Yosũa 3:14 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁴ Neryo abandu babere babĩlũa omo mahema wabo, erisoka eYorodanĩ, abahererĩ abahekĩre erĩsandũko lyʼendagano ibane embere syʼabandu.

Yosũa 3:14 Iomraidhean Croise

Esyonyimbo 132:8

Wase oko mwanya wawe wʼeriluhuka, uwe Mwami Mukulu, Haguma nʼerĩsandũkũ lyʼerilagana, Nĩ mũsyo wʼobũtokĩ bwawe.

Yeremĩa 3:16

Neryo, mwamabikanya nʼeribya bangi omo kihugo, Omwami Mukulu ati, Oko biro ebyo, sibendisvahula Erĩsandũkũ lyʼerilagana lyʼOmwami Mukulu. Kutse sĩryendĩsyahĩka oko bũlengekanĩa; kutse siryendisyaswibukwayo; kutse sibendisyayĩtsũtsalyo; kutse siryendisyaswabatswa.

Eryibuka Ebihano 31:26

Mwĩmaye ekitabu ekĩ kyʼemigambo, mũhĩrekyo oko mũsĩke wʼerĩsandũkũ lyʼendagano yʼOmwami Mukulu Nyamuhanga wenyũ ikyabyaho mo mũlangĩrĩrĩ ũkwʼĩnywe.

AbaEbrania 9:4

Kandi ho habya ekiherero kyʼesyamagetsi ekyʼerĩhĩsya kwʼobukwa, kandi erĩsandũko eryʼendagano eryabiribambwako ehosĩ esyamagetsi. Kandi omo rĩsandũko eryo mwabya akalega kʼesyamagetsi akali mwʼamana, kandi omũtso wa Harũnĩ owalasaya amasasa, nʼehisayi hibiri hyʼamabwe ehyasakawako esyondagane.

Yosũa 24:11

Nenyũ momwasoka eYorodanĩ, momwahĩka eYerĩko; nʼabandu bʼeYerĩko mobalwa nenyũ, Omũamorĩ, nʼOmũperĩzĩ, nʼOmukanana, nʼOmũhĩtĩ, nʼOmũgĩrgasĩ, nʼOmũhĩvĩ, nʼOmũyebũsĩ; kandi monahĩrabo omo byala byenyũ.

Yosũa 3:3

mobahana bandu, bati, Omugulu mukalangira erĩsandũko lyʼendagano yʼOmwami Mukulu Nyamuhanga wenyũ, nʼabahererĩ Abalawĩ bakahekalyo, neryo mwasyahongoka aho muli, imwakwamalyo.

Yosũa 3:6

Neryo Yosũa mwabũga nʼabahererĩ ati, Muheke erĩsandũko lyʼendagano, musoke embere syʼabandu. Nabo mobaheka erĩsandũko lyʼendagano, mobatangirira embere syʼabandu.

Yosũa 6:6

Kandi Yosũa omugala wa Nũnĩ mwabirikira abahererĩ, mwabwirabo ati, Muheke erĩsandũko lyʼendagano, nʼabahererĩ balinda baheke esyongubi sirinda syʼamahembe wʼesyombangale embere syʼerĩsandũko lyʼOmwami Mukulu.