Yosũa 23:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ isimwatamba nʼebihanda ebĩ, ebĩsĩgalĩre omo katĩkatĩ kenyũ; kutse eriahula amena wʼesyonyamuhanga syabo, kutse erireka omundu akalahĩrya kusyo kutse erikolerasyo, kutse erĩyũnama embere wasyo.

Yosũa 23:7 Iomraidhean Croise

2 Abami 17:12

Kandi mobakolera esyosanamu esyo Mwami Mukulu ahula ati, Simusyekola omwatsi oyo.

2 Abami 5:18

Omwami Mukulu abuyire omugombe wawe omwatsi oyũ: omugulu omukama wage akaya omo nyũmba ya Rĩmonĩ erĩyaramĩrya muyo, akayegemeraya oko byala byage, nage nasyũnamira omo nyũmba ya Rĩmonĩ, omugulu namayũnamira omo nyũmba ya Rĩmonĩ, Omwami Mukulu abuyire omugombe wawe omwatsi oyo.

2 Emyatsi yʼEmigulu 7:19

Nĩkwa mwamakebera handi, nʼerĩsĩga emigambo yage, nʼebihano byage, ebyo nabĩrĩhĩra embere syenyũ mukayakolera esindi nyamuhanga, nʼerĩramyasyo;

Esyonyimbo 16:4

Abakakwama esindi nyamuhanga bakayiretera amalĩge mangi, Sindiendisyasangira omo mahere wabo wʼomusasi, Kandi sĩndĩendĩsyaramya esyonyamuhanga syabo.

Erĩlũayo 20:5

Sũsyũnamirabyo kutse erikolerabyo; kusangwa ĩngye Mwami Mukulu Nyamuhanga wawe, indi Nyamuhanga wʼobũha, erĩtũhũlya ebibi byʼabotata oko bana nʼoko lulengo lwʼakasatu nʼolwʼakani oko bakanyĩkwa obusu,

Erĩlũayo 23:13

Ebyosĩ nabiribabwira mwowebyo; kandi simwahule erĩna lyʼesindi nyamuhanga, kutse sĩryogũbawe lĩkalũa omo buno bwawe.

Erĩlũayo 23:33

Sĩbendĩsyĩkala omo kihugo kyenyũ, bakasyaleka ĩmwanyĩhalyako; kusangwa mwamakolera esyonyamuhanga syabo, kwenene kyasyabya kitego kuwe.

Emĩsyo 4:14

Siwingire omo nzira yʼababi, Sulendere omo nzira yʼabandu babi.

Yeremĩa 12:16

Neryo omugulu, bamayĩkangĩrĩrya nʼomũhwa esyonzira syʼabandu bage, erĩlahĩrya oko lĩna lyage, Ngoko Mwami Mukulu aliho. Nibya ngoko bakangĩrĩraya abandu bage erĩlahĩrya uku Baalĩ, neryo basyahĩmbwa omo katĩkatĩ kʼabandu bage.

Yeremĩa 5:7

Nangakubuyira busana nakĩ kwehĩ? Abagala bawe babĩrĩnyĩsĩganĩa, nʼerĩlahĩrya ukwʼabo bate esyonyamuhanga. Omugulu namabĩũgũtyabo, mobasĩngĩra, kandi mobaya omo nyũmba yʼabamalaya.

Hosea 2:17

Kusangwa nasyalũsya amena wa Baalĩ omo buno buwe, nabo sihendisyaswahulwa kandi omo lĩna lyabo.

Zefania 1:5

Kandi nʼabakayũnamaya oko milondo yʼomo kyanya oko nyitwe syʼamanyũmba, nʼabakayũnamaya nʼerĩlahĩrya oko Mwami Mukulu nĩkwa bakalahĩraya uku Malakamũ;

Emiganzo 32:38

nʼeNebo, nʼeBaala-Meonĩ, amena wayo iniamabindulwa, nʼeSĩbũma; mobaluka emĩyĩ bahĩmba yʼawandi mena.

Emiganzo 33:55

Nĩkwa mwamatindahiga esyondũlanĩ syʼekihugo erĩlũa embere syenyũ, neryo abo mũkasĩganaya kubo basyabya ngʼemisakisaki omo meso wenyũ, kandi ngʼamahwa omo syonganga syenyũ, basyabendererya omo kihugo ekyo mwĩkeremo.

1 AbanyaKorinto 15:33

Sĩmũtebĩbawe, kundi abĩra babi bakatsandaya omutima mubuya.

AbanyaEfeso 5:11

Simusangane omo mĩbĩrĩ yʼomwĩrĩmya eyite nʼendũndĩ, nĩkwa mũhũlũkayeyo oko kyakakala.

Eryibuka Ebihano 10:20

Wasyubaha Omwami Mukulu Nyamuhanga wawe; wasyamukolera ĩyowene; kandi wasyamumakirirako, kandi, wasyayisema omo lĩna liwe.

Eryibuka Ebihano 6:13

Mwasyubaha Omwami Mukulu Nyamuhanga wenyũ; neryo mwasyamukolera, kandi mwasyalahĩrya omo lĩna liwe.

Eryibuka Ebihano 6:14

Simusyekwamirira esindi nyamuhanga, esyonyamuhanga syʼebihanda ebĩbatĩmbĩreko;

Yosũa 23:12

Kusangwa mwamasuba enyũma na kera, nʼerimakirira oko basĩgalĩre oko bihanda ebĩ, nʼerĩherũkanĩa nabo, nʼerisiba nabo, nabo ewenyũ,

Yosũa 23:8

Nĩkwa eryamakirira Omwami Mukulu Nyamuhanga wenyũ, ngoko mwabirikola erĩhĩka mũnabwĩre.