Yosũa 11:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ Neryo Omwami Mukulu mwabwira Yosũa, ati, Sigubahebo; kusangwa engyakya oko ndambĩ ngʼeno nasyahĩrabo abosĩ ĩbamabĩkwa omo byala bya Ĩsraelĩ; wasyatwa emĩsĩsa yʼamagulu wʼesyosabayĩrĩ syabo, nʼerĩhĩsya esyogalĩ syabo omo muliro.

Yosũa 11:6 Iomraidhean Croise

2 Samwelĩ 8:4

Kandi Dawĩdĩ mwamusagula abakagendaya esyosabayĩrĩ elfu nguma nʼamagana alinda (1,700), nʼabasĩrĩkanĩ abakagenda omo bisando, elfu makũmĩ abiri (20,000); neryo Dawĩdĩ mwabandanga ebitego byʼesyosabayĩrĩ syosĩ syʼesyogalĩ, nĩkwa mwabika esyosabayĩrĩ busana nʼesyogalĩ erĩgana.

2 Abami 6:16

Naye mwamũsũbĩrya ati, Sigubahe; kusangwa abali haguma netu ni bangi kwilaba abali haguma nabo.

2 Emyatsi yʼEmigulu 20:16

Omo ngyakya mwandagalire kubo; lebaya, bakahetukira omo bwiruka bwʼeZĩze; nenyũ mwasyeyabo oko ndũlĩ yʼomusya, embere wʼembwarara yʼeYerũelĩ.

Esyonyimbo 46:10

Akabũga ati, Mũmbaye oko malwa, muminye ko ndi Nyamuhanga, Nasyahamĩbwa omo bihanda, nasyahamĩbwa omo kihugo!

Esyonyimbo 46:11

Omwami Mukulu, Omũtokĩ Wʼebyosĩ ali haguma netu; Nyamuhanga wa Yakobo ni busayiro bwetu!

Esyonyimbo 46:9

Akakũbaya amalwa omo kihugo kyosĩ; Akabũnanga amata, nʼerĩtsũtsanga amatũmo, Kandi akahĩsaya esyogalĩ omo muliro!

Emĩsyo 20:7

Omundu utunganene akalendera omo litunganene riwe, Nʼabana buwe ni batsumulwa enyũma wuwe.

Ĩsaya 30:16

Nĩkwa momwabũga muti, Iyehe, nĩkwa twasyatibita endata oko syosabayĩrĩ. Neryo ko mwasyatibita mutya! Kandi muti, Netu twasyagendera oko syosabayĩrĩ esyo. Sikanguha, neryo abakabakwama nabo basyanguha.

Ĩsaya 31:1

Obũlĩge ukwʼabo abakandagalira eMĩsĩrĩ erisonda-sondya erĩwatĩkĩbwa, abakayiketera esyosabayĩrĩ, abakayiketera esyogalĩ kusangwa ni nyingi, kandi abakayiketera abakagenda oko syosabayĩrĩ kusangwa ni bʼamaka kutsibu, nĩkwa sĩbehĩra ameso oko Yũbũyĩrĩre wa Ĩsraelĩ, kutse sĩbesonda-sondaya Omwami Mukulu!

Ezekĩelĩ 39:9

Neryo abĩkere omo mĩyĩ ya Ĩsraelĩ basyahuluka, basyakya omuliro gʼomo bindu byʼamalwa nʼerĩhĩsyabyo, esyongabo nʼesyongabo nyike-nyike, amata nʼemisoha, nʼemyũtso, nʼamatũmo, basyakya omuliro mubyo emyaka irinda.

Hosea 14:3

Asũrĩa sĩendĩsyatũlamya; sitwendisyagendera oko syosabayĩrĩ; kutse sitwendisyaswabwira omũbĩrĩ wʼebyala byetu tuti, uwe nyamuhanga wetu. Kusangwa ukʼuwe Mwami Mukulu, engũbĩ ikabana eriganyira.

Nahũmũ 2:13

Omwami Mukulu Wʼemilondo ati, Lebaya, ngalwa nawe, nasyahĩsya esyogalĩ syawe omo mũkĩ, nʼomũyalĩ asyalya ebyana byawe byʼesyondale; nage nasyatũa ebinyegwa byawe erĩlũa omo kihugo, nʼomulenge wʼabakwenda bawe siendĩsyogũbwa kandi.

Eryibuka Ebihano 7:16

Nenyũ mwasyatinda ebihanda byosĩ ebyo Mwami Mukulu Nyamuhanga wawe asyabaha; erĩso lyawe siryesyaganyirabo; kutse susyekolera esyonyamuhanga syabo; kusangwa ekyo kyangabya kitego busana nawe.

Yosũa 10:8

Kandi Omwami Mukulu mwabũga na Yosũa ati, Sigubahebo; kusangwa nabĩrĩhĩrabo omo byala byawe; sihali mundu oyo wasyahangana embere syawe.

Yosũa 11:5

Abami bosĩ aba mobahĩndana haguma; mobahuluka, mobateka ekilaliriro haguma oko magetsi wʼeMeromĩ, erilwa nʼAbaĩsraelĩ.

Yosũa 11:7

Neryo Yosũa mwasa, nʼabandu bosĩ bʼamalwa haguma naye, eribambirabo mwabũlĩkĩranĩabo nʼeribambirabo hakũhĩ nʼamagetsi wʼeMeromũ, mobawa kubo.

Yosũa 11:9

Na Yosũa mwakolabo ngoko Mwami Mukulu amubwira. Mwatwa emĩsĩsa yʼesyosabayĩrĩ syabo, kandi mwahĩsya esyogalĩ syabo syʼomo muliro.

Yosũa 3:5

Kandi Yosũa mwabũga nabo ati, Muyihigule, kusangwa omo ngyakya Omwami Mukulu asyakola ebyʼeriswekera omo katĩkatĩ kenyũ.

Abatswerĩ 20:28

na Fĩnehasĩ, omugala wa Eleazarĩ, omugala wa Harũnĩ, mwimana embere walyo oko biro ebyo) bati, Nyinahongoke kandi eriyalwa nʼabagala ba Benyamĩna omugala wetu, kutse nyũmbaye kwehĩ? Omwami Mukulu mwabũga ati, Hetuka; kusangwa omo ngyakya nasyamũhĩra omo byala byawe.

Abatswerĩ 7:9

Neryo mokyabya ekiro ekyo, Omwami Mukulu mwabũga naye ati, Wandagalire oko ndwiro; kusangwa nabĩrĩhĩrayo omo byala byawe.

1 Samwelĩ 11:9

Neryo mobabwira bakwenda abasa bati, Mwasyabwira bandu bʼeYabesĩ-gĩleadĩ, muti, Omo ngyakya, omugulu eryuba lyasyasingirira, mwasyabana erilama. Nʼabakwenda mobagenda mobabwira abalume bʼeYabesĩ; nabo mobatsema.