Yosũa 3:10 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁰ Neryo Yosũa mwabũga ati, Ũkwʼekĩ mwasyaminya ko Nyamuhanga oyuliho ali omo katĩkatĩ kenyũ, kandi siendisyabula erihigira eyĩhya embere syenyũ Omukanana, nʼOmũhĩtĩ, nʼOmũperezĩ, nʼOmũgĩrgasĩ, nʼOmũamorĩ, nʼOmũyebũsĩ.

Yosũa 3:10 Iomraidhean Croise

Enzũko 15:21

Omũamorĩ, Omukanana, nʼOmũyebũsĩ.

1 Abami 22:28

Neryo Mĩkaya mwabũga ati, Wamasyasubula buholo, kwesĩ Omwami Mukulu ĩyũtabũga nage. Kandi mwabũga ati, Mowe, ĩnywe bandu bosĩ.

2 Abami 19:4

Kwamũhwa Omwami Mukulu Nyamuhanga wawe akandĩowa ebĩnywa byosĩ bya Rabsake oyo mukama wuwe omwami wʼeAsũrĩa abirituma eritsuma Nyamuhanga oyuliho, kandi akandikunga ebĩnywa ebyo Mwami Mukulu Nyamuhanga wawe abĩrĩowa; busana nʼekyo, Usumbe erisaba lyawe busana nʼenzĩgalya eyabĩrĩsĩgala.

1 Emyatsi yʼEmigulu 1:14

kandi Omũyebũsĩ, nʼOmũanorĩ, nʼOmũgĩrgasi;

Esyonyimbo 42:2

Ngakwa Nyamuhanga yʼolukando, ye Nyamuhanga oyuliho; Ko mugulu wahi nasyahangana embere sya Nyamuhanga kwehĩ?

Esyonyimbo 9:16

Omwami Mukulu abĩrĩyĩmĩnyĩsya, busana nʼeritswera liwe ritunganene, Kandi ababi babirihambwa omo kitego kyʼemĩbĩrĩ yabo.

Erĩlũayo 17:7

Neryo mwahula erĩna lyaho mo Masa, na Merĩba, busana nʼerinegena lyʼabana ba Ĩsraelĩ, nʼakandi busana nʼerirenga oko Mwami Mukulu bati, Omwami Mukulu ali haguma netu kutse iyihi kwehĩ?

Erĩlũayo 3:8

Nage nabĩrĩkĩma erĩlamyabo omo byala byʼAbanya Mĩsĩrĩ, erĩlũsyabo omo kihugo ekyo, erĩhĩka omo kihugo kyowene kinene, omo kihugo ekyoswĩre mwʼamasabũ nʼobuki; ahali Omunya Kanana, nʼOmũhĩtĩ, nʼOmũamorĩ, nʼOmũperĩzĩ, nʼOmũhĩvĩ, nʼOmũyebũsĩ.

Erĩlũayo 33:2

Nage nasyatuma omũlaĩka embere syawe; kandi nasyahiga Omukanana, nʼOmũamorĩ, nʼOmũhĩtĩ, nʼOmũperĩzĩ, nʼOmũhĩvĩ, nʼOmũyebũsi eyĩhya;

Ĩsaya 7:14

Busana nʼekyo Omukama ĩyowene asyabaha ekiminyikalo: lebaya, omumbesa asyaheka obukule, naye asyabuta omugala, neryo asyahula erĩna liwe mo Emanũelĩ.

Yeremĩa 10:10

Nĩkwa Omwami Mukulu yo Nyamuhanga wʼekwenene. Iye ni Nyamuhanga oyuliho, kandi ni Mwami wa kera na kera. Erihitana liwe lĩkatĩtĩmanaya ekihugo, nʼebihanda sibyetoka eribegera erihitana liwe.

Hosea 1:10

Nĩkwa emiganzo yʼabana ba Ĩsraelĩ yasyabya ngʼomusege wʼengetsi, owate angatoka erirengwa kutse eriganzwa; neryo kyasyabya, aho bakabwirawa, ambu Simuli bandu bage, basyabwirwa, muli bagala ba Nyamuhanga oyuliho.

Emiganzo 13:29

Amalekĩ ĩkere omo kihugo kyʼelutami lwʼeyĩkwa; nʼOmũhĩtĩ, nʼOmũyebũsĩ nʼOmũamorĩ, bĩkere omo kihugo kyʼebitwa, nʼOmukanana ĩkere oko mũsĩke wʼengetsi, oko mũsĩke wʼeYorodanĩ.

Matayo 16:16

Sĩmonĩ Petero mwasũbĩrya ati, Uli Kristo, Mugala wa Nyamuhanga oyuliho.

Yoane 6:69

Netu twabĩrĩkĩrĩrya twabiriminya kʼuli Mũbũyĩrĩre wa Nyamuhanga.

Eryibuka Ebihano 31:17

Neryo erihitana lyage lyasyaka kubo oko kiro ekyo, nage nasyasĩgabo, nasyabĩsabo obũsũ bwage, nabo basyahwa, nʼebibi bingi nʼamalĩge asyahĩka kubo; kyasyaleka ĩbabũga oko kiro ekyo bati, Ebibi ebĩ sibyatatũhĩkako kusangwa Nyamuhanga wetu siali haguma netu kwehĩ?

Eryibuka Ebihano 5:26

Kusangwa nindi oko mibiri yosĩ, oyo wabĩrĩowa omulenge wa Nyamuhanga oyuliho, akabũgĩra omo muliro, ngoko twabĩrĩowago, iniatahola kwehĩ?

Eryibuka Ebihano 7:1

Omugulu Omwami Mukulu Nyamuhanga wenyũ asyabaleta omo kihugo eyo mũkayasĩgalyakyo, asyahiga ebihanda bingi erĩlũa embere syenyũ, Abahĩtĩ, nʼAbagĩrgasĩ, nʼAbaamorĩ, nʼAbanya Kanana, nʼAbanya Perĩsĩ nʼAbahĩvĩ nʼAbayebũsĩ, ebihanda birinda binene nʼebyʼamaka kwilaba we;

Eryibuka Ebihano 7:21

Simusyubahabo; kusangwa Omwami Mukulu Nyamuhanga wenyũ ali omo katĩkatĩ kenyũ, Nyamuhanga munene nʼoyũkaswekaya.

1 AbanyaTesalonika 1:9

Kusangwa abandu bosĩ bakatũlago ngoko mwatũkokaya, kandi ngoko mwaleka esyosanamu nʼeribindukira Nyamuhanga, imwatoka erikolera Nyamuhanga wʼekwenene, oyuliho.

AbaEbrania 10:31

Ni kindu kyʼerĩũbahya eriwa omo byala bya Nyamuhanga oyuliho.

Yosũa 11:3

nʼoko Mukanana oluhande lwʼendata nʼoko luhande lwʼeyĩkwa, nʼoko Mũamorĩ, nʼoMũhĩtĩ, nʼoMũperezĩ, nʼoMũyebũsĩ omo kihugo kyʼebitwa, nʼoMũhĩvĩ eyĩkwa oko Hermonĩ omo kihugo kyʼeMĩsĩpa.

Yosũa 12:8

omo kihugo kyʼebitwa, nʼomwʼĩbanda, nʼomo Araba, nʼomo mandagala, nʼomo mbwarara, nʼomo kihugo kyʼeyĩkwa; Omũhĩtĩ, nʼOmũamorĩ, nʼOmukanana, nʼOmũperezĩ, nʼOmũhĩvĩ, nʼOmũyebũsĩ.

Yosũa 21:45

Mohatabula erilaga nʼeriguma Ĩyowene eryo Mwami Mukulu abũga oko nyũmba ya Ĩsraelĩ; ebyosĩ mobyabererera.

Yosũa 22:31

Na Fĩnehasĩ omugala wʼomũhererĩ Eleazarĩ mwabwira bana ba Rũbenĩ, nʼabana ba Gadĩ, nʼabana ba Manase, ati, Mũnabwĩre tũnasĩ ko Mwami Mukulu ali omo katĩkatĩ ketu, kusangwa sĩmwetahalya oko Mwami Mukulu. Lino mwabĩrĩlamya abana ba Ĩsraelĩ omo byala byʼOmwami Mukulu.

Yosũa 24:11

Nenyũ momwasoka eYorodanĩ, momwahĩka eYerĩko; nʼabandu bʼeYerĩko mobalwa nenyũ, Omũamorĩ, nʼOmũperĩzĩ, nʼOmukanana, nʼOmũhĩtĩ, nʼOmũgĩrgasĩ, nʼOmũhĩvĩ, nʼOmũyebũsĩ; kandi monahĩrabo omo byala byenyũ.

Yosũa 3:9

Kandi Yosũa mwabũga nʼabana ba Ĩsraelĩ ati, Mwase hano, mowe ebĩnywa byʼOmwami Mukulu Nyamuhanga wenyũ.

Yosũa 9:1

Neryo omugulu abami bosĩ abali eyisirya wʼeYorodanĩ, omo kihugo kyʼebitwa, nʼomwʼĩbanda, nʼoko mũsĩke gosĩ wʼEngetsi Nene embere wʼeLebanonĩ, Omũhĩtĩ, nʼOmũamorĩ, nʼOmukanana, nʼOmũperezĩ, nʼOmũhĩvĩ, nʼOmũyebũsĩ, bowayo;

1 Samwelĩ 17:26

Neryo Dawĩdĩ mwakanĩa nʼabandu ababya bimene hakũhĩ naye ati, Omundu oyo wasyĩta Omũfĩlĩstĩnĩ oyũ nʼerĩlũsya ekĩtsũmĩ kyʼoko Baĩsraelĩ asyakolerwakĩ kwehĩ? Kusangwa Omũfĩlĩstĩnĩ utabwene oyũ nindi oyukatsuma emilondo ya Nyamuhanga oyuliho kwehĩ?

1 Samwelĩ 26:6

Neryo Dawĩdĩ mwasũbĩrya mwabũga na Abĩmelekĩ Omũhĩtĩ, na Abĩsaĩ omugala wa Serũya, mugala wabo Yoabũ, ati, Nindi yukandiandagala nage oko kilaliriro eyiri Saũlo kwehĩ? Na Abĩsaĩ mwabũga ati, ĩngye ngandiandagala nawe.