Yoelĩ 3:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Mũkũmayĩraye ekĩ omo katĩkatĩ kʼebihanda; muhande amalwa; mwĩmanaye esyombangĩ; abandu bosĩ bʼamalwa base hakũhĩ, bahetukireho.

Yoelĩ 3:9 Iomraidhean Croise

Esyonyimbo 96:10

Mubwire ebihanda byosĩ, muti, Omwami Mukulu ni Mwami! Abirihanda ekihugo kyo ndeke omo mwanya wakyo, sĩkyangatũndwa; Asyatswera abandu bosĩ omo litunganene.

Ĩsaya 34:1

Ĩnywe bihanda mwase hakũhĩ, mubane erĩowa, muhulikirire, ĩnywe bandu! Ekitaka kihulikirire, nʼebyoswĩre mukyo byowe, ekihugo nʼebindu byosĩ ebikahuluka mukyo.

Yeremĩa 31:10

Ĩnywe bihanda, muhulikirire ekĩnywa kyʼOmwami Mukulu, kandi mũtũlego omo bitsira byʼehali, mũbũge muti, Oyo wapanza-panza Ĩsraelĩ, asyamukuma-kuma nʼerĩmũteya, ngoko mũlĩsya akategaya ekihangulo kiwe.

Yeremĩa 50:2

Mũtũlego omo katĩkatĩ kʼebihanda, mũbũge, mũtũlego, muhanganaye ebendera. Sĩmũbĩsego, muti, Babelĩ abĩrĩhũngwa, Belĩ abirihemuka, Merodakĩ abirikonongoka. Esyosanamu syako syabirihemuka, esyosanamu syako syabirikonongoka.

Yeremĩa 51:11

Mũtalaye emisoha, mũsũlaye esyolubo! Omwami Mukulu abĩrĩhanganĩa emitima yʼabami bʼAbamedĩ, kusangwa erĩganĩrya liwe ni malwa nʼeBabelĩ, erĩheryago, kusangwa nĩ ʼkĩsya lyʼOmwami Mukulu, erĩkĩsya busana nʼeHekalũ yiwe.

Yeremĩa 51:27

Musingike ebendera omo kihugo, mubuhe engubi omo katĩkatĩ kʼebihanda! Muhigule ebihanda erilwa naye. Mubirikire haguma amami wʼeAraratĩ nʼeMĩnĩ, nʼeAskenazĩ erilwa naye. Mũhĩre omũsondolĩ erilwa naye. Mũhetũkaye esyosabayĩrĩ ngʼesyongĩke.

Yeremĩa 6:4

Mũyĩtegekanaye erilwa naye. Muhangane, tuhetukireho tulwe omwʼitungi. Obũlĩge ũkwʼĩtwe! kusangwa bũkĩra, kusangwa esyonganda syʼerĩgolo-golo sirimugaramuka!

Ezekĩelĩ 38:17

Omukama Iye Omwami Mukulu ati, Uli oyo nahula oko mugulu wa kera busana nʼabagombe bage abamĩnyererĩ ba Ĩsraelĩ, abaminyerera oko biro ebyo busana nʼemyaka mingi ngoko nasyakuleta erilwa nabo kwehĩ?

Ezekĩelĩ 38:7

Ubye oyũyĩtegekenĩe, kandi ũyĩtegekanaye, uwe nʼemilondo yawe yosĩ eyabĩrĩyĩhĩndanĩa erĩkũtĩmbako, nawe ubye mũteya wabo.

Mĩka 3:5

Omwami Mukulu akabũga busana nʼabamĩnyererĩ abakatalaya abandu bage! Omugulu bawite ekindu kyʼerirya, bakabirikira bati, Obuholo; nʼoyũtehĩra akalyo omo buno bwabo, abakamũtegekanĩraya amalwa.

Hagaĩ 2:7

Omwami Mukulu Wʼemilondo ati, Nasyasũkanĩa ebihanda byosĩ; nabo basyasa nʼobũsokĩ bwʼebihanda byosĩ; nage nasyũsũlya enyũmba eyĩ nʼolukengerwa.

Zekarĩa 14:2

Kusangwa nasyahĩndanĩa ebihanda byosĩ erilwa nʼeYerũsalema; nʼomũyĩ asyahũngwa, nʼamanyũmba ĩnĩahũngwa, nʼabakalĩ basyatsandĩbwa; nʼoluhande lwʼomũyĩ lwasyaya mwʼabasayĩ nʼabandu abakasĩgalira sibendĩsyĩtwa oko mũyĩ.

Zekarĩa 14:3

Neryo Omwami Mukulu asyahuluka, nʼerilwa nʼebihanda ebyo, ngoko akalwa omo kiro kyʼamalwa.