Yosũa 3:16 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁶ amagetsi awakandagala erĩlũa endata mwahangana, kandi mwayisumba mo kilundo, eAdamũ, omũyĩ owali hakũhĩ nʼeZaretanĩ; nago awandagala erilola ebwanga bwʼengetsi yʼeAraba, ye Ngetsi yʼomũnyũ, mwatwĩka kutsibu. Nʼabandu mobasokera hakũhĩ nʼeYerĩko.

Yosũa 3:16 Iomraidhean Croise

Enzũko 14:3

Abosĩ aba mobahĩndana haguma omo musya wʼeSĩdĩmũ. Eyo ye ngetsi yʼomũnyũ.

1 Abami 4:12

Baana mugala wa Ahĩlũdĩ, eTanakĩ nʼeMĩgĩdo, nʼeBetĩ-seanĩ yosĩ ekiri hakũhĩ nʼeZaretana eyĩkwa oko Yezreelĩ, erĩtsũka eBetĩ-seanĩ erĩhĩka eAbelĩ-mehola, nʼeritwangana Yokemeamĩ;

1 Abami 7:46

Omo bwerere bwʼeYorodanĩ omwami mwanũnĩabyo, omo kitaka kyʼeribumba omo katĩkatĩ kʼeSũkotĩ nʼeZaratanĩ.

Esyonyimbo 114:3

Engetsi yʼEngula moyalangirakyo moyatibita, Olũsĩ lwʼeYorodanĩ molwaleka erisenda lyalo.

Esyonyimbo 114:5

Uwe Ngetsi, wakwakĩ ukatibita kwehĩ? Nawe Yorodanĩ, mowaleka erisenda busana nakĩ kwehĩ?

Esyonyimbo 29:10

Omwami Mukulu akatabala okwʼigunga lyʼamagetsi, Ega, Omwami Mukulu akatabala ngʼOmwami kera na kera.

Esyonyimbo 33:7

Mwahĩndanĩa esyongetsi syosĩ syo haguma; Kandi mwabika emitobero omo syombĩso.

Esyonyimbo 66:6

Mwahindula engetsi mo kitaka kyũmĩre; Aboso-kulu wetu mobasoka olũsĩ omo bisando byabo. Motwatsema eyo busana nʼebyo akola.

Esyonyimbo 74:15

Mowaleka esyongũnũnũko nʼesĩsoko isyasenda; Kandi mowũmya esyonyũsĩ nene-nene.

Esyonyimbo 77:19

Mowalaba omo ngetsi, Kandi mowasoka omo ngetsi nene-nene. Nĩkwa olugobe lwawe molutalolwako.

Esyonyimbo 78:13

Kandi mwagaba engetsi, neryo mwalabyabo muyo, Mwakyika magetsi mo kilundo.

Erĩlũayo 14:21

Na Musa mwasumbira ebyala biwe byʼendata oko ngetsi. Neryo Omwami Mukulu mwasũbya engetsi yʼenyũma omwʼihunga lĩkalĩre erĩkalũa endata omo kiro kyosĩ, kandi mwayira engetsi mo kitaka kyũmĩre, nʼamagetsi mwagabana.

Erĩlũayo 14:22

Nʼabana ba Ĩsraelĩ mobalaba omo katĩkatĩ kʼengetsi oko kitaka kyũmĩre; nʼamagetsi mwabya lũhĩmbo kubo oko byala byʼamali, nʼebyʼamalembe.

Erĩlũayo 14:29

Nĩkwa abana ba Ĩsraelĩ mobagendera oko kitaka kyũmĩre omo katĩkatĩ kʼengetsi; nʼamagetsi mwabya lũhĩmbo kubo, oko byala byʼamali nʼebyʼamalembe.

Erĩlũayo 15:8

Nʼomo muka wʼemihuli yawe amagetsi mwalundwa, Nʼebisunda mobyimana ngʼekilundo; Emitobero moyabohana omo kũlĩmũ kwʼengetsi.

Ĩsaya 50:2

Neryo busana nakĩ omugulu nasa mohatabya mundu kwehĩ? Omugulu nabirikira, busana nakĩ mohatabya mundu ũkanzũbĩraya kwehĩ? Kwʼebyala byage nĩ bĩkũhĩ muti sibyangatoka erĩtongolya kwehĩ? Kutse singwite maka wʼerĩlamya kwehĩ? Lebaya, omwʼikunga lyage ngũmĩrĩraya engetsi, ngayira esyonyũsĩ mo mbwarara. Esĩswĩ syamo sikakumba kusangwa sihali magetsi, sikahola omo nyota.

Ezekĩelĩ 47:8

Neryo mwambwira ati, Amagetsi aya akahuluka nʼeriya oko kihugo kyʼendata, nʼeriandagalira omo Araba. Neryo akalolaya omo ngetsi. Amagetsi akasendĩbawa omo ngetsi, nʼamagetsi wʼengetsi akabya mahya-mahya.

Nahũmũ 1:4

Akakunga engetsi, ĩnĩũmyayo, akũmaya esyonyũsĩ syosĩ. EBasanĩ yatsekemene, nʼeKaramelĩ: obũsoyo bwʼeLebanonĩ bukatsekemana.

Habakũkĩ 3:8

Omwami Mukulu mwahitana busana nʼesyonyũsĩ kwehĩ? Kutse erihitana lyawe lyabya oko syonyũsĩ kwehĩ? Kutse eriagalirwa lyawe oko ngetsi kwehĩ? Kyaleka iwagenda oko syosabayĩrĩ syawe kwehĩ? Nʼoko syogalĩ syawe syʼomulamo kwehĩ?

Emiganzo 34:3

Neryo oluhande lwenyũ lwʼelutambi lwʼeyĩkwa lwasyasubulira oko mbwarara yʼeSĩnĩ oko lutambi lwʼeEdomũ, nʼomutano wenyũ wʼelutambi lwʼeyĩkwa asyahĩka oko ndũlĩ yʼEngetsi yʼomũnyũ erilola endata.

Eryibuka Ebihano 1:1

Ebĩ byo bĩnywa ebyo Musa abũga nʼAbaĩsraelĩ bosĩ eyisirya wʼeYorodanĩ omo mbwarara, omo Araba owalolĩre eSũfũ, omo katĩkatĩ kʼeParanĩ, nʼeTofelĩ, nʼeLabanĩ, nʼeHazerotĩ, nʼeDĩzahabũ.

Eryibuka Ebihano 3:17

nʼeAraba nibya, nʼeYorodanĩ nʼemitano yalo, erĩtsũka eKĩneretĩ erĩhĩka oko ngetsi yʼeAraba, ye Ngetsi yʼomũnyũ, eyĩkwa oko mandagala wʼePĩsĩga erilola endata.

Yosũa 12:3

nʼeAraba erĩhĩka oko ngetsi yʼeKĩneretĩ, erilola endata, nʼerĩhĩka oko ngetsi yʼeAraba, ye Ngetsi yʼomũnyũ, erilola endata, omo nzira yʼeBetĩ-Yesĩmotĩ, nʼelutambi lwʼeyĩkwa, eyĩkwa oko mandagala wʼePĩsĩga.

Yosũa 15:2

Nʼomutano wabo wʼelutambi lwʼeyĩkwa abya atsũkĩre oko ndũlĩ-ndũlĩ yʼEngetsi yʼomũnyũ, erĩtsũka oko mugera owalolĩre elutambi.

Yosũa 16:7

kandi iniandagere erĩlũa eYanoa erĩhĩka eAtarotĩ, nʼeNara, nʼerĩhĩka eYerĩko, nʼerihulukira eYorodanĩ.

Yosũa 3:13

Neryo omugulu obulyatiro bwʼebisando byʼabahererĩ abahekĩre erĩsandũko lyʼOmwami Mukulu Omukama wʼekihugo kyosĩ, byasyahangana omo magetsi wʼeYorodanĩ, amagetsi wʼeYorodanĩ asyatũbwa, amagetsi awakasira endata asyahangana mo kilundo kiguma.

Yosũa 4:22

Neryo mwasyamĩnyĩsya abana benyũ muti, Ĩsraelĩ mwasoka eYorodanĩ eyĩ oko kitaka kyũmĩre.

Yosũa 5:1

Neryo abami bosĩ bʼAbaamorĩ, ababya eyisirya oko Yorodanĩ ebwanga bwʼeyĩkwa, nʼabamĩ bʼAbanya Kanana, ababya oko ngetsi, omugulu bowa ngoko Mwami Mukulu ũmaya amagetsi wʼeYorodanĩ embere syʼabana ba Ĩsraelĩ, erĩhĩka aho twamabisokera, emitima moyasendekerera, neryo emitima yabo moyageruka, busana nʼabandu ba Ĩsraelĩ.

Abatswerĩ 7:22

Nʼomugulu babuha esyongubi magana asatu (300), Omwami Mukulu mwahĩra omũyalĩ wʼobuli mundu eribindukira mũlĩkyabo, omo basĩrĩkanĩ bosĩ; nʼabasĩrĩkanĩ mobatibita erĩhĩka eBetĩsĩta ebwanga bwʼeZerera, erĩhĩka oko mutano wʼeAbelĩ-mehola, hakũhĩ nʼeTabata.