Yosũa 24:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Na Yosũa mwabwira abandu bosĩ, ati, Omwami Mukulu, Nyamuhanga wa Ĩsraelĩ akabũga ati, Oko mugulu wa kera abotata-kulu wenyũ mobĩkala eyisirya wʼolũsĩ Efũratĩ, ye Tera, tata wa Abrahamũ, na tata wa Nahorĩ; mobakolera esindi nyamuhanga.

Yosũa 24:2 Iomraidhean Croise

Enzũko 11:22

Neryo Serũgũ mwabyaho emyaka makũmĩ asatu, neryo mwabuta Nahorĩ.

Enzũko 11:24

Neryo Nahorĩ mwabyaho emyaka makũmĩ abiri nʼomwenda neryo mwabuta Tera.

Enzũko 11:26

Neryo Tera mwabyaho emyaka makũmĩ alinda, neryo mwabuta Abramu, Nahorĩ, na Haranĩ.

Enzũko 11:27

Esĩ ni ndengo sya Tera. Tera mwabuta Abramu, Nahorĩ na Haranĩ. Neryo Haranĩ mwabuta Lotĩ.

Enzũko 31:19

Nĩkwa Labanĩ abya iniamabigenda erĩyatwa obweya bwʼesyombũlĩ siwe, kandi Rakelĩ mwĩba ebisambo ebyabya bya tata wuwe.

Enzũko 31:30

Na lino ukasonda erigenda kusangwa ũkwĩre enyũmba ya tata wawe yʼolukando, nĩkwa wabĩrĩba ebisambo byage busana nakĩ kwehĩ?

Enzũko 31:32

Nʼomundu wasyeya kwʼebisambo byawe, siendisyabyaho. Embere syʼabagala betu uminyerere ebyawe omo byage, utwalebyo. Kusangwa Yakobo ĩsyasĩ ko Rakelĩ abĩrĩbabyo.

Enzũko 31:53

Nyamuhanga wa Abrahamũ, na Nyamuhanga wa Nahorĩ, Nyamuhanga wa tata wabo, atswere omo katĩkatĩ ketu. Neryo Yakobo mwayisema oko lubahwa lwa tata wuwe Ĩsaka.

Enzũko 35:4

Neryo mobaha Yakobo yʼesyonyamuhanga syosĩ syʼehandi, esyabya omo byala byabo, nʼesyombũka esyabya omo matwĩ wabo; neryo Yakobo mwayabĩsasyo omo ndĩna yʼomuti wʼomwelo owabya hakũhĩ nʼeSekemũ.

1 Emyatsi yʼEmigulu 1:27

na Abramu, ye Abrahamũ.

Ĩsaya 51:2

Musamalire Abrahamũ tata wenyũ, na Sara oyo wababuta omo bũlĩge, kusangwa namubirikira omugulu abya muguma, kandi monamutsumula, nʼerimuyira mo bangi.

Ezekĩelĩ 16:3

uti, Omukama Iye Omwami Mukulu akabwira eYerũsalema ati, Erĩtsũka lyawe nʼeributwa lyawe ni byʼekihugo kyʼOmukanana. Omũamorĩ abya tata wawe, na koyo wawe abya Mũhĩtĩ.

Luka 3:34

omugala wa Yakobo, omugala wa Ĩsaka, omugala wa Abrahamũ, omugala wa Tera, omugala wa Nahorĩ,

Eryibuka Ebihano 26:5

Neryo mwasyasũbĩrya nʼerĩbũga embere syʼOmwami Mukulu Nyamuhanga wawe, muti, Tata wage abya Mũsũrĩa oyukagala-ganda; neryo mwandagalira eMĩsĩrĩ, neryo mwabungirayo, ibane bake okwʼiganza; nʼeyo, mwabya kihanda kinene, nʼekyʼamaka, nʼekyʼabandu bangi.

Yosũa 24:15

Kandi kyamabya kibi omo meso wenyũ erikolera Omwami Mukulu, muyisoge mũnabwĩre oyo mwasyakolera; syamabya esyonyamuhanga esyo abotata-kulu benyũ bakolera eyisirya wʼolũsĩ lwʼeEfũratĩ, kutse esyonyamuhanga syʼAbaamorĩ, eyo mwĩkere omo kihugo kyabo; nĩkwa ĩngye nʼekĩtũnga kyage, twasyakolera Omwami Mukulu.