Yosũa 23:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Nenyũ mwabirilangira ebyosĩ ebyo Mwami Mukulu Nyamuhanga wenyũ abirikolera ebihanda ebĩ busana nenyũ, kusangwa Omwami Mukulu Nyamuhanga wenyũ, yo wabiribalwira.

Yosũa 23:3 Iomraidhean Croise

Erĩlũayo 14:14

Omwami Mukulu asyabalwira, nenyũ mwasyayibombeka bũkũtũ.

Erĩlũayo 19:4

Mwabirilangira ebyo nabirikolera Abanya Mĩsĩrĩ, ngoko nabaheka oko bĩpũpa byʼerĩsamba, nʼeribaleta ũkwʼĩngye.

Ezekĩelĩ 20:28

Omugulu namabiretabo omo kihugo ekyo nalahĩraya eriha kyobo, neryo mobasamalira obuli kitwa kiri, nʼobuli muti wʼebikoma, nʼaho mobahonga esyohongo syabo, nʼeyo mobahererya ehongo yabo yʼerĩagalĩranĩa. Nʼaho mobakola ekikakumba ndeke, nʼaho mobũta amahere wabo wʼerĩpũlya.

Malakĩ 1:5

Nʼameso wenyũ asyalangira ebĩ, neryo mwasyabũga muti, Omwami Mukulu apipawe eyisirya wʼomutano wʼeĨsraelĩ.

Eryibuka Ebihano 1:30

Omwami Mukulu Nyamuhanga wenyũ oyukagenda embere syenyũ, asyabalwira ngʼebyosĩ ebyo abakolera omo meso wenyũ eMĩsĩrĩ,

Eryibuka Ebihano 20:4

kusangwa Omwami Mukulu Nyamuhanga wenyũ yukagenda nenyũ, eribalwira nʼesyonzĩgũ syenyũ, erĩbalamya.

Eryibuka Ebihano 4:9

Ekiguma kisa Ũyĩtegaye, Ũtegaye ndeke ekĩrĩmũ kyawe, ukasyibirirwa emyatsi eyo ameso wawe alangira, ĩkasyalũa omo mutima wawe ebiro byosĩ byʼengebe yawe; nĩkwa ũmĩnyĩsayeyo abana bawe, nʼabitsikulu bawe.

Eryibuka Ebihano 7:17

Mwamabũga omo mitima yenyũ muti, Ebihanda ebĩ ni binene kwĩngye; ko nasyalũsyabo nyiti omo lubibi lwabo kwehĩ?

Eryibuka Ebihano 7:24

Kandi asyahotera abami babo omo byala byenyũ, kandi mwasyaleka erĩna lyabo iryabulirana eyĩkwa oko bũtũkũ; sihali mundu oyo wasyatoka erihangana embere syenyũ, erĩhĩka aho mwasyatĩndĩrabo.

Yosũa 10:14

Kandi sihehatabya ekiro kiringene nakyo embere wakyo kutse enyũma wakyo, aho Mwami Mukulu owĩra omulenge wʼomundu. Kusangwa Omwami Mukulu mwalwira Ĩsraelĩ.

Yosũa 10:42

Yosũa mwĩmya abami bosĩ aba nʼekihugo kyabo oko ndambĩ nguma, kusangwa Omwami Mukulu, Nyamuhanga wa Ĩsraelĩ, mwalwira Ĩsraelĩ.

Yosũa 23:10

Omundu muguma gʼũkwʼĩnywe asyahiga abandu elfu, kusangwa Omwami Mukulu Nyamuhanga wenyũ, yukabalwira, ngoko abalaga.