Yosũa 11:12 - AMASAKO ABOYTRTRE WA NYAMUHANGA AWAKAHULAWA MO BIBLIA

¹² Kandi Yosũa mwĩmya emĩyĩ yosĩ yʼabami abo, nʼabami bayo bosĩ, kandi mwĩtabo omo boya bwʼomũyalĩ, mwaheryabo ndeke; ngoko Musa omugombe wʼOmwami Mukulu ahana.

Yosũa 11:12 Iomraidhean Croise

Eryibuka Ebihano 7:2

nʼomugulu Omwami Mukulu Nyamuhanga wenyũ asyahĩrabo embere syenyũ, mwasyatĩndabo; oko mugulu oyo mwasyatogotyabo ndeke; simusyeyira endagano haguma nabo, kutse eriganyirabo;

Eryibuka Ebihano 9:3

Neryo muminye mũnabwĩre, Omwami Mukulu Nyamuhanga wenyũ ni ye yukasoka embere syenyũ ngʼomuliro owakagulumira. Asyaheryabo, kandi asyakĩndabo embere syenyũ; nenyũ measyahigabo nʼerĩheryabo lũba, ngoko Mwami Mukulu abĩrĩbũga nenyũ.

Yosũa 10:20

Neryo Yosũa nʼabana ba Ĩsraelĩ babere babibuga erĩĩtabo omo bwĩtĩ bunene, erĩhĩka aho bamabihwera, nʼabasĩgalĩre babere babingira omo mĩyĩ ĩkangatĩre,

Yosũa 10:28

Kandi Yosũa mwĩmya eMakeda ekiro ekyo, mwakenzengago omo boya bwʼomũyalĩ, nʼomwami wako; mwaheryabo kutsibu nʼabandu bosĩ ababyamo; mwatasĩga nʼomuguma; kandi mwakola omwami wʼeMakeda ngoko akola omwami wʼeYerĩko.

Yosũa 10:30

Neryo Omwami Mukulu mwahĩrago nʼomwami wako, omo byala bya Ĩsraelĩ; neryo mwakenzengago omo boya bwʼomũyalĩ, nʼabandu bosĩ ababyamo; mwatasĩga nʼomuguma; kandi mwakola omwami wako ngoko akola omwami wʼeYerĩko.

Yosũa 10:32

NʼOmwami Mukulu mwahĩra eLakĩsĩ omo byala bya Ĩsraelĩ; naye mwĩmyago ekiro kyʼakabiri, mwakenzengago omo boya bwʼomũyalĩ, nʼabandu bosĩ ababyamo ngʼebyosĩ akola eLĩbũna.

Yosũa 10:35

Kandi mobĩmyago ekiro ekyo, mobaswĩryago omo boya bwʼomũyalĩ; nʼabandu bosĩ ababyamo mwaheryabo kutsibu oko kiro ekyo, ngʼebyosĩ akola eLakĩsĩ.

Yosũa 10:37

Mobĩmyago, mobĩtago omo boya bwʼomũyalĩ, nʼomwami wako, nʼemĩyĩ yako yosĩ, nʼabandu bosĩ ababyamo; mwatasĩga nʼomuguma, ngʼebyosĩ akola Eglonĩ; nĩkwa mwaheryago kutsibu, nʼabandu bosĩ ababyamo.

Yosũa 11:13

Nĩkwa busana nʼemĩyĩ eyabya yimene oko hitwa, Abaĩsraelĩ mobatahĩsya nʼomuguma wa kuyo, ye nʼeHazorĩ ĩyoyene; Yosũa mwahĩsyago.

Yosũa 11:15

Ngoko Mwami Mukulu ahana Musa omugombe wuwe, Musa mwahana Yosũa atya; kandi Yosũa mwakola atya; mwatasĩga ekindu ekyo atetakola omo byosĩ Omwami Mukulu ahana Musa.

Yosũa 13:6

Esyondũlanĩ syosĩ syʼekihugo kyʼebitwa erĩtsũka eLebanonĩ erĩhĩka eMĩserefotĩ-maĩmũ, nʼAbasĩdonĩ bosĩ; nasyahigabo embere syʼabana ba Ĩsraelĩ; nĩkwa ukigabire Ĩsraelĩ mo mwandu, ngoko nabirikuhana.

Yosũa 21:44

Kandi Omwami Mukulu mwahabo obuluhuke oko mbande syosĩ ngʼebyosĩ ebyo alahĩrĩraya abotata-kulu wabo. Mohatahangana omundu nʼomuguma oko syonzĩgũ syabo syosĩ embere syabo; Omwami Mukulu mwahĩra esyonzĩgũ syabo syosĩ omo byala byabo.

Yosũa 8:31

ngoko Musa omugombe wʼOmwami Mukulu ahana abana ba Ĩsraelĩ, ngoko kĩsakĩre omo kitabu kyʼebihano bya Musa, ekiherero kyʼamabwe awatabatsĩre, isihali mundu oyo wakolaya kwʼekyuma; kandi mobaherera kukyo kwʼamahere wʼerĩokererya oko Mwami Mukulu, nʼerihongerako amahere wʼobuholo.

Yosũa 8:8

Neryo mwasyabya mwabihamba omũyĩ, mwasyahĩsyago; mwasyakola ngʼekĩnywa kyʼOmwami Mukulu. Lebaya, nabiribahana.

Yosũa 9:24

Nabo mobasũbĩrya Yosũa bati, Kusangwa abagombe bawe babwirawa ndeke, ngoko Mwami Mukulu Nyamuhanga wawe ahana Musa omugombe wuwe eribaha ekihugo kyosĩ, nʼerĩherya esyondũlanĩ syosĩ syʼekihugo embere syenyũ; kyaleka itubaha kutsibu busana nʼesyongebe syetu busana nenyũ, neryo motwayira tutya.