Yoelĩ 3:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Ega, ĩnywe Tĩro, na Sĩdonĩ, nʼoluhande losĩ lwʼeFĩlĩstĩa mũlĩkĩ ũkwʼĩngye kwehĩ? Mwasyamba endĩhĩ kwehĩ? Nĩkwa mwamanyiriha endĩhĩ, nasyasũbũlya endĩhĩ yenyũ oko mitwe yenyũ yo lũba nʼobwangu.

Yoelĩ 3:4 Iomraidhean Croise

2 Emyatsi yʼEmigulu 21:16

Neryo Omwami Mukulu mwatsũmbũkya emitima yʼAbafĩlĩstĩnĩ, nʼAbaarabu, abali hakũhĩ nʼomutano wʼAbaetĩopĩa erilwa na Yoramũ.

Ĩsaya 14:29

Uwe Fĩlĩstĩa, Sutseme, ĩnywe bosĩ, kusangwa engonĩ eyakũswĩraya yabĩrĩtwĩka; kusangwa enzwira yasyalũa omo mũlĩhĩ wʼenzoka, nʼehyana hyayo hyasyabya enzoka eyikaguluka yʼomuliro.

Ĩsaya 34:8

Kusangwa Omwami Mukulu awite ekiro kyʼerĩkĩsya, Omwaka wʼeririha busana nʼobuhaka bwʼeSĩonĩ.

Ĩsaya 59:18

Asyalihabo ngʼemĩbĩrĩ yabo, erihitana oko nzĩgũ siwe, nʼerĩkĩsĩrya oko nzĩgũ siwe. Akasyakĩsĩraya emĩsĩke yʼengetsi.

Yeremĩa 47:1

Ekĩnywa kyʼOmwami Mukulu mokyahĩka oko mũmĩnyererĩ Yeremĩa busana nʼAbafĩlĩstĩnĩ, Farao ate akĩnda

Yeremĩa 47:4

busana nʼekiro kikasa busana nʼerĩherya Abafĩlĩstĩnĩ bosĩ, erĩĩta obuli mũwatĩkya oyo wasaka eTĩro nʼeSĩdonĩ. Kusangwa Omwami Mukulu asyaherya Abafĩlĩstĩnĩ, abosĩ abasĩgere oko mũsĩke wʼeKafũtorĩ.

Yeremĩa 51:6

Mutibite mũlũe omo Babelĩ, obuli mundu ayĩlamaye! Sĩmũkwe omwʼisuyira lyako, kusangwa oyũ ni mugulu wʼerĩkĩsya lyʼOmwami Mukulu. Asyalihako ngoko litolere.

Yoelĩ 2:10

Ekihugo kikatitimana embere syabo; nʼekyanya kikatitimana; eryuba nʼomukera bikahumbera, nʼesyongũnũnũ sĩkũmbaya okwʼĩkolerya lyasyo.

Yoelĩ 2:2

Ni kiro kyʼomwĩrĩmya, nʼekiro kyʼekĩlũlũmano, ekiro kyʼebĩtũ nʼomũhĩndanĩa, ngʼomwĩtsange owasanzĩre oko bitwa; neryo hali kihanda kinene nʼekyʼamaka; sihehatabya na kera ekĩsosĩrekyo, kutse sihendisyabya kandi enyũma wabo, erĩhĩka oko myaka yʼesyondengo nyingi.

Matayo 11:21

Obũlĩge ukʼuwe Korazĩnĩ! Obũlĩge ukʼuwe Betesaĩda! Kusangwa kumbe ebitiko-tiko ebyakolawa omwisi wenyũ, bialikolawa eTĩro nʼeSĩdonĩ, kumbe babiribindula emitima nʼerireka ebibi byo kera, ibanambite emisarandwe nʼerĩĩkala omwʼĩbũ.

Matayo 11:22

Nĩkwa ngababwira nyiti, Oko kiro kyʼeritswera, olubanza lwʼeTĩro nʼeSĩdonĩ lwasyabya luke oko lwenyũ.

Luka 10:13

Obũlĩge ukʼuwe Korazĩnĩ! Obũlĩge ukʼuwe Betesaĩda! Kusangwa kumbe ebitiko-tiko ebyakolawa omwisi wenyũ, byalikolawa eTĩro nʼeSĩdona, kumbe babiribindula emitima nʼerireka ebibi kera ibanambite emisarandwe nʼerĩĩkala omwʼĩbũ!

Luka 10:14

Kusangwa olubanza lwʼeTĩro nʼeSĩdona lwasyabya luke kwilaba olwenyũ oko kiro kyʼeritswera.

Luka 18:7

Neryo Nyamuhanga naye siendisyaha abayisogawa buwe erĩbanza kwehĩ? Abakamulakira oko musibo nʼomo kiro kwehi? Kandi asyamala erĩwatĩkyabo kwehĩ?

Emibiri 9:4

Neryo mwawa oko kitaka, mowa omulenge akabũga naye ati, Saũlo, Saũlo! busana nakĩ ũkanyendereraya kwehĩ?

Eryibuka Ebihano 32:35

Erĩkĩsya ni ryage, nʼeririha, Oko mugulu atolere ekisando kyabo kyasyatendera. Kusangwa ekiro kyʼerikwa lyabo kiri hakũhĩ, Nʼemyatsi ĩkandĩsyahĩka kubo ikanguha kubo.

2 AbanyaTesalonika 1:6

Nĩkwa Nyamuhanga atunganene; asyagalya abakabagana.

Abatswerĩ 11:12

Neryo Yefũta mwatuma abakwenda oko mwami wʼabana ba Amonĩ, ati, Uwe uli nʼomwatsi wahi nage, uti ũkahĩka kwĩngye nʼerilwa nʼekihugo kyage kwehĩ?