Yosũa 3:15 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁵ Nʼomugulu abahekĩre erĩsandũko bahĩka oko Yorodanĩ, nʼebisando byʼabahererĩ abahekĩre erĩsandũko byabitobera omo mbambalyo syʼamagetsi kusangwa eYorodanĩ lukabwaga oko mbambalyo syalo omugulu gosĩ wʼerigesa,

Yosũa 3:15 Iomraidhean Croise

1 Emyatsi yʼEmigulu 12:15

Aba bo basoka eYorodanĩ omo mukera wʼerĩtsũka, omugulu olũsĩ lwabwagira oko mikyingyi yalo yosĩ; mobasagya abosĩ ababya omo misya, oko luhande lwʼendata, nʼoko luhande lwʼeyĩkwa.

Yeremĩa 49:19

Lebaya, omundu asyahetuka ngʼendale akalũa omo bisaka byʼeYorodanĩ oko lũlĩsĩryo lubisi. Kusangwa nasyaleka iniasagaho lũba, nʼoyukayisogawa nasyamũhĩra endata kuho. Kusangwa nindi alinga ngye kwehĩ? Kandi nindi wasyanyitwala omwʼĩbũgĩro kwehĩ? Nʼomũlĩsya nindi oyo wasyimana mo nzĩgũ yage kwehĩ?

Yeremĩa 12:5

Wamabya wabiritibita nʼabakagenda omo bisando, nabo babĩrĩkũlũhya neryo wangatoka erĩsĩngana nʼesyosabayĩrĩ uti kwehĩ? Wamayĩhĩnda ahisi omo kihugo kyʼobuholo, wasyakolakĩ omwʼigunga lyʼeYorodanĩ kwehĩ?

Yosũa 4:18

Neryo abahererĩ abaheka erĩsandũko lyʼendagano lyʼOmwami Mukulu, babere babisabuka omo Yorodanĩ, nʼobulyatiro bwʼebisando byʼabahererĩ ibwamabiryata oko kitaka kyũmĩre, amagetsi wʼeYorodanĩ mwasuba aho wago, kandi mwabwaga oko syombambalyo syago, ngʼerĩmbere.

Yosũa 3:13

Neryo omugulu obulyatiro bwʼebisando byʼabahererĩ abahekĩre erĩsandũko lyʼOmwami Mukulu Omukama wʼekihugo kyosĩ, byasyahangana omo magetsi wʼeYorodanĩ, amagetsi wʼeYorodanĩ asyatũbwa, amagetsi awakasira endata asyahangana mo kilundo kiguma.

Ĩsaya 26:6

Ekisando kyasyalyatangirirago ahisi Bye bisando byʼabandu bʼobũlĩge, Nʼeribasula lyʼabandu batawite omũwatĩkya.

2 Abami 2:6

Neryo Elĩya mwamubwira ati, Kĩsĩ-kĩsĩ nyiti ũsĩgale hano; kusangwa Omwami Mukulu abirinyituma eYorodanĩ. Neryo Elĩsa mwabũga ati, Ngoko Mwami Mukulu aneho, kandi ngoko nawe uneho, sĩndĩendĩkũsĩgalako. Neryo abosĩ babiri mobalolya embere.

Nahũmũ 1:4

Akakunga engetsi, ĩnĩũmyayo, akũmaya esyonyũsĩ syosĩ. EBasanĩ yatsekemene, nʼeKaramelĩ: obũsoyo bwʼeLebanonĩ bukatsekemana.

1 Emyatsi yʼEmigulu 12:16

Nʼabandi bʼoko Babenyamĩna nʼAbayũda mobahĩka uku Dawĩdĩ ahakongotere.