Yosũa 7:11 - AMASAKO ABOYTRTRE WA NYAMUHANGA AWAKAHULAWA MO BIBLIA

¹¹ Abaĩsraelĩ babirikola ebibi, babĩrĩhalya oko ndagano yage eyo nahanabo. Babĩrĩmya oko bindu ebĩtakĩrwe, kandi babĩrĩba, babiriteba nibya; kandi babĩrĩhĩrakyo omo bindu byabo.

Yosũa 7:11 Iomraidhean Croise

2 Abami 18:12

kusangwa mobatakenga omulenge wʼOmwami Mukulu Nyamuhanga wabo, nĩkwa mobahalya oko ndagano yiwe, nʼebyosĩ ebyo Musa omugombe wʼOmwami Mukulu ahana, kandi mobatalĩga erĩowabyo, kutse erikolabyo.

2 Abami 5:24

Nʼomugulu ahĩka oko kitwa, mwĩmyabyo omo byala byabo, mwahĩrasyo omo nyũmba; mwahongokya abandu abo, mobagenda.

Ĩsaya 24:5

Esyondũlanĩ syʼekihugo syabĩrĩta kyo nye, kusangwa babiriketa ebihano, babiripona emigambo babĩrĩtwa endagano ya kera na kera.

Yeremĩa 31:32

Omwami Mukulu ati, Eyĩ siyendisyasosa endagano eyo nayira nʼabotata wabo ekiro nahambabo omo byala erĩlũsyabo omo kihugo kyʼeMĩsĩrĩ, endagano yage eyo batũa, nomo nanabya ĩba wabo.

Hosea 6:7

Nĩkwa ibo nga Adamu babĩrĩhalya endagano. Aho babirinyikola nabi nʼerinyiteba.

Abalawĩ 5:15

Omundu nomo angabyandi akahalya, butsira eriyiririra, omo myatsi ĩbũyĩrĩre yʼOmwami Mukulu; neryo asyaletera Omwami Mukulu yʼobuhere bwʼolubanza, embangale eyite ko bulema ĩkalũa omo kĩhyo, ngʼeriganza lyawe omo bĩtsĩpa byʼesekelĩ, omo lulengero lwʼesekelĩ yʼahabũyĩrĩre, busana nʼobuhere bwʼolubanza.

Habakũkĩ 2:6

Aba bosĩ sibendisyimba Olwimbo lwʼerimuseka, erĩmũsekererya, nʼerimulega kwehĩ? Bati, Obũlĩge okwʼoyukayitomekera ebite biwe! Erĩkolyahi kwehĩ? Kandi akayiyira mo muteke iniakayibweka!

Zekarĩa 5:4

Omwami Mukulu Wʼemilondo akabũga ati, Nasyaleka eritakira iryahuluka nalyo lyasyingira omo nyũmba yʼomwĩbĩ, nʼomo nyũmba yʼoyũkalahĩraya nʼamabehĩ omo lĩna lyage; nalyo lyasyĩkala omo nyũmba eyo, lyasyabugayo haguma nʼemiti yayo nʼamabwe wayo.

Matayo 22:21

Nabo mobamũsũbĩrya bati, Ni bya Kaĩsarĩ. Neryo Yesu mwabwirabo ati, Mulihe Kaĩsarĩ ebindu bya Kaĩsarĩ, kandi mulihe Nyamuhanga ebindu bya Nyamuhanga.

Emibiri 5:9

Neryo Petero mwamũbũlya ati, Busana nakĩ uwe nʼĩbawe, mwabirihanana haguma erirenga oko Mũlĩmũ wʼomukama kwehĩ? Lebaya, abandu abakabita ĩbawe bane oko lũkyo, kandi bakandikutwala nawe nibya!

Eryibuka Ebihano 17:2

Hamabanika omo katĩkatĩ kenyũ, omo mĩyĩ yenyũ yosĩ eyo Mwami Mukulu Nyamuhanga wenyũ akabaha, omulume kutse omũkalĩ, oyukakola ebibi omo meso wʼOmwami Mukulu Nyamuhanga wenyũ, akatwa endagano yiwe,

AbaEbrania 4:13

Sihali ekĩhangĩkĩre ekĩbĩsamĩre uku Nyamuhanga. Nĩkwa ebyosĩ bisanzukere, kandi biminyikere omo meso wa Nyamuhanga. Kandi twasyayĩbalya ukwʼiye.

Yosũa 23:16

Omugulu mwasyahalya oko ndagano yʼOmwami Mukulu Nyamuhanga wenyũ, eyo abahana, mukayakolera esindi nyamuhanga, nʼerĩyũnamirasyo, neryo erihitana lyʼOmwami Mukulu lyasyabagulumirako, kandi mwasyahera lũba erĩlũa omo kihugo kibuya ekyo abiribaha.

Yosũa 7:1

Nĩkwa abana ba Ĩsraelĩ mobahalya omo bindu ebĩtakĩrwe; kusangwa Akana, mugala wa Karmĩ, mugala wa Zabodĩ, mugala wa Zera, wʼekihanda kya Yũda, mwĩmya oko bindu ebĩtakĩrwe; nʼerihitana lyʼOmwami Mukulu molyaka oko bana ba Ĩsraelĩ.

Yosũa 7:10

Neryo Omwami Mukulu mwabũga na Yosũa ati, Hangana! Busana nakĩ wabĩrĩyĩtũlĩka ahisi kwehĩ?

Abatswerĩ 2:20

Neryo erihitana lyʼOmwami Mukulu molyagulumira oko Baĩsraelĩ ati, Kusangwa ekihanda ekĩ kyabĩrĩhalya oko ndagano yage eyo nahana abotata-kulu wabo, kandi mobatahulikirira omulenge wage.

1 Samwelĩ 14:38

Neryo Saũlo mwabũga ati, Mũyĩtũnde hano ĩnywe bakulu bosĩ bʼabandu; muminye nʼerilangira aho erĩlolo eryabere mũnabwĩre lyasĩrĩre.