Yosũa 4:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ Ekĩ kitoke eribya kiminyikalo omo katĩkatĩ kenyũ, neryo omugulu abana benyũ basyabũlya kera bati, Amabwe aya nĩ ʼbũga ambũkĩ kwehĩ?

Yosũa 4:6 Iomraidhean Croise

Esyonyimbo 44:1

Uwe Nyamuhanga, twabĩrĩyowĩra omo matwĩ wetu, Abotata wetu babiritubwira, Emĩbĩrĩ minene eyo wakola omo mugulu wabo, Omo biro bya kera.

Esyonyimbo 71:18

Na lino namabya mukulu, nʼesyombwĩ syabirilasa, uwe Nyamuhanga, sũnyĩrekeranaye! Ubye haguma nage omugulu ngakanganaya Obũtokĩ nʼamaka wawe oko syondengo syosĩ esikandisyasa.

Erĩlũayo 12:14

Kandi ekiro ekĩ kyasyabya kikibukwa busana nenyũ, mwasyayirakyo mo kiro kikulu busana nʼOmwami Mukulu; omo syondengo syenyũ mwasyayirakyo mo kiro kikulu omo kilayiro kera na kera.

Erĩlũayo 13:14

Neryo omugulu mugala wawe asyakũbũlya oko mugulu owakandisyasa ati, Ekĩ nĩkĩ kwehĩ? Wasyamubwira uti, Omo byala byʼamaka Omwami Mukulu mwatũlũsya eMĩsĩrĩ, erĩlũa omo nyũmba yʼobukobe.

Erĩlũayo 13:9

Nakyo kyasyabya kiminyikalo ukʼuwe omo byala byawe, na busana nʼeryibuka omo katĩkatĩ kʼameso wawe, emigambo yʼOmwami Mukulu ibye omo buno bwawe; kusangwa omo byala byʼamaka Omwami Mukulu mwakũlũsya eMĩsĩrĩ.

Erĩlũayo 31:13

Kandi Ubwire abana ba Ĩsraelĩ uti, Kwenene mwasyateya esyo Sabato syage; kusangwa ni kiminyikalo omo katĩkatĩ kage nenyũ omo syondengo syenyũ syosĩ; imwatoka eriminya ko ndi Mwami Mukulu oyukabahigula.

Ĩsaya 38:19

Oyuliho, yukakuha ewasĩngya, Ngoko ngakola mũnabwĩre. Ĩse akabwira bagala buwe eritendiregula lyawe.

Ĩsaya 55:13

Ebirago byasyalasa omo mwanya wʼomusakisaki, Nʼomo mwanya wʼekyatsinge hasyalasa omũhadesĩ. Ekĩ kyasyabya ekĩbũkyo oko Mwami Mukulu, Kyasyabya ekiminyikalo kera na kera Ekĩtendĩsyalũaho.

Ezekĩelĩ 20:12

Kandi monahabo esyo Sabato syage nibya eribya kiminyikalo omo katĩkatĩ kabo nage, ibatoka eriminya ko ndi Mwami Mukulu oyukahigulabo.

Ezekĩelĩ 20:20

Mukenge esyo Sabato syage. Nasyo syasyabya kiminyikalo omo katĩkatĩ kenyũ nage, imwatoka eriminya ko ndi Mwami Mukulu Nyamuhanga wenyũ.

Emiganzo 16:38

Nĩkwa esyoruho syʼabandu aba abĩtĩsaya esyongebe syabo erikola ebibi sihesawe mo myũko yʼeriswika ekiherero; kusangwa bahongasyo embere syʼOmwami Mukulu: neryo sĩbũyĩrĩre; kandi syasyabya ekiminyikalo oko bana ba Ĩsraelĩ.

Emibiri 2:39

Kusangwa endagane ya Nyamuhanga ni busana nenyũ nʼabana benyũ na busana nʼabosĩ abali ehali, abosĩ abo Mukama Nyamuhanga wetu asyabirikira.

Eryibuka Ebihano 11:19

Kandi mwasyĩyĩsyabyo abana benyũ, nʼerigambulira byobo omugulu wĩkere omo nyũmba yawe, nʼomugulu ukagendera omo nzira, nʼomugulu ukagotsera, nʼomugulu ukabuka.

Yosũa 22:27

nĩkwa hasyabya erĩtũlago omo katĩkatĩ ketu nenyũ, nʼomo katĩkatĩ kʼesyondengo syetu syʼenyũma, itwabana erikola omũbĩrĩ wʼOmwami Mukulu embere siwe omo mahere wetu wʼerĩokererya, nʼomo syohongo syetu, nʼomo mahere wetu wʼobuholo; abana benyũ ĩsĩbangabũga nʼabana betu oko mugulu akasa, bati, Simuwite ĩgabo omo Mwami Mukulu.

Yosũa 4:21

Neryo mwabũga nʼabana ba Ĩsraelĩ ati, Omugulu abana benyũ basyabũlya abotata wabo oko mugulu akandisyasa, bati, Amabwe aya nĩ ʼbũga ambũkĩ kwehĩ?

Yosũa 4:5

Kandi Yosũa mwabũga nabo ati, Mulabire embere syʼerĩsandũko lyʼOmwami Mukulu Nyamuhanga wenyũ omo Yorodanĩ, muheke obuli mundu erĩbwe oko kitigo kiwe, ngʼemiganzo yʼebihanda byʼabana ba Ĩsraelĩ.