Yosũa 24:8 - AMASAKO ABOYTRTRE WA NYAMUHANGA AWAKAHULAWA MO BIBLIA

⁸ Kandi monabaleta omo kihugo kyʼAbaamorĩ, ababya bĩkere eyisirya wʼeYorodanĩ; nabo mobalwa nenyũ; nage monahĩrabo omo byala byenyũ, nenyũ momwasĩgalya ekihugo kyabo, omugulu naherayabo embere syenyũ.

Yosũa 24:8 Iomraidhean Croise

Nehemĩa 9:22

Kandi mowahabo amami nʼebihanda, ebyo wagabirabo ngʼemitano yabo; litya mobasĩgalya ekihugo kyʼeSĩhonĩ, nʼekihugo kyʼOmwami wʼeHesĩbonĩ, nʼekihugo kya Ogĩ omwami wʼeBasanĩ.

Erĩlũayo 23:23

Kusangwa omũlaĩka wage asyagenda embere wawe, nʼerĩkũkolya omo kihugo kyʼAbaamorĩ, nʼAbahĩtĩ, nʼAbaperĩzĩ, nʼAbakanana, nʼAbahĩvĩ, nʼAbayebũsĩ; nage nasyahwerekereryabo.

Amosĩ 2:10

Omwami Mukulu ati, Kandi nĩna ngye nibya nabĩrũkaya erĩbalũsya omo kihugo kyʼeMĩsĩrĩ, monabasondola emyaka makũmĩ ani omo mbwarara, erĩsĩgalya ekihugo kyʼOmũamorĩ.

Amosĩ 2:9

Nĩkwa nĩ ngye naheraya Omũamorĩ embere syabo, obuli buwe bwʼendata bwabya ngʼobuli bwʼemĩerezĩ, naye abya wʼamaka ngʼemĩrĩngate; nĩkwa monaherya ebĩgũma biwe endata, nʼemĩrĩhĩ yiwe eyĩkwa.

Eryibuka Ebihano 2:32

Neryo Sĩhonĩ mwahuluka eritubambira, iye nʼabandu buwe bosĩ, omo malwa eYahasa.

Yosũa 13:10

nʼemĩyĩ yosĩ ya Sĩhonĩ omwami wʼAbaamorĩ, oyo watabala eHesbonĩ, erĩhĩka oko mutano wʼabana ba Amonĩ;