Yosũa 2:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ Nĩkwa iye ĩnĩamabĩhetũkĩryabo oko lutwe, nʼerĩbĩsabo omo biti byʼekĩtanĩ, ebyo atondekanaya oko lutwe.

Yosũa 2:6 Iomraidhean Croise

2 Samwelĩ 11:2

Neryo omwʼĩgolo-golo, Dawĩdĩ mwahangana akalũa omo ngyingo yiwe, neryo mwayĩgendya-gendya oko lutwe lwʼenyũmba yʼOmwami; nʼoko lutwe kwʼaho mwalangira omũkalĩ akayikosa; nʼomũkalĩ oyo abya mubuya kutsibu.

2 Samwelĩ 17:19

Nʼomũkalĩ mwĩmya ekĩkũnĩngo mwahĩrakyo oko buno bwʼerĩrĩba, nʼendata wakyo mwasanza kwʼengano, nʼomwatsi oyo mataminyikala.

1 Abami 18:13

Omukama wage mutabwirwa ebyo nakola omugulu Yezebelĩ ĩta abamĩnyererĩ bʼOmwami Mukulu kwehĩ, ngoko nabĩsa abamĩnyererĩ bʼOmwami Mukulu abandu erĩgana, mo makũmĩ atanu-atanu omo mwangalũ, kandi monahabo akalyo nʼamagetsi.

1 Abami 18:4

kusangwa omugulu Yezebele ĩta abamĩnyererĩ bʼOmwami Mukulu, Obadĩa mwatwala abamĩnyererĩ erĩgana mwabĩsabo mo makũmĩ atanu-atanu omo mwangalũ, mwalĩsyabo akalyo nʼamagetsi.

2 Abami 11:2

Nĩkwa Yehoseba, mwali wʼOmwami Yoramũ, mwali wabo Ahazĩa, mwĩmya Yoasĩ mugala wa Ahazĩa, mwamwĩba omo katĩkatĩ kʼabagala bʼomwami abĩtawa, iye, nʼomũlemberĩ wuwe, mwahĩrabo omo kyumba kyʼerigotseramo; mobamũbĩsa uku Atalia, kyaleka ĩnĩatakwa.

Erĩlũayo 2:2

Nʼomũkalĩ oyo mwaheka obukule, mwabuta omugala; nʼomugulu amulolako kwʼali mwana gowene, mwamũbĩsa emikera ĩsatu.

Yeremĩa 36:26

Neryo omwami mwahamula Yeramelĩ mugala wʼOmwami, na Seraya mugala wa Azĩrĩelĩ, na Selemaya mugala wa Abũdĩelĩ, bahambe omũhandĩkĩ Barũkũ nʼomũmĩnyererĩ Yeremĩa, nĩkwa Omwami Mukulu mwabĩsabo.

Matayo 24:17

Omundu oyuli endata oko nyũmba, syakime ati, akenda ebindu ebiri omo nyũmba yiwe.

Eryibuka Ebihano 22:8

Omugulu ũkahĩmba enyũmba nyihya-nyihya, mwasyahĩmba ekikunda oko lutwe lwenyũ, mukasyaleta olubanza lwʼomusasi oko nyũmba yenyũ omundu amatoga kuyo.

AbanyaKolosai 3:3

Kusangwa mwabirihola, na lino engebe yenyũ ĩbĩseme haguma na Kristo omwisi wa Nyamuhanga.

AbaEbrania 11:23

Busana nʼerĩkĩrĩrya, ababũtĩ ba Musa mobamũbĩsa emikera ĩsatu, ekiro abutawa. Kusangwa mobalangira kwʼali mwana mubuya, kandi mobatubaha eriketa ekihano kyʼOmwami.

Yakobo 2:25

Ko lyabya litya nʼomũmalaya ye Rahabũ. Mwatũngananĩbwa na Nyamuhanga busana nʼebyo akola omugulu akokaya abakwenda ba Ĩsraelĩ, nʼerĩkangyabo eyindi nzira yʼerilabamo.

Yosũa 2:5

Neryo hakũhĩ nʼomugulu wʼerikinga esyongyo, obũtũkũ bwabĩra, abalume abo mobahũlũkĩre; Sĩnyasĩ eyo baya, mukwamebo lũba; mũkandĩhĩka kubo.

Yosũa 2:7

Nʼabandu abo mobakwamirirabo omo nzira yʼYorodanĩ erĩhĩka oko kisokero; neryo abakwamirirabo babere babĩhĩka eyĩhya mobakinga olũkyo.

Yosũa 2:8

Kandi bate bagotsera, Rahabũ mwahetukira aho bali omo lutwe;

Yosũa 6:25

Nĩkwa Yosũa mwabalya Rahabũ Omũmalaya, nʼekĩtũnga kyʼĩse, nʼebyosĩ abya awite; naye mwĩkala omo katĩkatĩ ka Ĩsraelĩ erĩhĩka hatya, kusangwa mwabĩsa abakwenda, abo Yosũa atuma eriyalinga eYerĩko.