Yosũa 23:12 - AMASAKO ABOYTRTRE WA NYAMUHANGA AWAKAHULAWA MO BIBLIA

¹² Kusangwa mwamasuba enyũma na kera, nʼerimakirira oko basĩgalĩre oko bihanda ebĩ, nʼerĩherũkanĩa nabo, nʼerisiba nabo, nabo ewenyũ,

Yosũa 23:12 Iomraidhean Croise

Enzũko 2:24

Busana nʼekyo, omundu asyasĩganĩa ĩse wuwe na nyĩnya, asyalanda oko mũkalĩ wuwe neryo basyabya muguma.

Enzũko 34:3

Neryo Sekemũ mwanza Dĩna mwali wa Yakobo yo ndeke, kandi mwanza omwana-muto oyo, neryo mwabũga naye ebĩnywa bitendere.

1 Abami 11:2

bʼebihanda ebyo Mwami Mukulu abwira abana ba Ĩsraelĩ ati, Simusyesiba haguma nabo, nabo sibasyesiba omo katĩkatĩ kenyũ; kusangwa kwenene basyabindula emitima yenyũ erikwama esyonyamuhanga syabo. Solomono mwamakirirabo atya erianzabo.

1 Abami 11:4

Kusangwa Solomono abere abikula, abakalĩ buwe mobabindula omutima wuwe erikwama esindi nyamuhanga; nʼomutima wuwe siabya akwamĩre Omwami Mukulu Nyamuhanga wuwe, ngoko mutima wa tata wuwe Dawĩdĩ abya.

Esyonyimbo 125:5

Nĩkwa usuyire abakakwama esyonzira syabo nyibi, Omugulu ukasuyira abakakola nabi! Obuholo bubye na Ĩsraelĩ!

Esyonyimbo 36:3

Erĩbũga liwe ni ribi kandi rikateba; Sihakiri omundu wʼamenge nʼerikola ebibuya.

Ĩsaya 1:4

Ĩlolo, uwe kihanda kyʼebibi, abandu bakalĩtoherawa nʼamalolo, abana bʼabakola-nabi, abana bʼerĩtsandya! Babĩrĩsĩganĩa Omwami Mukulu, babiripona Oyũbũyĩrĩre wa Ĩsraelĩ, babirimutswako.

Ezekĩelĩ 18:24

Nĩkwa omugulu omundu utunganene akabinduka akaleka eritunganene riwe, nʼerikola ebibi, nʼerikola esyonye syosĩ ngʼomundu mubi kwʼakakola, asyabyaho kwehĩ? Emĩbĩrĩ yiwe yosĩ itunganene eyo abirikola siyendisyibukwa busana nʼeriteba liwe eryo abirikola, nʼomo bibi biwe ebyo abirikola. Asyahola busana nabyo.

Zefania 1:6

Kandi abasuba enyũma erireka erikwama Omwami Mukulu; kandi abatasonda-sonda Omwami Mukulu, kutse erĩmũbũlya.

Matayo 12:45

Neryo kikahuluka, ikyaleta ebindi bĩrĩmũ birinda bibi kwilabakyo, neryo ibyingiramo; nʼendũlĩ yʼomundu oyo ikabya nyibi kwilaba erĩmbere. Ko bikandisyabya bitya oko bandu babi bʼomugulu ono.

Yoane 6:66

Busana nʼekĩ, abangi bʼoko biga buwe mobasuba enyũma, mobataswalendera naye kandi.

AbanyaRoma 12:9

Olwanzo lubye butsira eriteba. Ũkwe ekibi kyo nye. Ukwamirire ekibuya.

Eryibuka Ebihano 6:15

kusangwa Omwami Mukulu Nyamuhanga wawe omo katĩkatĩ kawe, ni Nyamuhanga wʼobũha; erihitana lyʼOmwami Mukulu Nyamuhanga wawe likasyabagulumirako, naye akasyabaherya erĩlũa omo kihugo.

Eryibuka Ebihano 7:3

kutse sĩmũsyesĩmolanaya nabo; na mwali wawe Susyemuha mugala wuwe, kutse mwali wuwe sũmũherũkĩraye mugala wawe.

Eryibuka Ebihano 7:4

Kusangwa asyabindula mugala wawe iniatanyikwama, ibakolera esindi nyamuhanga; neryo erihitana lyʼOmwami Mukulu iryabagulumirako, kandi ĩnĩabatogotya lũba.

Yosũa 23:11

Neryo mũyĩtegaye imwanza Omwami Mukulu Nyamuhanga wenyũ.

1 Yoane 2:9

Oyũkabũga ati akalendera omo kyakakala, nĩkwa akakwa mũlĩkyabo yʼobusu anemulendera omo mwĩrĩmya erĩhĩka lino.

Abatswerĩ 14:3

Neryo tata wuwe na koyo wuwe mobamũsũbĩrya batĩ, Omũkalĩ siali omo katĩkatĩ kʼabali bʼabagala benyũ, kutse omo katĩkatĩ kʼekĩtũnga kyetu, uti ũkayahĩkaya omũkalĩ wʼAbafĩlĩstĩnĩ abatabwene kwehĩ? Neryo Samũsonĩ mwabwira tata wuwe ati, Ũnyĩhĩkĩraye oyo; kusangwa namamubuyahirwa ndeke.

Abatswerĩ 3:6

Mobatabya abali babo eribya bakalĩ babo, kandi mobaha abali abo babuta oko bana babo, mobakolera esyonyamuhanga syabo.