Yosũa 4:12 - AMASAKO ABOYTRTRE WA NYAMUHANGA AWAKAHULAWA MO BIBLIA

¹² Nʼabana ba Rũbenĩ, nʼabana ba Gadĩ, nʼoluhande lwʼekihanda kya Manase, mobasoka ibanambite ebindu byʼamalwa embere syʼabana ba Ĩsraelĩ, ngoko abwirabo.

Yosũa 4:12 Iomraidhean Croise

Erĩlũayo 13:18

nĩkwa Nyamuhanga mwayatĩmbya abandu bʼomo nzira yʼembwarara hakũhĩ nʼEngetsi yʼEngula; nʼabana ba Ĩsraelĩ mobahongoka erĩlũa omo kihugo kyʼeMĩsĩrĩ ibanambite ebyʼamalwa.

Emiganzo 1:24

Abʼoko bana ba Gadĩ, esyondengo syabo, oko bihanda byabo, nʼoko bĩtũnga byʼabotata wabo, ngʼeriganza lyʼamena, erĩtsũka oko myaka makũmĩ abiri nʼomukulu kwʼaho, abangatoka eriyalwa.

Emiganzo 32:17

nĩkwa ĩtwe twasyasĩka ĩtũnayĩkangatĩre erigenda embere syʼabagala ba Ĩsraelĩ, erĩhĩka aho twasyakoleryabo ewabo; nʼabana betu basyĩkala omo mĩyĩ ĩkangatĩre busana nʼesyondũlanĩ syʼekihugo.

Eryibuka Ebihano 3:18

Neryo monabahana oko mugulu oyo, nyiti, Omwami Mukulu Nyamuhanga wenyũ abiribaha ekihugo ekĩ erĩsĩgalyakyo; Ĩnywe balume bosĩ bʼamaka mwasyasoka embere syʼabagala benyũ abana ba Ĩsraelĩ, ĩmũnahekĩre ebindu byʼamalwa.

Eryibuka Ebihano 33:21

Neryo mwayisombolera erĩgabo lyʼerĩmbere, Kusangwa eyoyo yabikawa erĩgabo lyʼomũtabalĩ; Kandi mwasa nʼabasondolĩ bʼabandu; Mwaberererya erĩbanza lʼOmwami Mukulu, Nʼebilayiro biwe uku Ĩsraelĩ.

Yosũa 1:14

Abakalĩ benyũ, abana benyũ, nʼebihangulo byenyũ, basyĩkala omo kihugo ekyo Musa abaha eyisirya wʼeYorodanĩ; nĩkwa ĩnywe mwasyasoka embere syʼabagala benyũ ĩmũnayĩkangatĩre, abalume bosĩ bʼamaka, esyombangĩ, kandi mwasyawatĩkyabo;

Yosũa 4:11

Neryo mokyabya, abandu bosĩ babere babisoka ndeke, neryo erĩsandũko lyʼOmwami Mukulu molyasoka nʼabahererĩ, omo meso wʼabandu.

Yosũa 4:13

Nga elfu makũmĩ ani (40,000) ibanambite ebindu byʼamalwa ĩbayĩtegekenĩe oko malwa, mobasoka embere syʼOmwami Mukulu eriya oko malwa, omo bwerere bwʼeYerĩko.