Yosũa 3:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Kandi Yosũa mwabũga nabo ati, Muyihigule, kusangwa omo ngyakya Omwami Mukulu asyakola ebyʼeriswekera omo katĩkatĩ kenyũ.

Yosũa 3:5 Iomraidhean Croise

Yobũ 1:5

Neryo ebiro byʼerirya ĩnene ryabo byabere byabihwa, Yobũ mwatuma kubo mwahigulabo, kandi mwabuka omo ngyakya-ngakya mwahera amahere wʼerĩokererya ngʼeriganza lyabo abosĩ ko liri. Kusangwa Yobũ mwabũga ati, Kwamũhwa bagala bage babĩrĩhalya nʼeritsuma Nyamuhanga omo mitima yabo. Yobũ kwʼakola atya obutusa.

Esyonyimbo 77:15

Wabĩrĩtongolya abandu bawe omo bũtokĩ bwawe, Ba bana ba Yakobo na Yosefũ.

Esyonyimbo 86:10

Kusangwa uli mbangi, ukakola emyatsi yʼeriswekera; Uwe ĩwowene uli Nyamuhanga.

Yoelĩ 2:16

mũhĩndanaye abandu, muhigule endeko, mũhĩndanaye abakulu, mũhĩndanaye abana, nʼabakonga amabere. Iba wʼomũherũkĩ ahuluke erĩlũa ekatĩ kuwe, nʼomũherũkĩ alũe omo kisenge kiwe.

Abalawĩ 10:3

Neryo Musa mwabũga na Harũnĩ, ati, Ekĩ kyo Mwami Mukulu abũga ati, Nasyaganzwa mo mũbũyĩrĩre oko bakasa hakũhĩ nage, nʼembere syʼabandu bosĩ nasyakengwa. Na Harũnĩ mwabya bũkũtũ.

Abalawĩ 20:7

Neryo muyihigule, mubye babũyĩrĩre; kusangwa Indi Mwami Mukulu Nyamuhanga wenyũ.

Emiganzo 11:8

Nʼabandu mobatĩmba-tĩmba, nʼerikuma-kumago nʼeriswago oko nyuso, kutse erisekulago omo sĩsekulo, kandi mobahũkago omo syonyungu, mobatsumbago mo bibambali; nʼerisiha lyago lyabya ngʼerisiha lyʼotutole eritsumikato omo magũta mahya-mahya.

Yoane 17:19

Kandi ngayiha ukʼuwe busana nabo, ibatoka eribya bawe kwenene.

Yosũa 3:13

Neryo omugulu obulyatiro bwʼebisando byʼabahererĩ abahekĩre erĩsandũko lyʼOmwami Mukulu Omukama wʼekihugo kyosĩ, byasyahangana omo magetsi wʼeYorodanĩ, amagetsi wʼeYorodanĩ asyatũbwa, amagetsi awakasira endata asyahangana mo kilundo kiguma.

Yosũa 3:15

Nʼomugulu abahekĩre erĩsandũko bahĩka oko Yorodanĩ, nʼebisando byʼabahererĩ abahekĩre erĩsandũko byabitobera omo mbambalyo syʼamagetsi kusangwa eYorodanĩ lukabwaga oko mbambalyo syalo omugulu gosĩ wʼerigesa,

Yosũa 3:4

Nĩkwa hasyabya omwanya omo katĩkatĩ kenyũ nalyo, nga metere magana mwenda nʼamakũmĩ abiri (920); sĩmũsyehĩka hakũhĩ nalyo, imwabana eriminya enzira eyo mutolere erilabamo; kusangwa simwemwalaba omo nzira eno.

Yosũa 3:6

Neryo Yosũa mwabũga nʼabahererĩ ati, Muheke erĩsandũko lyʼendagano, musoke embere syʼabandu. Nabo mobaheka erĩsandũko lyʼendagano, mobatangirira embere syʼabandu.

Yosũa 7:13

Hangana, uhigule abandu, ũbũge uti, Muyihigule busana nʼengyakya; kusangwa Omwami Mukulu Nyamuhanga wa Ĩsraelĩ ati, Hali bindu omo katĩkatĩ kenyũ ebĩtakĩrwe, uwe Ĩsraelĩ. Ukataluka erihangana embere wʼesyonzĩgũ syawe, erĩhĩka aho mwasyalũsĩrya ebindu ebĩtakĩrwe omo katĩkatĩ kenyũ.

1 Samwelĩ 16:5

Naye mwabũga ati, Nina buholo; ngasa erisyaherera Omwami Mukulu. Muyisolole, mwase haguma nage oko buhere obo. Neryo mwasolola Yese nʼabagala buwe, kandi mwabirikirabo oko buhere obo.