Yosũa 15:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Nʼomugereko busana nʼekihanda kyʼabana ba Yũda ngʼebĩtũnga byabo ko byabya, mwahĩka oko mutano wʼeEdomũ, oko mbwarara yʼeSĩnĩ erilola elutambi lwʼeyĩkwa oko ndũlĩ-ndũlĩ yʼelutambi lwʼeyĩkwa.

Yosũa 15:1 Iomraidhean Croise

Enzũko 35:23

abagala ba Lea: Rũbenĩ, akambere ka Yakobo, na Sĩmeonĩ, na Lawĩ, na Yũda, na Ĩsakarĩ, na Zebũlũnĩ:

1 Abami 8:65

Neryo Solomono mwayira ekiro kikulu oko mugulu oyo, na Ĩsraelĩ yosĩ haguma naye, endeko nene, erĩtsũka oko lũkyo lwa Hamatĩ nʼerĩhĩka oko lũsĩ lwʼeMĩsĩrĩ, embere syʼOmwami Mukulu Nyamuhanga wetu, ebiro birinda nʼebiro birinda, byo biro ĩkũmĩ na bini.

Ezekĩelĩ 47:19

Nʼoluhande lwʼelutambi lwʼeyĩkwa erĩlolya elutambi lwʼeyĩkwa asyalaba erĩtsũka eTamarĩ erĩhĩka oko magetsi wʼeMerĩbotĩ-Kadesĩ, erĩhĩka oko Kũsĩ kʼeMĩsĩrĩ, erĩhĩka oko Ngetsi Nene. Oyũ ni mutano wʼelutambi lwʼeyĩkwa erĩlolya elutambi lwʼeyĩkwa.

Ezekĩelĩ 48:7

Nʼoko mutano wa Rũbenĩ, erĩtsũka oko luhande lwʼendata erĩhĩka oko luhande lwʼeyĩkwa, Yũda, olubibi luguma.

Emiganzo 20:16

Nĩkwa omugulu twalakira Omwami Mukulu, iye mowa omulenge wetu, mwatuma omũlaĩka, kandi mwatũlũsya eMĩsĩrĩ, neryo lebaya, tuli eKadesĩ, omũyĩ gʼoko ndũlĩ yʼomutano wawe.

Mariko 3:8

nʼeYerũsalema, nʼekihugo kyʼeĨdũmea, nʼekihugo kyʼeyisirya wʼeYorodanĩ, nʼekihugo kĩhererenĩe nʼemĩyĩ yʼeTĩro nʼeSĩdona. Endeko nene eyo moyahĩka uku Yesu kusangwa bowa emyatsi abya akakola.

Eryibuka Ebihano 32:51

Kusangwa mwanyĩhalayako omo katĩkatĩ kʼabana ba Ĩsraelĩ oko magetsi wʼeMerĩba wʼeKadesĩ, omo mbwarara yʼeZĩnĩ; kusangwa momutanyiyira mo mũbũyĩrĩre omo katĩkatĩ kʼabana ba Ĩsraelĩ.

Yosũa 14:2

omo migereko yʼomwandu wabo, ngoko Mwami Mukulu ahana Musa, busana nʼebihanda mwenda, na busana nʼekihande kyʼekihanda.

Yosũa 15:2

Nʼomutano wabo wʼelutambi lwʼeyĩkwa abya atsũkĩre oko ndũlĩ-ndũlĩ yʼEngetsi yʼomũnyũ, erĩtsũka oko mugera owalolĩre elutambi.

Yosũa 18:5

Nabo basyagabakyo mo mbibi sirinda. Yũda asyĩkala omo mutano wuwe elutambi, nʼekĩtũnga kya Yosefũ kyasyĩkala omo mutano wakyo elutambi lwʼendata.