Yosũa 1:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Erĩtsũka embwarara, nʼeLebanonĩ eyĩ, erĩhĩka oko lũsĩ lunene, olũsĩ Efũratĩ ekihugo kyʼAbahĩtĩ, nʼerĩhĩka oko ngetsi nene ebwanga bwʼerirenga lyʼeryuba, ho hasyabya Omutano wenyũ.

Yosũa 1:4 Iomraidhean Croise

1 Abami 10:29

Nʼegalĩ moyahetuka ĩkalũa eMĩsĩrĩ busana nʼesyosekelĩ magana ndatu syʼekĩtsĩpa (600), nʼesabayĩrĩ nguma busana nʼerĩgana nʼamakũmĩ atanu (150); ko bagũlaya batya oko bami bosĩ bʼAbahĩtĩ nʼabami bʼeSũrĩa.

1 Abami 4:21

Na Solomono mwatabala oko mami gosĩ erĩtsũka oko lũsĩ lwʼeEfurata erĩhĩka oko kihugo kyʼAbafĩlĩstĩnĩ, nʼerĩhĩka oko mutano wʼeMĩsĩrĩ; mobaleta engemu, nʼerikolera Solomono ebiro byosĩ byʼeribyaho liwe.

1 Emyatsi yʼEmigulu 18:3

Kandi Dawĩdĩ mwĩta Hadarezerĩ omwami wʼeZoba erĩhĩka eHamatĩ omugulu ayahanganaya eritabala liwe hakũhĩ nʼolũsĩ lwʼeEfũratĩ.

1 Emyatsi yʼEmigulu 5:9

Naye mwĩkala ebwanga bwʼendata erĩhĩka oko mutano wʼembwarara erĩtsũka oko lũsĩ Efurata, kusangwa ebihangulo byabya ibyabirikanya omo kihugo kyʼeGĩleadĩ.

Ezera 4:20

Kandi abami bʼamaka babiritabala oko Yerũsalema, ibakatabala oko bihugo byosĩ eyisirya wʼolũsĩ lwʼeEfũratĩ; kandi mobalihwa omusolo, nʼomuhako, nʼengemu yʼenzira.

Erĩlũayo 23:31

Kandi nasyahĩra Omutano wenyũ erĩtsũka oko Ngetsi yʼEngula erĩhĩka oko ngetsi yʼAbafĩlĩstĩnĩ, nʼerĩtsũka oko mbwarara erĩhĩka oko Lũsĩ lwʼeEfũratĩ, kusangwa nasyahĩra esyondũlanĩ syʼekihugo omo byala byenyũ; kandi mwasyahigabo embere syenyũ.

Eryibuka Ebihano 1:7

Mũbũnũkale, muhongoke, mugende oko kihugo kyʼebitwa ebyʼAbaamorĩ, na hakũhĩ nʼaho, omo Araba, omo kihugo kyʼebitwa, nʼomo bwerere, nʼelutambi lwʼeyĩkwa, nʼoko mũsike wʼengetsi, ekihugo kyʼAbanya Kanana, nʼeLebanonĩ, erĩhĩka oko lũsĩ lunene, olũsĩ lwʼeFũratĩ.

Eryibuka Ebihano 11:24

Obuli mwanya ogo bulyatiro bwʼekisando kyenyũ bwasyalyatako asyabya wenyũ; erĩtsũka oko mbwarara, nʼeLebanonĩ, erĩtsũka nʼoko lũsĩ, olũsĩ lwʼeEfũratĩ, erĩhĩka oko ngetsi yʼenyũma yasyabya mutano wenyũ.

Eryibuka Ebihano 3:25

Ngakusaba nyiti Uleke nyisoke, nyilangire ekihugo kibuya ekiri eyisirya oko Yorodanĩ, nʼekihugo kyʼekitwa ekyo ekyowene kyʼeLebanonĩ.

Eribisurirwa 9:14

Omulenge oyo mwabwira omũlaĩka owʼendatu, oyuwite engubi, ati, Ubohole abamalaĩka bani ababohere ahali olũsĩ lunene eFũratĩ.