Yosũa 2:11 - AMASAKO ABOYTRTRE WA NYAMUHANGA AWAKAHULAWA MO BIBLIA

¹¹ Neryo omugulu towago, emitima yetu moyasendekerera, kutse mohataswasĩgala oyuli mʼomutima nʼomuguma busana nenyũ; kusangwa Omwami Mukulu Nyamuhanga wenyũ, iye ni Nyamuhanga omo lubula mwʼendata nʼomo kihugo mwʼeyĩkwa.

Yosũa 2:11 Iomraidhean Croise

1 Abami 8:60

ebihanda byosĩ byʼekihugo biminye ngoko Mwami Mukulu, yo na Nyamuhanga; sihali gundi.

2 Abami 5:15

Neryo omugulu Namanĩ asuba ahali omundu wa Nyamuhanga, iye nʼendeko yiwe yosĩ, mobahangana embere siwe; neryo mwabũga ati, Lebaya lino, nyĩnasĩ ngoko hate Nyamuhanga omo kihugo kyosĩ, mo nʼomo Ĩsraelĩ. Na lino kĩsĩ-kĩsĩ, wĩmaye olũsũnzo oko mugombe wawe.

Nehemĩa 6:16

Neryo omugulu esyonzĩgũ syetu syosĩ syowago, ebihanda byosĩ ebyatũtĩmbako mobyubaha, mobawa omo meso wabo; kusangwa mobalebya ngoko mũbĩrĩ oyũ akolawa na Nyamuhanga wetu.

Esĩterĩ 8:17

Nʼomo buli kihugo, nʼomo buli mũyĩ, ehosĩ eyo ekihano kyʼOmwami nʼekihamulo kiwe byahĩka Abayũda mobabya omo kisiyi-siyi, nʼeritsanga nʼobutseme, nʼerirya ĩnene. Nʼabangi omo katĩkatĩ kʼebihanda byʼekihugo mobayiyira mo Bayũda; kusangwa eriubaha lyʼAbayũda molyawa kubo.

Esyonyimbo 102:15

Ebihanda byasyubaha Omwami Mukulu; Abami bosĩ bʼekihugo basyubaha Obũtokĩ buwe.

Esyonyimbo 22:14

Akagala kage kahwere ngʼamagetsi awakũtawa ahisi, Amakũha wage amateruka. Omutima wage ali ngʼebisese, Akanyenyeta omwisi wage.

Esyonyimbo 58:7

Babulireyo ngʼamagetsi awakasenda; Bahĩnokale ngʼebiti omo nzira.

Esyonyimbo 83:18

Neryo baminye kʼuli inina we musa Omwami Mukulu, Omũtabalĩ mukulu wʼekihugo kyosĩ!

Erĩlũayo 15:14

Ebihanda byʼabandu mobyowa, neryo bakatitimana; Amagalĩ abirihamba esyondũlanĩ syʼeFĩlĩstĩnĩ.

Erĩlũayo 15:15

Neryo abakama bʼeEdomũ mobasweka; Abandu bʼamaka bʼeMoabũ, erititimana likahambabo; Nʼesyondũlanĩ syosĩ syʼeKanana mosyahwerekerera.

Ĩsaya 13:7

Neryo ebyala byosĩ byasyogokala, nʼomutima wʼobuli mundu asyasendekerera.

Ĩsaya 19:1

Eriminyerera busana nʼeMĩsĩrĩ. Lebaya, Omwami Mukulu akahekawa nʼekĩtũ kikagenda lũba, akĩsĩya ĩnĩahĩka eMĩsĩrĩ. Esyosanamu syʼeMĩsĩrĩ syasyatitimanira embere siwe, nʼomutima wʼAbanya Mĩsĩrĩ asyasendekerera omwisi wabo.

Ezekĩelĩ 21:15

emitima yabo ĩtwĩke, abangi bawe oko syongyo syabo syosĩ. Nabiriha omũyalĩ owakahenaya. Ĩlolo! Akayirawa busana nʼerĩswĩrya ngʼerĩpalya, agũsũngwĩrye busana nʼerĩĩta.

Nahũmũ 2:10

Omũyĩ ali busa! Omũyĩ ni mulala, nʼekĩma! Emitima ikageruka omo nda, nʼamarwĩ akalegetsana, obwagalĩ nibya bukabya omo mubiri gosĩ, nʼamũsũ wabo gosĩ akatũmba!

Eryibuka Ebihano 1:28

Twasyahetukira hahi kwehĩ? Abagala betu babĩrĩhahũkya emitima yetu, bati, Abandu ni bangi, ni bali-bali kwĩtwe; emĩyĩ ni minene-minene, kandi ĩkangatĩre erĩhĩka omo kyanya; kandi twabirilola yʼoko bagala ba Anakĩ eyo.

Eryibuka Ebihano 20:8

Nʼabakulu basyabũga kandi nʼabandu bati, Nindi oyukubaha, kandi owʼomutima owakapũka-pũka kwehĩ? Agende asube omo nyũmba yiwe, omutima wʼabagala babo akasyasendekerera ngʼomutima wuwe.

Eryibuka Ebihano 4:39

Neryo muminye ekĩ kyo mũnabwĩre, mũhĩrekyo oko mutima wenyũ, Omwami Mukulu kwʼali Nyamuhanga omo lubula endata nʼomo kihugo eyĩkwa; sihali gundi.

Yosũa 14:8

Nĩkwa abagala betu abahetukirayo haguma nage mobasendekererya omutima wʼabandu; nĩkwa ĩngye monakwama Omwami Mukulu Nyamuhanga wage yo kũndũ.

Yosũa 2:24

Kandi mobabwira Yosũa bati, Kwenene Omwami Mukulu abĩrĩhĩra ekihugo kyosĩ omo byala byetu; kandi esyondũlanĩ syosĩ syʼekihugo sikasendekerera embere syetu.

Yosũa 5:1

Neryo abami bosĩ bʼAbaamorĩ, ababya eyisirya oko Yorodanĩ ebwanga bwʼeyĩkwa, nʼabamĩ bʼAbanya Kanana, ababya oko ngetsi, omugulu bowa ngoko Mwami Mukulu ũmaya amagetsi wʼeYorodanĩ embere syʼabana ba Ĩsraelĩ, erĩhĩka aho twamabisokera, emitima moyasendekerera, neryo emitima yabo moyageruka, busana nʼabandu ba Ĩsraelĩ.

Yosũa 7:5

Nʼabandu bʼeAĩ mobĩta kubo nga bandu makũmĩ asatu na ndatu; mobahigabo embere syʼolũkyo erĩhĩka eSebarĩmũ, mobĩtĩrabo oko bwandagala; nʼemitima yʼabandu moyasendekerera, moyabya ngʼamagetsi.

Yosũa 9:24

Nabo mobasũbĩrya Yosũa bati, Kusangwa abagombe bawe babwirawa ndeke, ngoko Mwami Mukulu Nyamuhanga wawe ahana Musa omugombe wuwe eribaha ekihugo kyosĩ, nʼerĩherya esyondũlanĩ syosĩ syʼekihugo embere syenyũ; kyaleka itubaha kutsibu busana nʼesyongebe syetu busana nenyũ, neryo motwayira tutya.

Eribisurirwa 6:16

Kandi mobabirikira oko bitwa nʼamabwe bati, Mututogereko, mũtũbĩse oko meso agʼoyo wĩkere oko kĩtũmbĩ kyʼobwami, nʼokwʼihitana lyʼEkyana kyʼEmbũlĩ!