Yona 2:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Mwabũga ati, Monalakira Omwami Mukulu omo bũlĩge bwage, Naye mwanyĩsũbĩrya, Monalakira erĩwatĩkĩbwa omo nda yʼeKũlĩmũ, Mowowa omulenge wage.

Yona 2:2 Iomraidhean Croise

2 Emyatsi yʼEmigulu 33:12

Nʼomugulu abya omo bũlĩge, mwalakira Omwami Mukulu Nyamuhanga wuwe, mwayĩkehya kutsibu embere sya Nyamuhanga wʼabotata buwe.

Esyonyimbo 116:3

Oluholo molwanyisenga omo mikoba yalo, Obuyuyu bwʼeyisinda mobwanyĩta; Monakwa obuba nʼeriagalwa.

Esyonyimbo 120:1

Omugulu nabya omo bũlĩge, monalakira Omwami Mukulu, Naye mwanyĩsũbĩrya.

Esyonyimbo 16:10

Kusangwa sĩwendĩsyasĩga ekĩrĩmũ kyage omo Kũlĩmũ, Kandi siwendisyaleka Omũbũyĩrĩre wawe akalola okwʼihonda.

Esyonyimbo 22:24

Sialibirirawa kutse eripona amalĩge wʼabakagalawa; Kandi sĩalĩbĩsama kubo, Nĩkwa akowa erilaka lyabo.

Esyonyimbo 34:6

Abandu bera bakalakira Omwami Mukulu, naye akasũbĩraya; Akalamayabo oko malĩge wabo gosĩ.

Esyonyimbo 4:1

Ũnyĩsũbĩraye omugulu ngakubirikira, Uwe Nyamuhanga, omwĩmĩrĩ wage! Omugulu indi nʼobũlĩge, mowanyĩwatĩkya. Unyiganyire, wowe erisaba lyage.

Esyonyimbo 61:2

Omugulu ngalembera, inyine hali kwʼeka, ngakulakira! Unyitwale ahali obusayiro bwʼobuholo.

Esyonyimbo 65:2

Kusangwa ũkasũbĩraya erisaba, Abandu bosĩ basyakũhĩkako,

Esyonyimbo 86:13

Olwanzo lwawe olutyusa busana nage ni lungi! Wabĩrĩnyĩlamya omo Kũlĩmũ mo hali.

Ĩsaya 14:9

Ekũlĩmũ, ikakutsemera, erĩhĩndana nawe okwʼĩhĩka lyawe; ĩkahanganaya ebĩrĩmũ byʼabaholĩ busana nawe, abasondolĩ bosĩ bʼekihugo, ĩkahanganaya abami bosĩ bʼebihanda, oko bĩtũmbĩ byabo byʼobwami.

Ekiriro 3:55

Monabirikira erĩna lyawe, uwe Mwami Mukulu, Inyine omo buhya obwʼeyĩkwa yo hali.

Ezekĩelĩ 26:20

oko mugulu oyo nasyakwandagalya haguma nʼabakandagalira omo buhya, oko bandu bʼomugulu wa kera, nasyakwĩkalya oko bihande byʼeyĩkwa byʼekihugo, ngʼemyanya ya kera yʼekĩma, haguma nʼabakandagalira omo buhya, ĩsĩwendĩsyĩkalwamo nʼabandu. Nĩkwa nasyahĩra olukengerwa omo kihugo kyʼabandu baliho.

Ezekĩelĩ 31:14

emiti yosĩ eyiri hakũhĩ nʼamagetsi sĩyĩyĩhamaye busana nʼobuli bwayo, kutse erĩhĩra esingi yayo omo katĩkatĩ kʼebĩtũ, kutse esyombangĩ syayo esĩkapũlaya amagetsi isisyahangana omo buli bwayo. Kusangwa abosĩ bakahĩrawa oko luholo, oko kitaka kyʼeyĩkwa, omo katĩkatĩ kʼabana bʼabandu, haguma nʼabakandagalira omo buhya.

Matayo 12:40

Kusangwa ngoko Yona abya omo nda yʼenyama nene yʼomo ngetsi emisibo ĩsatu nʼebiro bisatu, na litya Omugala wʼomundu asyabya omo kitaka emisibo isatu nʼebiro bisatu.

Luka 11:10

Kusangwa oyũkabũlaya, asyangirirakyo, nʼoyukasonda-sonda asyabanakyo; nʼolũyĩ lwasyakingukala oko yukakongota kulo.

Luka 22:44

Neryo mwasaba kutsibu iniakagalawa, nʼolũnza luwe lwabya ngʼamatondĩ wʼomusasi awakatogongera ahisi oko kitaka.

Emibiri 2:27

Kusangwa sĩwendĩsyasĩga ekĩrĩmũ kyage omo Kũlĩmũ, Kutse siwendisyaleka Omũbũyĩrĩre wawe erilola okwʼihonda.

AbaEbrania 5:7

Omugulu Yesu abya eno ngʼomundu, mwasaba nʼeriremba-lemba uku Nyamuhanga, omwʼilakirira nʼemĩsonĩa, ukwʼoyo abya nʼamaka wʼerĩmũlamya oko luholo, kandi Nyamuhanga mwamowa busana nʼobugenge buwe.

1 Samwelĩ 1:16

Suganze omugombe wawe wʼobũkalĩ mo mũkalĩ mutya-mutya; kusangwa nabĩrĩbũga omo bungi bwʼerĩsĩmba lyage nʼerĩendererĩbwa lyage erĩhĩka lino.

1 Samwelĩ 30:6

Kandi Dawĩdĩ mwasĩsĩkana kusangwa bandu mobabũga bati bamwĩte omo mabwe, kusangwa emitima yʼabandu bosĩ moyasĩrĩkalĩra, obuli mundu busana nʼabagala buwe na busana nʼabali buwe; nĩkwa Dawĩdĩ mwayibanira maka omo Mwami Mukulu Nyamuhanga wuwe.