Yosũa 2:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Neryo Yosũa mugala wa Nũnĩ mwatuma abalume babiri bakalũa eSĩtĩmũ mo balĩngĩ bũbĩso-bĩso ati, Mugende, mũyĩtegereraye ekihugo, kandi nʼeYerĩko. Neryo mobagenda, mobahĩka omo nyũmba yʼomũmalaya oyukahulawa mo Rahabũ, mobagotsera aho.

Yosũa 2:1 Iomraidhean Croise

Enzũko 42:16

Mutume omuguma wʼũkwʼĩnywe, ende mugala wenyũ, nenyũ mukandibohwa, ebĩnywa byenyũ birengawe nga mũnemũbũga kwenene, busana nʼeribyaho lya Farao, kwenene muli balĩngĩ.

Enzũko 42:9

Neryo Yosefũ mwibuka erilota eryo alota busana nabo, mwabũga nabo ati, Muli balĩngĩ, muliasa erilangira omulala wʼekihugo.

Mĩka 6:5

Ĩnywe bandu bage, lino mwibuke ebyo Balaka, omwami wʼeMoabũ, ahana, nʼebyo Balama mugala wa Beorĩ amũsũbĩraya; Wibuke erĩtsũka eSĩtĩmũ erĩhĩka eGĩlĩgalĩ, muminye emĩbĩrĩ itunganene yʼOmwami Mukulu.

Emiganzo 13:1

Neryo Omwami Mukulu mwabũga na Musa ati,

Emiganzo 13:2

Utume abandu, balinge ekihugo kyʼeKanana, ekyo ngaha abana ba Ĩsraelĩ; mutume mundu muguma oko buli kihanda kyʼabotata wabo, obuli muguma omukulu wa mubo.

Emiganzo 25:1

Na Ĩsraelĩ mwĩkala eSĩtĩmũ; nʼabandu mobatsũka eriteta abali bʼeMoabũ.

Emiganzo 33:49

Neryo mobalalirira hakũhĩ nʼeYorodanĩ, erĩlũa eBete-yesĩmotĩ erĩhĩka Abelĩ-sĩtĩmũ omo bwerere bwʼeMoabũ.

Matayo 1:5

Salmonĩ abya ĩse wa Boazĩ (nyĩnya wa Boazĩ abya Rahaba); Boazĩ abya ĩse wa Obedĩ (Rũta abya nyĩnya wuwe); Obedĩ abya ĩse wa Yese;

Matayo 10:16

Lebaya, ngabatuma ngʼesyombũlĩ omo katĩkatĩ kʼesyombwa syʼomolĩ. Neryo mubye nʼamenge ngʼesyonzoka, kandi mubye bandu bolo ngʼehĩrĩkũkũ.

AbanyaEfeso 5:5

Muminye ndeke ngoko obuli mũsĩngĩrĩ, kutse omundu oyukakola ebĩtĩsĩrĩre, kutse omururu, (obururu nĩ mũsĩndo wʼerĩramya esanamu), siendisyasangira omo bwami bwa Kristo na Nyamuhanga.

AbaEbrania 11:31

Busana nʼerĩkĩrĩrya, Rahabũ Omũmalaya mwatahera haguma nʼabatakenga Nyamuhanga, kusangwa mwakokya abalĩngĩ omo buholo.

Yakobo 2:25

Ko lyabya litya nʼomũmalaya ye Rahabũ. Mwatũngananĩbwa na Nyamuhanga busana nʼebyo akola omugulu akokaya abakwenda ba Ĩsraelĩ, nʼerĩkangyabo eyindi nzira yʼerilabamo.

Yosũa 1:18

Omundundi oyo wasyapona erihana lyawe, nʼerĩtĩndĩowa ebĩnywa byawe omo byosĩ ukamuhana, asyĩtwa; ekiguma kisa ubye nʼamaka kandi uyisige ndeke.

Yosũa 2:2

Kandi omwami wʼeYerĩko mwabwirwa ambu, Lebaya, abalume bʼomo bana ba Ĩsraelĩ mobakahĩka hano omo kiro mũnabwĩre, eriringa ekihugo.

Yosũa 21:31

nʼeHelkatĩ nʼobũlĩsĩryo bwako, nʼeRehobũ nʼobũlĩsĩryo bwako; emĩyĩ ĩnĩ.

Yosũa 3:1

Neryo Yosũa mwabuka omo ngyakya-ngyakya; mobalũa eSĩtĩmũ, mobahĩka eYorodanĩ, iye nʼabana ba Ĩsraelĩ; kandi mobalalirira embere wʼerisoka.

Yosũa 5:10

Nʼabana ba Ĩsraelĩ mobalalirira eGĩlgalĩ; kandi mobateya Erikiruka oko kiro kyʼerĩkũmĩ nʼebini kyʼomukera omwʼĩgolo-golo omo bwerere bwʼeYerĩko.

Abatswerĩ 1:23

Nʼekĩtũnga kya Yosefũ mobatuma eriringa eBetelĩ. (Nĩkwa erĩna lyʼomũyĩ erĩmbere lyabya Lũzĩ.)

Abatswerĩ 18:14

Neryo abalume batanu abayalinga ekihugo kyʼeLaĩsĩ mobasũbĩrya, mobabwira bagala babo, bati, Mũnasĩ omo manyũmba aya ngoko muli eefodĩ nʼeterafĩmũ, nʼesanamu eyĩbatsĩre, eyĩbambĩre kwʼebĩtsĩpa, kwehĩ? Neryo lino muminye ekyo mwangakola.

Abatswerĩ 18:17

Kandi abalume batanu abo abayalinga ekihugo mobahetuka mobingiramo, mobĩmya esanamu eyĩbatsĩre, eyĩbambĩre kwʼebĩtsĩpa nʼeefodĩ, nʼesisumba syʼenyũmba. Nʼomũhererĩ mwahangana oko kyaswa kyʼoko lũkyo haguma nʼabandu magana ndatu abambite ebindu byʼamalwa.

Abatswerĩ 18:2

Nʼabana ba Danĩ mobatuma abandu batanu omo kĩtũnga kyabo omo miganzo yabo yosĩ, abandu esyombangĩ, erĩlũa eSora, nʼerĩlũa eEstaolĩ, eriyalinga ekihugo, nʼerĩsondyakyo, kandi mobabũga nabo bati, Mugende, muyalinge ekihugo. Neryo mobahĩka oko kihugo kyʼebitwa kya Efũraĩmũ, oko nyũmba ya Mĩka, mobagotseraho.