Yosũa 10:8 - AMASAKO ABOYTRTRE WA NYAMUHANGA AWAKAHULAWA MO BIBLIA

⁸ Kandi Omwami Mukulu mwabũga na Yosũa ati, Sigubahebo; kusangwa nabĩrĩhĩrabo omo byala byawe; sihali mundu oyo wasyahangana embere syawe.

Yosũa 10:8 Iomraidhean Croise

1 Abami 20:13

Neryo, lebaya, omũmĩnyererĩ mwahĩka hakũhĩ na Ahabũ omwami wʼeĨsraelĩ, mwabũga ati, Omwami Mukulu akabũga ati, Wabirilangira endeko nene yosĩ eyĩ kwehĩ? Lebaya, ngandĩhĩrayo omo byala byawe mũnabwĩre; nawe wasyaminya ko ndi Mwami Mukulu.

AbanyaRoma 8:31

Neryo tũbũgekĩ busana nʼemyatsi eyĩ kwehĩ? Nyamuhanga amabya ali oko luhande lwetu, nindi yo wangaswalwa netu kwehĩ?

Eryibuka Ebihano 3:2

Nĩkwa Omwami Mukulu mwambwira, ati, Sigumubahe; kusangwa nabĩrĩmũhĩra, nʼabandu buwe bosĩ, nʼekitaka kiwe, omo byala byawe; neryo wasyamukola ngoko wakola Sĩhonĩ omwami wʼAbaamorĩ, oyo wabya ĩkere eHesĩbonĩ.

Eryibuka Ebihano 7:24

Kandi asyahotera abami babo omo byala byenyũ, kandi mwasyaleka erĩna lyabo iryabulirana eyĩkwa oko bũtũkũ; sihali mundu oyo wasyatoka erihangana embere syenyũ, erĩhĩka aho mwasyatĩndĩrabo.

Yosũa 10:25

Na Yosũa mwabũga nabo, ati, Simubahe kutse erĩhahũkya omutima! Mubye nʼamaka muyisige, kusangwa Omwami Mukulu asyakola atya esyonzĩgũ syenyũ syosĩ abo mukalwa nabo.

Yosũa 10:9

Neryo Yosũa mwabũlĩkĩranĩabo; mwahetuka erĩlũa eGĩlgalĩ omo kiro kyosĩ.

Yosũa 11:6

Neryo Omwami Mukulu mwabwira Yosũa, ati, Sigubahebo; kusangwa engyakya oko ndambĩ ngʼeno nasyahĩrabo abosĩ ĩbamabĩkwa omo byala bya Ĩsraelĩ; wasyatwa emĩsĩsa yʼamagulu wʼesyosabayĩrĩ syabo, nʼerĩhĩsya esyogalĩ syabo omo muliro.

Yosũa 8:1

Neryo Omwami Mukulu mwabũga na Yosũa ati, Sigubahe, kutse sũhahũkaye omutima; wĩmaye abandu bosĩ bʼamalwa haguma nawe, uhangane uye eAĩ; langira, nabiriha omwami wʼeAĩ omo byala byawe, nʼabandu buwe, nʼomũyĩ wuwe, nʼebitaka biwe,

Abatswerĩ 6:16

Neryo Omwami Mukulu mwabũga naye ati, Kwenene nasyabya haguma nawe, kandi wasyĩta Abamĩdĩanĩ ngʼomundu muguma.

Abatswerĩ 7:9

Neryo mokyabya ekiro ekyo, Omwami Mukulu mwabũga naye ati, Wandagalire oko ndwiro; kusangwa nabĩrĩhĩrayo omo byala byawe.

1 Samwelĩ 17:47

nʼendeko yosĩ eyĩ iminye Omwami Mukulu kwʼatelamĩraya omo mũyalĩ nʼerĩtũmo; kusangwa amalwa ni wʼOmwami Mukulu, naye yũkandĩbahĩra omo byala byetu.