Yosũa 18:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Kandi endeko yosĩ yʼabana ba Ĩsraelĩ mobayĩhĩndanĩa haguma, mobasingikaho ehema yʼerĩhĩndanamo. Nʼekihugo mokyakĩndwa embere syabo.

Yosũa 18:1 Iomraidhean Croise

2 Samwelĩ 7:6

Kusangwa sĩndĩnatĩkala omo nyũmba erĩtsũka ekiro nalũsaya abana ba Ĩsraelĩ bʼeMĩsĩrĩ, erĩhĩka mũnabwĩre, nĩkwa nabirigendera omo hema nʼomo hʼerĩĩkala.

1 Abami 14:2

Na Yeroboamũ mwabwira mũkalĩwe ati, Hangana, uyihindule isiwaminyikala ngʼomũkalĩ wa Yeroboamũ; Uyitwale eSĩlo; lebaya, eyo iri omũmĩnyererĩ ye Ahĩya, oyo wanyahula ati nasyabya mwami oko bandu aba.

1 Abami 14:4

Nʼomũkalĩ wa Yeroboamũ mwakola atya, neryo mwahangana mwaya eSĩlo, mwahĩka oko nyũmba ya Ahĩya. Nĩkwa Ahĩya isialitoka erilangira; kusangwa ameso wuwe iniabirikala busana nʼobukulu buwe.

1 Abami 2:27

Neryo Solomono mwahiga Abĩatarĩ siabye mũhererĩ oko Mwami Mukulu, iniatoka erĩberererya ekĩnywa kyʼOmwami Mukulu ekyo abũga busana nʼekĩtũnga kya Elĩ eSĩlo.

Nehemĩa 9:24

Litya abana babo mobayamo mobasĩgalya ekihugo, nawe mowakĩnda esyondũlanĩ syʼekihugo embere syabo, Abakanana, mowahĩrabo omo byala byabo, haguma nʼabami babo, nʼebihanda byʼomo kihugo, ibaminya erikola kubo ngoko basonda.

Esyonyimbo 78:60

Mwasĩganĩa ehema yiwe eSĩlo, Eka wuwe omo katĩkatĩ kʼabandu.

Esyonyimbo 78:66

Mwakĩnda esyonzĩgũ siwe, Nʼerihemulasyo omwʼĩsonĩ esitehwa.

Yeremĩa 26:6

neryo nasyayira enyũmba eyĩ ngʼeSĩlo, kandi, nasyayira omũyĩ oyũ mo kĩtsũmĩ oko bihanda byosĩ byʼekihugo.

Yeremĩa 26:9

Busana nakĩ wabiriminyerera omo lĩna lyʼOmwami Mukulu, uti, Enyũmba eyĩ yasyabya ngʼeSĩlo, nʼomũyĩ oyũ asyabya kĩma, ahate mundu kwehĩ? Kandi abandu bosĩ mobahĩndanira Yeremĩa omo nyũmba yʼOmwami Mukulu.

Yeremĩa 41:5

neryo mohahĩka bandu makũmĩ munani bakalũa eSekemũ, nʼeSĩlo nʼeSamarĩa, ĩbabĩrĩsĩsa esyonderũ syabo nʼesyongimba sĩsatĩkĩre, ibabiriyibandanga, ibanawite omo byala byabo amahere wʼeyĩsyano nʼobukwa, eriretabyo oko nyũmba yʼOmwami Mukulu.

Emiganzo 32:22

nʼekihugo kyasyabya kyabĩgondĩbwa embere syʼOmwami Mukulu; neryo enyũma wʼaho mwasyasubula, isimuli nʼomusango omo meso wʼOmwami Mukulu nʼomo meso wa Ĩsraelĩ; nʼekihugo kino kyasyabya enzĩgalĩra yenyũ embere syʼOmwami Mukulu.

Emibiri 7:45

Nʼenyũma wʼaho abotata-kulu wetu, abahabawa ehema eyo, mobatwalayo haguma na Yosũa omugulu bĩmaya ekihugo ekyo kyʼebihanda ebyo Nyamuhanga ahiga embere syʼabotata wetu. Neryo moyabyaho erĩhĩka oko mugulu wa Dawĩdĩ.

Yosũa 18:2

Kandi mohasĩgalira omo katĩkatĩ kʼabana ba Ĩsraelĩ ebihanda birinda, abate bĩmya omwandu wabo.

Yosũa 18:8

Nʼabandu abo mobahangana mobahongoka; na Yosũa mwakangirira abagenda eriyitoma ekihugo, ati, Mugende mulendere omo kihugo, nʼeriyitomakyo, neryo mwase kandi kwingye; nage nasyabagerekera hano embere syʼOmwami Mukulu eSĩlo.

Yosũa 19:51

Eyo ye myandu eyo mũhererĩ Eleazarĩ na Yosũa mugala wa Nũnĩ, nʼabakulu bʼebĩtũnga byʼebihanda byʼabana ba Ĩsraelĩ, eyo bagaba eribya mwandu omo migereko eSĩlo embere syʼOmwami Mukulu, oko lũkyo lwʼeHema yʼerĩhĩndanamo. Ko babuga erigaba ekihugo kyo batya.

Yosũa 21:2

Mobabwirirabo eSĩlo omo kihugo kyʼeKanana, bati, Omwami Mukulu mwahana Musa erituha emĩyĩ yʼerĩĩkalamo, haguma nʼobũlĩsĩryo bwayo busana nʼebihangulo byetu.

Yosũa 22:12

Nʼomugulu abana ba Ĩsraelĩ bowa engulu eyĩ, endeko yosĩ yʼabana ba Ĩsraelĩ mobayikuma-kumira eSĩlo, eriyalwa nabo.

Yosũa 22:19

Nĩkwa ekihugo ekyo mwasĩgalaya kyamabya kibi, neryo musokere omo kihugo kyʼerĩsĩgalya kyʼOmwami Mukulu, aho eHema yʼOmwami Mukulu yĩkere, mwĩmaye erĩsĩgalya omo katĩkatĩ ketu; nĩkwa simuhone oko Mwami Mukulu, kutse simuhone ũkwʼĩtwe erĩyĩhĩmbĩra ekiherero ekite kiherero kyʼOmwami Mukulu Nyamuhanga wetu.

Yosũa 22:9

Nʼabana ba Rũbenĩ nʼabana ba Gadĩ nʼekihande kyʼekihanda kya Manase mobasubula, mobalũa oko bana ba Ĩsraelĩ eSĩlo, omo kihugo kyʼeKanana, eriya oko kihugo kyʼeGĩleadĩ, oko kihugo kyʼerĩsĩgalya lyabo, ekyo basĩgalaya ngʼerihana lyʼOmwami Mukulu omo buno bwa Musa.

Abatswerĩ 18:31

Neryo mobakolera esanamu yʼeribatsa eyo Mĩka akokotaya, oko mugulu gosĩ enyũmba ya Nyamuhanga yabya eSĩlo.

Abatswerĩ 21:12

Neryo mobabana abambesa magana ani omo ndũlanĩ syʼeYabesĩ-Gĩleadĩ, abate baminya mulume erigotsera naye; mobaletabo oko kilaliriro eSĩlo, eyiri omo kihugo kyʼeKanana.

Abatswerĩ 21:19

Kandi mobabũga bati, Lebaya, hali ekiro kikulu kyʼOmwami Mukulu obuli mwaka eSĩlo, eyiri ebwanga bwʼelutambi lwʼendata wʼeBetelĩ, oko bwanga bwʼendata omo nzira nene eyikahetuka eSekemũ erĩlũa eBetelĩ, nʼelutambi lwʼeyĩkwa lwʼeLebona.

1 Samwelĩ 1:24

Neryo abere abĩmũtsĩrĩsya amabere, mwamũhetũkĩryayo, haguma nʼenume yʼemyaka ĩsatu, nʼekitiri kiguma kyʼeyĩsyano, nʼerĩtambya lyʼebĩnyũ, mwamuleta omo nyũmba yʼOmwami Mukulu eSĩlo; nʼomwana oyo abya mulere.

1 Samwelĩ 1:3

Nʼomundu oyo abya iniakahetukira eSĩlo akalũa oko mũyĩ wuwe obuli mwaka erĩramya nʼeriherera Omwami Mukulu wʼemilondo. Nʼabagala babiri ba Elĩ, ye Hofũnĩ na Fĩnehasĩ abahererĩ oko Mwami Mukulu, babyaho.