Yosũa 1:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ Ubye nʼamaka nʼeriyisiga; kusangwa wasyalĩsya abandu aba bʼomwandu wʼekihugo ekyo nalahĩrĩraya abotata-kulu wabo eriha kyobo.

Yosũa 1:6 Iomraidhean Croise

Enzũko 12:7

Neryo Omwami Mukulu mwahulukira Abramu, mwabũga ati, Oko lubuto lwawe nasyahabo ekihugo ekĩ. Neryo mwahĩmbaho ekiherero oko Mwami Mukulu, oyo wamuhulukako.

Enzũko 26:3

Ubunge omo kihugo ekĩ, nage nasyabya haguma nawe, nʼerikutsumula, kusangwa ukʼuwe nʼoko bana bawe nasyabaha ebihugo byosĩ ebĩ, kandi nasyahanganĩa erĩlahĩrya eryo nalahĩraya uku tata wawe Abrahamũ.

2 Samwelĩ 10:12

Mubye nʼamaka, tulwe kilume-lume busana nʼabandu betu, na busana nʼemĩyĩ ya Nyamuhanga wetu; kandi Omwami Mukulu akole ekiri kibuya omo meso wuwe.

1 Abami 2:2

Ngagenda omo nzira yʼekihugo kyosĩ; neryo ubye nʼamaka, ũyĩkangaye kʼuli mulume;

1 Emyatsi yʼEmigulu 22:13

Neryo Wasyabana omũyĩsa wamateya erikola emigambo, nʼebilayiro ebyo Mwami Mukulu ahana Musa busana nʼAbaĩsraelĩ. Uyire maka, uhande omutima; Sigubahe, sũhanga-hangaye.

1 Emyatsi yʼEmigulu 28:10

Na lino ũyĩrebaye; kusangwa Omwami Mukulu abiriyisoga we erĩhĩmba enyũmba busana nʼahabũyĩrĩre; Ũsĩkaye omutima, ukolekyo.

1 Emyatsi yʼEmigulu 28:20

Neryo Dawĩdĩ mwabwira mugala wuwe Solomono ati, Ubye nʼamaka, uhande omutima, ukolebyo. Sigubahe, kutse erĩhanga-hangya; kusangwa Omwami Mukulu Nyamuhanga, ye Nyamuhanga wage, ali haguma nawe; siendisyakuhigukalira, kutse erĩkũsĩga, erĩhĩka aho erikola lyosĩ lyʼomũbĩrĩ wʼenyũmba yʼOmwami Mukulu lyasyahwera.

2 Emyatsi yʼEmigulu 15:7

Nĩkwa ĩnywe mubye nʼamaka, muyisige; kusangwa omũbĩrĩ wenyũ asyahembwa.

2 Emyatsi yʼEmigulu 20:11

lebaya, ngoko bakatuliha, eriasa nʼerĩtũlũsya omo kihugo kyawe ekyo watuha omo ndagano.

2 Emyatsi yʼEmigulu 20:7

Uwe Nyamuhanga wetu, uwe utahiga esyondũlanĩ syʼekihugo ekĩ embere syʼabandu bawe Ĩsraelĩ kwehĩ, nʼerihakyo kera na kera oko bana bʼomwĩra wawe Abrahamũ kwehĩ?

Esyonyimbo 27:14

Uyiketere Omwami Mukulu; Wĩkĩrĩraye, Suleke omutima akalũa omo nda, Uyiketere Omwami Mukulu.

Danĩelĩ 10:19

Neryo mwabũga ati, Uwe mundu oyũsĩmĩrwe kutsibu, Sigubahe. Ubye nʼobuholo; ũsĩke nʼamaka, ega, uhande omutima! Nʼomugulu abũga nage, monabana amaka, monabũga nyiti, omukama wage abũge; kusangwa wamanyiha amaka.

Hagaĩ 2:4

Nĩkwa lino uwe Zerũbabelĩ, Ũsĩkaye omutima, Omwami Mukulu atya; nawe Yosũa, mugala wa Yosadakĩ, omũhererĩ mukulu, Ũsĩkaye omutima; nʼĩnywe bandu bosĩ bʼekihugo, mũsĩkaye emitima, mukole, Omwami Mukulu atya; kusangwa indi haguma nenyũ, Omwami Mukulu atya.

Zekarĩa 8:9

Omwami Mukulu Wʼemilondo ati: Ebyala byenyũ bibye nʼamaka, ĩnywe mukahulikirira omo biro ebĩ ebĩnywa ebĩ ebĩkalũa omo buno bwʼabamĩnyererĩ, ababũga oko kiro ekibanza kyʼenyũmba yʼOmwami Mukulu Wʼemilondo kyahĩrawa, eHekalũ, itoke erĩhĩmbwa.

Emiganzo 26:53

Ekihugo kyasyagabirwa Ukwʼaba eribya mwandu ngʼemiganzo yʼamena kwʼiri.

Emiganzo 33:53

Kandi mwasyĩmya omo kihugo ekyo mwʼesyombibi, nʼerĩĩkalamo; kusangwa nabiribaha ekihugo eribya kyenyũ.

1 AbanyaKorinto 16:13

Mũyĩtegaye, mũsĩke omwʼĩkĩrĩrya, mukole ngʼabalume, mubye nʼamaka.

AbanyaEfeso 6:10

Neryo lino, mubane amaka erima­tikana nʼomukama. Mubane akagala omo bũtokĩ bunene buwe.

Eryibuka Ebihano 1:21

Lebaya, Omwami Mukulu Nyamuhanga wenyũ abĩrĩhĩra ekihugo embere syenyũ; muhetuke, mwĩmayekyo, ngoko Mwami Mukulu, Nyamuhanga wʼaboso-kulu wenyũ, abĩrĩbũga nenyũ. Simubahe, kutse sĩmũhahũkaye emitima.

Eryibuka Ebihano 1:8

Mũlebaye, nabĩrĩhĩra ekihugo embere syenyũ; muyemo mwĩmaye ekihugo ekyo Mwami Mukulu alahĩrĩraya abotata wenyũ, Abrahamũ, na Ĩsaka, na Yakobo eriha kyobo nʼoko bana babo enyũma kubo.

Eryibuka Ebihano 11:8

Busana nʼekyo mwasyateya obuli kihano ekyo ngabahana mũnabwĩre, imwabana, eribya nʼamaka, nʼeriingira nʼerĩsĩgalya ekihugo ekyo, eyo mukasokera erĩsĩgalyakyo;

Eryibuka Ebihano 31:23

Kandi mwalaga Yosũa mugala wa Nũnĩ, ati, Ubye nʼamaka, Ũsĩkaye omutima; kusangwa wasyaleta abana ba Ĩsraelĩ omo kihugo ekyo nalahĩrĩrayabo; kandi nasyabya haguma nawe.

2 Timoteo 2:1

Neryo nawe mwana wage, ukale omo lukogo oluli busana netu erimatikana na Kristo Yesu.

Yosũa 1:18

Omundundi oyo wasyapona erihana lyawe, nʼerĩtĩndĩowa ebĩnywa byawe omo byosĩ ukamuhana, asyĩtwa; ekiguma kisa ubye nʼamaka kandi uyisige ndeke.

Yosũa 1:7

Ekigumakisa ubye nʼamaka nʼeriyisiga kutsibu, ukwamirire erikola emigambo yosĩ, eyo mugombe wage Musa akuhana; suteruke kuyo oko byala byʼamali, kutse ebyʼamalembe, iwatoka eribya nʼomũyĩsa ehosĩ ukaya.

Yosũa 1:9

Sinditakuhana kwehĩ? Ubye nʼamaka, uyisige ndeke; Sigubahe kutse erĩhahũkya omutima; kusangwa Omwami Mukulu Nyamuhanga wawe ali haguma nawe ehosĩ ukaya.

Yosũa 10:25

Na Yosũa mwabũga nabo, ati, Simubahe kutse erĩhahũkya omutima! Mubye nʼamaka muyisige, kusangwa Omwami Mukulu asyakola atya esyonzĩgũ syenyũ syosĩ abo mukalwa nabo.

Yosũa 13:6

Esyondũlanĩ syosĩ syʼekihugo kyʼebitwa erĩtsũka eLebanonĩ erĩhĩka eMĩserefotĩ-maĩmũ, nʼAbasĩdonĩ bosĩ; nasyahigabo embere syʼabana ba Ĩsraelĩ; nĩkwa ukigabire Ĩsraelĩ mo mwandu, ngoko nabirikuhana.

Yosũa 18:3

Na Yosũa mwabwira abana ba Ĩsraelĩ, ati, Omugulu gungahi mwasyalindirira eriingira nʼerĩsĩgalya ekihugo, ekyo Mwami Mukulu, Nyamuhanga wʼabotata-kulu wenyũ, abiribaha kwehĩ?

Yosũa 21:43

Neryo Omwami Mukulu mwaha Ĩsraelĩ ekihugo kyosĩ ekyo alahĩrĩraya eriha abotata-kulu wabo; kandi mobasĩgalyakyo mobĩkala mukyo.

Yosũa 5:6

Kusangwa abana ba Ĩsraelĩ mobagenda omo mbwarara emyaka makũmĩ ani, erĩhĩka aho ekihanda kyosĩ, ba balume bʼamalwa abalũa eMĩsĩrĩ, ĩbamabĩtogotĩbwa kusangwa mobatahulikirira omulenge wʼOmwami Mukulu, abo Mwami Mukulu alahĩrĩraya sĩangalĩga bakalangira ekihugo ekyo Mwami Mukulu alahĩrĩraya abotata-kulu wabo erituhakyo, ekihugo ekyoswĩre mwʼamasabũ nʼobuki.

1 Samwelĩ 4:9

Mubye nʼamaka, mubye ngʼabalume, ĩnywe Bafĩlĩstĩnĩ, imutabya bakobe bʼAbaebrania ngoko babya benyũ; mubye ngʼabalume, mulwe.