Yoelĩ 3:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ lebaya, nasyabũkyabo erĩlũa aho mwagũlayabo, nasyasũbũlya endĩhĩ yenyũ oko mitwe yenyũ.

Yoelĩ 3:7 Iomraidhean Croise

Esĩterĩ 7:10

Ko bahanika Hamanĩ yo batya oko muti ogo akokotaya busana na Mordekayĩ. Neryo erihitana lyʼOmwami molyabondera.

Ĩsaya 11:12

Kandi asyasumbira ebihanda ebendera, asyahĩndanĩa abagusawa ba Ĩsraelĩ, nʼerĩhĩndanĩa haguma abapanza-panzawa ba Yũda erĩlũa oko nũnga ĩnĩ syʼekihugo.

Ĩsaya 49:12

Lebaya, aba basyalũa hali, kandi lebaya, aba basyalũa elutambi lwʼendata nʼebwanga bwʼeyĩkwa, nʼaba basyalũa omo kihugo kyʼeSĩnĩmũ.

Ĩsaya 66:6

Omulenge wʼolukanda lũkalũa eka! Omulenge akalũa omo Hekalũ, Ni mulenge wʼOmwami Mukulu oyukaliha endĩhĩ yʼesyonzĩgũ siwe.

Yeremĩa 23:8

nĩkwa, Ngoko Mwami Mukulu aliho, oyo wahetũkaya nʼerĩsũbũlya abana bʼekĩtũnga kya Ĩsraelĩ erĩlũa omo bihugo byʼelutambi lwʼendata, nʼerĩlũa omo bihugo byosĩ eyo nahigirabo. Neryo basyĩkala omo kihugo kyabo.

Yeremĩa 30:10

Neryo Omwami Mukulu ati, Uwe Yakobo, mugombe wage, Sigubahe. Kutse uwe Ĩsraelĩ, subye nʼengitsi. Kusangwa lebaya, nasyakũlamya inyikine hali, nʼabana bawe omo kihugo kyʼobunyegwa bwabo. Na Yakobo asyasubula, nʼeribya nʼobuholo nʼeriluhuka, isihali omundu wasyamũbahya.

Yeremĩa 30:16

Neryo abosĩ abakakulya basyalibwa nʼesyonzĩgũ syawe syosĩ, obuli muguma wa kubo asyaya omo bunyegwa. Nʼabakakunyega basyanyegwa, nʼabosĩ abakakũhũngako nasyahũngĩsyabo.

Yeremĩa 31:8

Lebaya, nasyaletabo erĩlũa omo kihugo kyʼelutambi lwʼendata, nʼerikuma-kumabo oko ndũlĩ syʼekihugo, kandi haguma nabo esyondĩma-tĩme, nʼebirema, nʼomukule, nʼomũkalĩ oyukakunda, haguma. Endeko nene yasyasuba eno.

Yeremĩa 32:37

Lebaya, nasyahĩndanĩabo erĩlũsyabo omo bihugo byosĩ eyo nahigirabo omwʼihitana lyage nʼomwʼagalirwa lyage, nʼomwʼihiririkana lyage ringi. Kandi nasyaletabo hano, kandi nasyĩkalyabo buholo.

Ezekĩelĩ 36:24

Kusangwa nasyabalũsya omo bihanda, nʼeribakuma-kuma erĩbalũsya omo bihugo byosĩ, nʼeribaleta omo kihugo kyenyũ.

Ezekĩelĩ 38:8

Enyũma wʼebiro bingi wasyabirikirwa. Oko myaka yʼenyũma wasyahĩka omo kihugo ekyabĩrĩsũbĩbwa oko mũyalĩ, esyondũlanĩ syako syabirikuma-kumwa omo bihanda bingi erĩhĩka oko bitwa bya Ĩsraelĩ, ebyabya kĩma ebiro byosĩ. Nĩkwa abandu bako balũsĩbawa omo bihanda, nabo bĩkere buholo, abosĩ ba kubo.

Yoelĩ 3:4

Ega, ĩnywe Tĩro, na Sĩdonĩ, nʼoluhande losĩ lwʼeFĩlĩstĩa mũlĩkĩ ũkwʼĩngye kwehĩ? Mwasyamba endĩhĩ kwehĩ? Nĩkwa mwamanyiriha endĩhĩ, nasyasũbũlya endĩhĩ yenyũ oko mitwe yenyũ yo lũba nʼobwangu.

Zekarĩa 9:13

Kusangwa nasyakondomya Yũda ngʼobuta bwage, nasyosũlya obuta omo Efũraĩmũ; kandi nasyatsatsũhya abagala bawe uwe Sĩonĩ erilwa nʼabagala bawe, uwe kihugo kyʼAbagĩrĩkĩ, kandi nasyakuyira ngʼomũyalĩ gʼomũlwĩ.

Matayo 7:2

Kusangwa omũsĩndo mukatswera, gona Nyamuhanga asyabatsweramo; nʼolulengo olo mukalengamo, asyabalenga mulo.

2 AbanyaTesalonika 1:6

Nĩkwa Nyamuhanga atunganene; asyagalya abakabagana.

Yakobo 2:13

Kusangwa Nyamuhanga siendisyaganyira omundu oyukagana eriganyira ogundi. Nĩkwa eriganyira lĩkakĩnda eritswera.

Eribisurirwa 13:10

Omundu oyo wangahambwa mo mukobe, asyahambwa mo mukobe kwenene. Kandi oyo wangakwa omo mũyalĩ, naye ĩnĩakwa omo mũyalĩ. Erĩ niʼyitsingirira nʼerĩkĩrĩrya lyʼabandu ba Nyamuhanga.

Eribisurirwa 16:6

Kusangwa mobũta omusasi wʼabandu ba Nyamuhanga nʼowʼabamĩnyererĩ, nawe wabirihabo erĩpũlya omusasi. Nabo batolereryo.

Eribisurirwa 19:2

Eritswera liwe ni ryʼekwenene, kandi ritunganene! Kusangwa abiritswera Omũmalaya mukulu oyo watsandaya ekihugo omwʼĩsĩngĩra liwe. Kandi Nyamuhanga abĩrĩkĩsya omusasi wʼabagombe buwe ukwʼiye.

Abatswerĩ 1:7

Na Adonĩ-bezekĩ mwabũga ati, Abami makũmĩ alinda abatũbawa kwʼebikumo nʼamano wabo wʼobulume, mobasongya akalyo kabo omwisi wʼemesa yage. Ngoko nakola, Nyamuhanga abĩrĩnyĩtũhũlĩryako. Neryo mobamuleta eYerũsalema, mwaholerayo.

1 Samwelĩ 15:33

Nĩkwa Samwelĩ mwabũga, ati, Ngoko mũyalĩ wawe abĩrĩsĩga bakalĩ bo bũmbũtete, litya koyo wawe akandĩsĩgala bũmbũtete omo katĩkatĩ kʼabandi bakalĩ. Neryo Samwelĩ mwakenzenga Agagĩ mo bitswe-bitswe embere syʼOmwami Mukulu eGĩlgalĩ.