Yosũa 5:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Neryo abami bosĩ bʼAbaamorĩ, ababya eyisirya oko Yorodanĩ ebwanga bwʼeyĩkwa, nʼabamĩ bʼAbanya Kanana, ababya oko ngetsi, omugulu bowa ngoko Mwami Mukulu ũmaya amagetsi wʼeYorodanĩ embere syʼabana ba Ĩsraelĩ, erĩhĩka aho twamabisokera, emitima moyasendekerera, neryo emitima yabo moyageruka, busana nʼabandu ba Ĩsraelĩ.

Yosũa 5:1 Iomraidhean Croise

Enzũko 12:6

Neryo Abramu mwalaba omo kihugo erĩhĩka ahakahulawa mo Sekemũ, oko muti More. Omunya Kanana abya omo kihugo oko mugulu oyo.

Enzũko 48:22

Kandi nabirikuha erĩgabo liguma ĩnene kwilaba eryʼabagala benyũ eryo nalũsaya omo byala byʼOmũamorĩ, omo mũyalĩ wage nʼobuta bwage.

2 Samwelĩ 21:2

Neryo omwami mwabirikira Abagĩbeonĩ mwabwirabo [nĩkwa Abagĩbeonĩ sibabya bʼoko bana ba Ĩsraelĩ nĩkwa abasĩgalira abʼoko Baamorĩ; nʼabana bʼeĨsraelĩ ĩbamabĩlahĩrĩryabo; na Saũlo mwasonda erĩĩtabo omo bũha busana nʼabana ba Ĩsraelĩ na Yũda].

1 Abami 10:5

nʼakalyo kʼoko mesa yiwe, nʼerĩĩkala lyʼabagombe buwe, nʼomũbĩrĩ wʼabasondolĩ buwe, nʼesyongimba syabo, nʼabahekĩ bʼesyondehĩ siwe, nʼebisambiro ebyo ahetukirako akaya oko nyũmba yʼOmwami Mukulu, mwayirekulira.

Ezera 9:1

Neryo emyatsi eyĩ yabere yabihwa, abanya-mwami mobambĩkako bati, Abandu ba Ĩsraelĩ nʼabahererĩ nʼAbalawĩ sibetayisolola oko bandu bʼebihugo oko syonye syabo, esyʼAbanya Kanana, nʼAbahĩtĩ, nʼAbaperezĩ, nʼAbayebũsĩ, nʼAbaamonĩ, nʼAbamoabũ, nʼAbanya Mĩsĩrĩ, nʼAbaamorĩ.

Esyonyimbo 135:11

Ye Sĩhonĩ, omwami wʼAbaamorĩ, Na Ogĩ, omwami wʼeBasanĩ, Nʼabami bosĩ bʼeKanana.

Erĩlũayo 23:28

Nasyatuma endwa embere wenyũ, eyikasyahiga Abahĩvĩ, nʼAbakanana, nʼAbahĩtĩ embere syenyũ.

Ĩsaya 41:5

Emĩsĩke yʼengetsi yabirilangira, yabiriubaha. Esyondũlĩ syʼekihugo sikatitimana. Syabirisegera hakũhĩ, syabĩrĩhĩka.

Ezekĩelĩ 16:3

uti, Omukama Iye Omwami Mukulu akabwira eYerũsalema ati, Erĩtsũka lyawe nʼeributwa lyawe ni byʼekihugo kyʼOmukanana. Omũamorĩ abya tata wawe, na koyo wawe abya Mũhĩtĩ.

Ezekĩelĩ 21:7

Neryo omugulu basyakũbũlya bati, Busana nakĩ ũkasĩmba kwehĩ, wasyabũga uti, Busana nʼengulu eyikasa. Obuli mutima akalũa omo nda, nʼebyala byosĩ bikoloba, nʼobuli kĩrĩmũ kikalembera, nʼamarwĩ gosĩ asyakonongoka ngʼamagetsi. Lebaya, ikasa nayo yasyakoleka, Omukama Iye Omwami Mukulu atya.

Danĩelĩ 5:6

Neryo obũsũ bwʼomwami mobwahinduka, nʼamalengekanĩa wuwe mwamwĩta bũlĩge; nʼesyongũnyĩro syʼembindi yiwe mosyalegetsana, nʼamarwĩ mwahĩndangana.

Amosĩ 2:9

Nĩkwa nĩ ngye naheraya Omũamorĩ embere syabo, obuli buwe bwʼendata bwabya ngʼobuli bwʼemĩerezĩ, naye abya wʼamaka ngʼemĩrĩngate; nĩkwa monaherya ebĩgũma biwe endata, nʼemĩrĩhĩ yiwe eyĩkwa.

Emiganzo 13:29

Amalekĩ ĩkere omo kihugo kyʼelutami lwʼeyĩkwa; nʼOmũhĩtĩ, nʼOmũyebũsĩ nʼOmũamorĩ, bĩkere omo kihugo kyʼebitwa, nʼOmukanana ĩkere oko mũsĩke wʼengetsi, oko mũsĩke wʼeYorodanĩ.

Yosũa 17:12

Nĩkwa abana ba Manase mobatatoka erihiga esyondũlanĩ syʼemĩyĩ eyo; nĩkwa Abakanana mobahatikana erĩĩkala omo kihugo ekyo.

Yosũa 17:18

Nĩkwa ekihugo kyʼebitwa kyasyabya kyawe; kusangwa nomo kyangabya kĩsĩtũ, wasyakondakyo, nʼesyombulukiro syago syasyabya syawe; kusangwa wasyahiga Abakanana, nomo bangabya nʼesyogalĩ syʼebyuma, kandi nomo bangabya bʼamaka.

Yosũa 24:15

Kandi kyamabya kibi omo meso wenyũ erikolera Omwami Mukulu, muyisoge mũnabwĩre oyo mwasyakolera; syamabya esyonyamuhanga esyo abotata-kulu benyũ bakolera eyisirya wʼolũsĩ lwʼeEfũratĩ, kutse esyonyamuhanga syʼAbaamorĩ, eyo mwĩkere omo kihugo kyabo; nĩkwa ĩngye nʼekĩtũnga kyage, twasyakolera Omwami Mukulu.

Yosũa 3:16

amagetsi awakandagala erĩlũa endata mwahangana, kandi mwayisumba mo kilundo, eAdamũ, omũyĩ owali hakũhĩ nʼeZaretanĩ; nago awandagala erilola ebwanga bwʼengetsi yʼeAraba, ye Ngetsi yʼomũnyũ, mwatwĩka kutsibu. Nʼabandu mobasokera hakũhĩ nʼeYerĩko.

Yosũa 3:17

Kandi abahererĩ abahekĩre erĩsandũko lyʼendagano lyʼOmwami Mukulu mobahangana mo ndeke oko kitaka kyũmĩre omo katĩkatĩ kʼeYorodanĩ; nʼAbaĩsraelĩ bosĩ mobasoka oko kitaka kyũmĩre, erĩhĩka aho ekihanda kyosĩ kyamabisokera eYorodanĩ yo ndeke.

Eribisurirwa 18:10

Bakahangana hali, busana nʼeriubaha eriagalwa lyago, bati, Obũlĩge! obũlĩge! Babelĩ, omũyĩ mukulu, omũyĩ wʼamaka! Omo saa nguma eritswera lyawe lyamahĩka!

Abatswerĩ 1:1

Neryo enyũma wʼoluholo lwa Yosũa, abana ba Ĩsraelĩ mobabũlya Omwami Mukulu bati, Nindi wasyatsũka eriyatubambira Abakanana, erilwa nabo kwehĩ?

Abatswerĩ 11:23

Neryo lino, Omwami Mukulu, Nyamuhanga wa Ĩsraelĩ, abirisingula Abaamorĩ erĩlũa embere syʼabandu buwe Abaĩsraelĩ, neryo nawe wasyasĩgalyakyo kwehĩ?

Abatswerĩ 3:3

Abakama batanu bʼAbafĩlĩstĩnĩ, nʼAbakanana bosĩ, nʼAbasĩdona, nʼAbahĩvĩ ababya bĩkere oko kitwa kyʼeLebanonĩ, erĩtsũka eBaal-hermonĩ erĩhĩka oko bwingiriro bwʼeHamatĩ.

Abatswerĩ 4:2

Neryo Omwami Mukulu mwagũlyabo omo byala bya Yabĩnĩ omwami wʼeKanana, oyo watabala eHazorĩ; omukulu wʼemilondo yʼabasĩrĩkanĩ yiwe abya Sĩsera, oyo wabya ĩkere eHarosetĩ-Goyĩmũ.

1 Samwelĩ 25:37

Neryo engyakya, omugulu ebĩnyũ byahwa uku Nabalĩ, omũkalĩ wuwe mwamugambulira emyatsi eyĩ, nʼomutima wuwe mwalekula omwisi wuwe, neryo mwabya ngʼerĩbwe.