Yoelĩ 3:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Kusangwa mwabĩrĩmya ebĩtsĩpa byage nʼesyamagetsi syage, kandi mwabiritwala omo syohekalũ syenyũ ebindu byage byʼobũgũlĩ bunene,

Yoelĩ 3:5 Iomraidhean Croise

2 Abami 12:18

Na Yoasĩ omwami wʼeYũda mwĩmya ebindu byosĩ bĩbũyĩrĩre ebyo Yehosafatĩ na Yoramũ na Ahazĩa, abotata wuwe, abami bʼeYũda ebyo bahigula, nʼebindu biwe bĩbũyĩrĩre, nʼesyamagetsi syosĩ esyabanika omo mbĩso syʼenyũmba yʼOmwami Mukulu, nʼebyʼomo nyũmba yʼOmwami, mwatumabyo uku Hazaelĩ omwami wʼeSũrĩa. Neryo Hazaelĩ mwaleka eYerũsalema.

2 Abami 16:8

Neryo Ahazĩ mwĩmya ebĩtsĩpa nʼesyamagetsi ebyabanika omo nyũmba yʼOmwami Mukulu, nʼomo syombĩso syʼenyũmba yʼOmwami, mwatumabyo mo luhembo oko mwami wʼeAsũrĩa.

2 Abami 24:13

Kandi mwatwala ebindu byosĩ byʼenyũmba yʼOmwami Mukulu, nʼebindu byʼenyũmba yʼOmwami, kandi mwatsũtsanga esyosahanĩ syosĩ syʼesyamagetsi, esyo Solomono omwami wʼeĨsraelĩ akokotaya omo Hekalũ yʼOmwami Mukulu, ngoko Mwami Mukulu abũga.

Ĩsaya 11:11

Neryo oko kiro ekyo, Omukama omo byala biwe engendo yʼakabiri, asyaswahamba abasĩgalira bʼabandu buwe, abasyasaka erĩlũa eAsũrĩa, nʼerĩlũa eMĩsĩrĩ, nʼerĩlũa ePatĩ-rosĩ, nʼerĩlũa eKũsĩ, nʼerĩlũa eElamũ, nʼerĩlũa eSĩnarĩ, nʼerĩlũa eHamatĩ, nʼerĩlũa oko bitsira byʼengetsi.

Yeremĩa 23:7

Neryo Omwami Mukulu ati, Lebaya, ebiro bikasa, sĩbendĩsyaswabũga bati, Ngoko Mwami Mukulu aliho oyo walũsaya abana ba Ĩsraelĩ omo kihugo kyʼeMĩsĩrĩ;

Yeremĩa 50:28

Abandu abatibita nʼeribala bakalũa omo kihugo kyʼeBabelĩ, bakatũlago eSĩonĩ omwatsi wʼerĩkĩsya lyʼOmwami Mukulu Nyamuhanga wetu, erĩkĩsya lyʼeHekalũ yiwe.

Yeremĩa 51:11

Mũtalaye emisoha, mũsũlaye esyolubo! Omwami Mukulu abĩrĩhanganĩa emitima yʼabami bʼAbamedĩ, kusangwa erĩganĩrya liwe ni malwa nʼeBabelĩ, erĩheryago, kusangwa nĩ ʼkĩsya lyʼOmwami Mukulu, erĩkĩsya busana nʼeHekalũ yiwe.

Ezekĩelĩ 37:12

Neryo uminyerere, ubwirebo uti, Omukama Iye Omwami Mukulu ati, Lebaya, ĩnywe bandu bage, nasyalĩbũla amasinda wenyũ, nasyabahũlũkya omo masinda wenyũ. Kandi nasyabaleta omo kihugo kya Ĩsraelĩ.

Danĩelĩ 11:38

Nĩkwa asyasĩkya nyamuhanga wʼahakongotere, nyamuhanga oyo abotata wuwe bataminya. Asyamũsĩkya omo syamagetsi, nʼebĩtsĩpa, nʼamabwe wʼobũgũlĩ bunene, nʼebindu.

Obadĩa 1:17

Nĩkwa omo kitwa kyʼeSĩonĩ hasyabya abakabala, nakyo kyasyabya kĩbũyĩrĩre; nʼekĩtũnga kya Yakobo kyasyasĩgalya ebindu byabo.