Yosũa 7:21 - AMASAKO ABOYTRTRE WA NYAMUHANGA AWAKAHULAWA MO BIBLIA

²¹ Omugulu nalangira erĩkotĩ ryowene lyʼeBabelĩ omo katĩkatĩ kʼebindu nʼesyosekelĩ syʼekĩtsĩpa magana abiri, nʼomuhimba wʼesyamagetsi erĩrĩtoha lyʼesyosekelĩ makũmĩ atanu, monarumwa kubyo, monĩmyabyo, neryo, lebaya, bĩbĩsĩre omo kitaka omo hema yage, nʼebĩtsĩpa omwisi wabyo.

Yosũa 7:21 Iomraidhean Croise

Enzũko 10:10

Erĩtsũka lyʼobwami buwe lyabya eBabelĩ na Erekũ, na Akadĩ, na Kalne, omo kihugo kyʼeSĩnarĩ.

Enzũko 3:6

Neryo omugulu omũkalĩ alangira omuti kʼowene busana nʼakalyo, nʼakandi kwʼakatsemesaya meso, kandi omuti kwʼanganzwa busana nʼeriyira omundu mo wʼamenge, mwĩmya oko bĩgũma byago, mwalyakyo. Mwahakyo ĩba wuwe, naye mwalyakyo.

Enzũko 34:27

Neryo abandi bagala ba Yakobo mobasa eriya embũlũlĩ, mobahũnga omũyĩ, kusangwa batsandaya mwali wabo.

Enzũko 6:2

abagala ba Nyamuhanga mobalangira abali bʼabandu ko bali babuya, neryo mobayĩmĩrya abakalĩ bosĩ abo basĩma.

2 Samwelĩ 11:2

Neryo omwʼĩgolo-golo, Dawĩdĩ mwahangana akalũa omo ngyingo yiwe, neryo mwayĩgendya-gendya oko lutwe lwʼenyũmba yʼOmwami; nʼoko lutwe kwʼaho mwalangira omũkalĩ akayikosa; nʼomũkalĩ oyo abya mubuya kutsibu.

2 Abami 7:8

Nʼomugulu abahaga aba bahĩka ahatwĩrĩrye ekilaliriro mobingira omo hema nguma, mobalya mobapũlya, mobaheka ebĩtsĩpa, nʼesyamagetsi, nʼesyongimba, mobayabĩsabyo; kandi mobaswasa, mobingira omo yindi hema, mobaheka ebindu ebirimo nibya, mobayabĩsabyo.

Yobũ 31:1

Monayira endagano nyiti, Sinangatoka erisamalira omumbesa omo ngumbu nyibi.

Esyonyimbo 119:37

Ũnyĩkakĩraye okwʼĩtĩndahĩra ameso oko bitawite mugaso; Unyikole ebibuya, ngoko wabirilaga.

Erĩlũayo 20:17

Isiwarumawa oko nyũmba ya mũlĩkyenyũ, isiwarumawa oko mũkalĩ wa mũlĩkyenyũ, kutse oko mugombe wuwe, kutse oko mugombe wuwe wʼobũkalĩ, kutse oko nde yiwe, kutse oko punda yiwe, kutse kĩndũkĩ kya mũlĩkyenyũ.

Emĩsyo 1:19

Ko siri sitya esyonzira syʼobuli mundu oyũkayĩtsũtsa ebindu; Lĩkalũsaya engebe yʼabenyeyo.

Emĩsyo 23:31

Susamalire obwabũ omugulu bũgatsũkĩre, Omugulu bukabimba omo lũtehĩ, Omugulu bukandagala bukamereka.

Emĩsyo 28:22

Oyuwite erĩso libi akanguha eribana ebindu, Ĩsĩasĩ ngoko bwaga bwasyamũhĩkako.

Emĩsyo 4:23

Tegaya omutima wawe nʼomũhwa gosĩ; Kusangwa mugo mũkalũa esyongũnũnũko syʼengebe.

Ĩsaya 28:15

Kusangwa mwabĩrĩbũga muti, Twabiriyira endagano nʼoluholo, twabirisakana nʼeKũlĩmũ. Omugulu ekĩhũnzo kyʼeribwaga kyasyalaba, sikyendĩsyatũhĩkako; kusangwa twabiriyira amabehĩ eribya busayiro bwetu, kandi twabĩrĩyĩbĩsa omwʼĩtebya.

Ĩsaya 29:15

Obũlĩge kwʼabo abakabĩsa ndeke oko Mwami Mukulu embĩta yabo, nʼemĩbĩrĩ yabo ikakolawa omo mwĩrĩmya, kandi bakabũga bati, Nindi yukatulolako kwehĩ? Kutse nandi yũtwasĩ kwehĩ?

Habakũkĩ 2:9

Obũlĩge ukwʼoyukatundira ekĩtũnga kiwe endũndĩ nyibi, ati ayĩhĩre ahate obwĩko atoke erĩlamĩbwa omo byala byʼerĩkwa!

Luka 12:15

Neryo Yesu mwabwirabo ati, Mũlebaye, kandi mũyĩtegaye okwʼirumwa lyosĩ, kusangwa engebe yʼomundu si busana nʼobungi bwʼebindu biwe.

Luka 12:2

Nĩkwa sihali ekĩkũnĩngĩrwe ekitendisyabĩsũlwa, nʼekĩbĩsamĩre ekitendisyamĩnyĩkalĩbwa.

AbanyaEfeso 5:3

Kusangwa muli bandu ba Nyamuhanga, simuleke obũsĩngĩrĩ, kutse ebĩtĩsĩrĩre byosĩ, kutse obururu, bikahulwa omo katĩkatĩ kenyũ.

AbanyaEfeso 5:5

Muminye ndeke ngoko obuli mũsĩngĩrĩ, kutse omundu oyukakola ebĩtĩsĩrĩre, kutse omururu, (obururu nĩ mũsĩndo wʼerĩramya esanamu), siendisyasangira omo bwami bwa Kristo na Nyamuhanga.

Eryibuka Ebihano 7:25

Mwasyahĩsya esyosanamu esĩbatsĩrwe syʼesyonyamuhanga syabo omo muliro; sĩmũsyeyĩtsũtsa ebĩtsĩpa kutse esyamagetsi ebiri kusyo, kutse erĩyĩmĩryabyo, mukasyategwa mubyo; kusangwa ni byʼesyonye oko Mwami Mukulu Nyamuhanga wenyũ.

AbanyaKolosai 3:5

Neryo mwĩte esyongumbu syenyũ syʼekihugo, syesĩ: erĩsĩngĩra, ebĩtĩsĩrĩre, engumbu nyibi, erisonda ibi, nʼobururu bʼomũsĩndo wʼerikwama esyosanamu.

AbaEbrania 13:5

Simukwamirire erianza esyofranka, nĩkwa mutsemere ebyo muwite. Kusangwa Nyamuhanga abĩrĩbũga ati, Sindiendisyakuleka na kera, kandi, sindiendĩsyakũsĩganĩa nʼahake.

Yakobo 1:15

Neryo esyongumbu siwe nyibi syabiheka obukule, sikabuta ebibi, nʼebibi byabikula, bikaleta oluholo.

Yosũa 7:20

Neryo Akana mwasũbĩrya Yosũa ati, Ni kwenene nabirikola ebibi oko Mwami Mukulu, Nyamuhanga wʼeĨsraelĩ, nabirikola nyitya na nyitya.

Yosũa 7:22

Neryo Yosũa mwatuma abakwenda, mobatibita omo hema; neryo lebaya, kyabya kĩbĩsĩre omo hema yiwe, nʼebĩtsĩpa omwisi wakyo.

2 Petero 2:15

Babirikita omo nzira nʼeritala, ibamabikwama enzira ya Balama, omugala wa Beorĩ, oyo wanza oluhembo lwʼerikola ebitatunganene.