Yosũa 2:18 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁸ kite omugulu tũkahĩka omo kihugo, wamaboha akakoba kʼengula omwʼĩdĩrĩsa eyo watwandagalayako; kandi wasyahĩndanĩa tata wawe, na koyo wawe, nʼabagala benyũ, nʼabosĩ bʼekĩtũnga kya tata wawe bʼomwawe.

Yosũa 2:18 Iomraidhean Croise

Enzũko 12:2

Nage nasyakuyira mo kihanda kinene, nasyakutsumula, nʼeriyira erĩna lyawe mwʼĩnene, nawe ubye mũyĩsa.

Enzũko 7:1

Omwami Mukulu mwabwira Noa ati, Ingira uwe nʼekĩtũnga kyawe kyosĩ omo bwato, kusangwa nabirikulangira kʼutunganene embere syage omo lulengo Olũ.

Esĩterĩ 8:6

kusangwa nangatoka nyiti erisamalira ekibi ekĩkandĩsyahĩka oko bandu betu kwehĩ? Kutse nangatoka nyiti erisamalira erĩherĩbwa lyʼekihanda kyage kwehĩ?

Erĩlũayo 12:13

Nʼomusasi asyabya kiminyikalo ũkwʼĩnywe oko manyũmba aho muli; neryo omugulu nasyalangira omusasi, nasyabakiruka, isihali ekĩhũnzo kyasyabahĩkako erĩbaherya, omugulu ngaswĩraya ekihugo kyʼeMĩsĩrĩ.

Olwimbo lwʼEsyonyimbo 4:3

Emĩnywa yawe iri ngʼomũlĩkĩ wʼengula, Nʼobuno bwawe ni bubuya. Omũtyana wawe ali ngʼeluhande lwʼekomamanga Enyũma wʼolukimba lwawe lwʼobũsũ.

Abalawĩ 14:4

omũhererĩ asyahana ati bahambire oyũkerĩbawa yʼehĩnyonyũ hibiri ehiriho nʼehyowene, nʼomuti wʼomũerezĩ, nʼengohe yʼengula, nʼomukambi.

Emiganzo 19:6

Nʼomũhererĩ asyĩmya omuti wʼekĩlagũ nʼehĩsopo, nʼolukimba lwʼomunyama, nʼerigusabyo omo muliro owakokereraya enyana yʼende.

Emiganzo 4:8

Kandi basyasesa kubyo kʼolukimba lwʼengula, nʼeriswika kubyo kwʼengobĩ yʼepombolo, kandi basyahĩra emigamba yabo.

Luka 19:9

Neryo Yesu mwamubwira ati, Mũnabwĩre erilama lyamahĩka omo nyũmba eyĩ, kusangwa naye ni mwana wa Abrahamũ.

Emibiri 10:27

Neryo Petero abere akakanĩa naye, mwingira omo nyũmba, mweya bandu bangi ĩbamabĩhĩndana.

Emibiri 10:33

Neryo-neryo monakutumirako, nawe wamayira ndeke ũkahĩka. Na lino ĩtwe bosĩ tune hano emuliro wa Nyamuhanga erĩowa ebyosĩ ebyo Mukama abirikuhana.

Emibiri 11:14

Naye asyakũtũlĩra ebĩnywa ngoko wasyalamĩbwa, uwe nʼenyũmba yawe yosĩ.

2 Timoteo 1:16

Omukama aganyire enyũmba ya Onesĩforo, kusangwa esyongendo nyingi ĩnĩakanyĩsĩkaya omutima. Kandi mwatabya nʼesĩsonĩ busana nʼamahulula wage omo nyũmba yʼomũlĩkĩ.

AbaEbrania 9:19

Kusangwa Musa, abere abĩkanganĩa oko bandu bosĩ obuli kihano kyʼEmigambo, mwĩmya omusasi wʼesyonyana haguma nʼamagetsi, nʼobweya bwʼesyombũlĩ bwʼengula nʼehĩsopo, neryo mwalagalĩryago oko kitabu kyʼEmigambo nʼoko bandu bosĩ.

Yosũa 2:21

Naye mwabũga ati, Ngʼebĩnywa byenyũ ko bibye bitya. Neryo mwatumabo, nabo mobahongoka; naye mwaboha engohe yʼengula omwʼĩdĩrĩsa.

Yosũa 6:23

Neryo abalwana abalĩngĩ abo mobingira, mobahũlũkya Rahabũ, nʼĩse, na nyĩnya, nʼabagala babo, nʼebyosĩ abya awite; mobahũlũkya ekĩtũnga kiwe kyosĩ; mobahĩrabo ekyaswa kyʼekilaliriro kya Ĩsraelĩ.

Yosũa 6:25

Nĩkwa Yosũa mwabalya Rahabũ Omũmalaya, nʼekĩtũnga kyʼĩse, nʼebyosĩ abya awite; naye mwĩkala omo katĩkatĩ ka Ĩsraelĩ erĩhĩka hatya, kusangwa mwabĩsa abakwenda, abo Yosũa atuma eriyalinga eYerĩko.