Yona 4:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Busana nʼekyo lino, Uwe Mwami Mukulu ngakũbũganganako, ũndũsaye kwʼengebe yage; kusangwa lyowene ũkwʼĩngye erihola kwilaba eribyaho.

Yona 4:3 Iomraidhean Croise

1 Abami 19:4

Nĩkwa ye Elĩya mwagenda olugendo lwʼekiro kiguma omo mbwarara, mwasa mwĩkala omo ndĩna yʼomuti wʼomusasa; neryo mwabũlya ati ahole, ati, Bingaho; lino uwe Mwami Mukulu ũlũsaye engebe yage; kusangwa Sindi mubuya kwilaba abotata-kulu bage.

Omũgambũlĩ 7:1

Erĩna libuya lyowene kwilaba amagũta wʼobũgũlĩ bunene. Nʼekiro kyʼoluholo kyowene kwilaba ekiro kyʼeributwa lyʼomundu.

Omũgambũlĩ 7:9

Siwanguhe omo kĩrĩmũ kyawe erihitana, kusangwa erihitana lĩkere omo kĩkũba kyʼabakĩrũ.

Yeremĩa 8:3

Kandi Omwami Mukulu wʼemilondo ati, Oluholo lwasyayisogwa kwilaba engebe nʼabasĩgalira bosĩ abasaka omo kĩtũnga kibi ekĩ, abasaka ehosĩ eyo nahigirabo.

Yona 4:4

Neryo Omwami Mukulu mwabũga ati, Wamakola ndeke ukahitana kwehĩ?

Yona 4:8

Neryo, omugulu eryuba lyasingirira, Nyamuhanga mwakokotya erihunga erĩhũhene lĩkalũa ebwanga bwʼendata; nʼeryuba molyakola oko mutwe wa Yona, neryo Yona mwalembera, kyaleka iniayisabira erihola, ati, Lyowene ũkwʼĩngye erihola kwilaba eribyaho.

Emiganzo 11:15

Kandi wamanyikola utya, ngakusaba ũnyĩtĩre hano, namabibana eriganyira omo meso wawe; kandi Suleke ngalangira obũlĩge bwage.

Emiganzo 20:3

Nʼabandu mobalwa na Musa, bati, Kumbe twahola omugulu abalĩkyetu baholera embere syʼOmwami Mukulu!

1 AbanyaKorinto 9:15

Nĩkwa sinditakola omo hamũlĩ yage omo myatsi eyĩ. Kandi sinditasaka emyatsi eyĩ nyiti nyibane erĩwatĩkĩbwa. Kitsiga inahola kwilaba eriyira eriyipipa lyage mo buyira.