esyongimba siwe, mwatũlama ahisi oko bũsũ buwe embere wʼerĩsandũko lyʼOmwami Mukulu erĩhĩka omwʼĩgolo-golo, iyenʼabakulu ba Ĩsraelĩ; mobahĩra omukunga omo mitwe yabo.

Yosũa 7:6 Iomraidhean Croise

Enzũko 37:29

Neryo Rũbenĩ mwasuba oko buhya obo, nĩkwa Yosefũ isiali omo buhya. Neryo mwatulanga esyongimba siwe.

Enzũko 37:34

Neryo Yakobo mwatulanga esyongimba siwe, mwahĩra omulemba gʼomo mbindi yiwe, mwalira mugala wuwe ebiro bingi.

2 Samwelĩ 1:11

Neryo Dawĩdĩ mwawata omo ngimba siwe, mwatulangasyo; nʼabalume bosĩ ababya haguma naye mobayira batya.

2 Samwelĩ 1:12

Kandi mobasũsũmana, mobalira, mobatalya erĩhĩka omwʼĩgolo-golo busana na Saũlo, na busana na Yonatana, mugala wuwe, na busana nʼabandu bʼOmwami Mukulu, na busana nʼekĩtũnga kya Ĩsraelĩ; kusangwa bamabiwa omo mũyalĩ.

2 Samwelĩ 1:2

Oko kiro kyʼakasatu, lebaya, omundu mwalũa omo kilaliriro kya Saũlo, nʼesyongimba ĩsĩtũlangĩkĩre, nʼerĩtaka oko mutwe wuwe; neryo abere ahĩka eyiri Dawĩdĩ, mwawa ahisi, mwamũnamira.

2 Samwelĩ 12:16

Neryo Dawĩdĩ mwasaba Nyamuhanga busana nʼomwana oyo; kandi Dawĩdĩ mwatsira kalyo, mwingira omwiwe eriyagotsera ahisi oko kitaka ekiro kyosĩ ekyo.

2 Samwelĩ 13:19

Neryo Tamarĩ mwahĩra erĩbũ oko mutwe wuwe, mwasatangya olukimba lwʼebitanga-bitanga olo abya ambite; kandi mwahĩra ebyala oko mutwe wuwe, mwayigendera akalira.

2 Samwelĩ 13:31

Neryo omwami mwahangana, mwasatangya esyongimba siwe, mwagotsera ahisi; nʼabagombe buwe bosĩ mobamuhanganako luhande ĩbamabĩsatangya esyongimba syabo.

2 Abami 22:11

Neryo omwami abere abĩowa ebĩnywa byʼekitabu ekyo kyʼemigambo, mwasatangya esyongimba siwe.

2 Emyatsi yʼEmigulu 34:19

Neryo omugulu omwami owa ebĩnywa byʼemigambo, mwatulanga esyongimba siwe.

Ezera 10:1

Neryo omugulu Ezera abya akasaba nʼeritsira ebibi, iniakalira nʼeriyigusanga ahisi embere wʼenyũmba ya Nyamuhanga, endeko nene kutsibu moyahĩndana aho ali erĩlũa omo Baĩsraelĩ, abalume nʼabakalĩ nʼabana; kusangwa abandu mobalira kutsibu.

Nehemĩa 9:1

Neryo oko kiro kyʼamakũmĩ abiri nʼebini kyʼomukera oyo, abana ba Ĩsraelĩ babya ĩbamabĩhĩndana nʼeritsira akalyo, nʼeriambala emisarandwe, nʼerĩhĩra omutaka gʼoko mitwe yabo.

Esĩterĩ 4:1

Neryo omugulu Mordekayĩ aminya ebyosĩ ebyakolawa, Mordekayĩ mwatulanga esyongimba siwe, mwambala emisarandwe nʼerĩyĩhĩrako erĩbũ, neryo mwaya omo katĩkatĩ kʼomũyĩ, mwalira nʼomulenge munene nʼekiriro kinene.

Esĩterĩ 4:3

Nʼomo buli kihugo eyo ekihano kyʼOmwami nʼerihamula liwe byahĩka, mohabya ekiriro kinene omo katĩkatĩ kʼAbayũda, nʼeritsira akalyo nʼerĩsekemũka nʼeririra; nʼabangi mobagotsera oko misarandwe nʼeriyihakako erĩbũ.

Yobũ 1:20

Neryo Yobũ mwahangana, mwasatya ekanzu yiwe, mwasĩsa omutwe wuwe, mwawa ahisi oko kitaka, mwaramya.

Yobũ 2:12

Neryo babere bakine hali; mobalangira Yobũ, nĩkwa mobatamuminya, mobasumba emirenge yabo, mobalira; mobasatya obuli mundu ekanzu yiwe, mobalagalĩrya olũtũtũ oko mitwe yabo erĩlolyalo omo kyanya.

Yobũ 42:6

Busana nʼekyo namaleka ebyosĩ ebyo; Namayiswekera omo lũtũtũ nʼomwʼĩbũ.

Ekiriro 2:10

Abakulu bʼomwali wʼeSĩonĩ Bĩkere oko kitaka bakĩkala bũkũtũ. Bakagusa olũtũtũ oko mitwe yabo. Bakayihanga emiremba omo mbindi. Abambesa bʼeYerũsalema Bakahanda emitwe yabo oko kitaka.

Emiganzo 14:6

Neryo Yosũa mugala wa Nũnĩ, na Kalebũ mugala wa Yefũne, ababya bandu abayalinga ekihugo ekyo, mobasatangya esyongimba syabo;

Emiganzo 16:22

Nĩkwa Musa na Harũnĩ mobawa oko mũsũ wabo, bati, Uwe Nyamuhanga, Nyamuhanga wʼebĩrĩmũ byʼemibiri yosĩ, omundu muguma amahalya, wasyahitana oko ndeko yosĩ kwehĩ?

Emiganzo 16:45

Ũlũe omo ndeko eyĩ, inatoka erĩtĩndabo neryo-neryo. Nabo mobawa nʼerilambama.

Emibiri 14:14

Nĩkwa omugulu abakwenda, Paũlo na Barnaba bowa ekyo, mobatula esyongimba syabo, mobatibita omo syondeko ibakabirikira bati,

Yosũa 7:7

Neryo Yosũa mwabũga ati, Ĩlolo, uwe Mukama Mwami Mukulu, busana nakĩ wabĩrĩsokya abandu aba eYorodanĩ, erĩtũhĩra omo byala byʼAbaamorĩ erĩtwĩtĩra eyo kwehĩ? Kumbe twayitsemera nʼerĩĩkala, eyisirya wʼeYorodanĩ!

Eribisurirwa 18:19

Neryo mobagusa olũtũtũ oko mitwe yabo, ibakalira, nʼerĩsũsũmana bati, Obũlĩge! obũlĩge! Omũyĩ mukulu! Oyũ nĩ mũyĩ aho abosĩ abawite amato omo ngetsi mobabya bateke busana nʼebindu byago! Nĩkwa omo saa nguma abĩrĩtalya ebyosĩ!

Abatswerĩ 11:35

Neryo omugulu amulolako, mwatulanga esyongimba siwe, ati, Ĩlolo, mwali wage! Wabĩrĩnyĩkehya kutsibu, nawe uli muguma wʼoko bakanyĩta obũlĩge; kusangwa nabiritanda obuno bwage oko Mwami Mukulu, isinditoka erisuba enyũma.

Abatswerĩ 20:23

Kandi abana ba Ĩsraelĩ mobahetuka eriyalirira embere syʼOmwami Mukulu erĩhĩka omwʼĩgolo-golo; kandĩ mobabũlya Omwami Mukulu bati, Tunagende kandi oko malwa nʼabagala ba Benyamĩna mugala wetu kwehĩ? Neryo Omwami Mukulu mwabũga ati, Uyalwe naye.

Abatswerĩ 20:26

Neryo abana ba Ĩsraelĩ bosĩ, nʼabandu bosĩ mobahetuka erĩhĩka eBetelĩ, mobalira, mobĩkalaho embere syʼOmwami Mukulu, mobatsira akalyo ekiro ekyo erĩhĩka omwʼĩgolo-golo; mobahonga amahere wʼerĩokererya nʼamahere wʼobuholo embere syʼOmwami Mukulu.

Abatswerĩ 21:2

Neryo abandu bosĩ mobahĩka eBetelĩ, mobĩkalaho erĩhĩka omwʼĩgolo-golo embere sya Nyamuhanga mobasumba emirenge yabo mobalira nʼobũlĩge bunene.

1 Samwelĩ 4:12

Neryo omundu wa Benyamĩna mwatibita akalũa omo mulondo, mwahĩka eSĩlo ekiro ekyo kisa-kisa, nʼesyongimba siwe ĩsĩsatangĩrye nʼolũtũtũ oko mutwe wuwe.