Yoelĩ 3:17 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁷ Litya mwasyaminya ko ndi Mwami Mukulu Nyamuhanga wenyũ, erĩĩkala eSĩonĩ ekitwa kyage kĩbũyĩrĩre; oko mugulu oyo, eYerũsalema yasyabya nyĩbũyĩrĩre, kandi sihendisyabya owʼehandi oyukalaba mugo kandi.

Yoelĩ 3:17 Iomraidhean Croise

Yobũ 15:19

Abahabawa ekihugo ĩbobene, Isihali wʼehandi oyo walaba omo katĩkatĩ kabo.

Esyonyimbo 76:2

Eka wuwe ye Yerũsalema, Ĩkere eSĩonĩ.

Esyonyimbo 9:11

Mwimbire Omwami Mukulu yʼesyonyimbo, Oyukatabala eSĩonĩ, Mũkanĩraye emĩbĩrĩ yiwe omo katĩkatĩ kʼebihanda.

Erĩlũayo 16:12

Nabĩrĩowa emiyitongo yʼabana ba Ĩsraelĩ; ubwirebo uti, Omwʼĩgolo-golo mukandirya esĩswĩ, nʼomo ngyakya mwasyũgũtĩbwa nʼamandu; mwasyaminya kwʼindi Mwami Mukulu Nyamuhanga wenyũ.

Ĩsaya 11:9

Sibyendĩsyagalya kutse erĩherya omo kitwa kyage kĩbũyĩrĩre kyosĩ, kusangwa ekihugo kyasyũsũla nʼeriminya lyʼOmwami Mukulu, ngoko amagetsi akabwaga omo ngetsi.

Ĩsaya 12:6

Umoleke omulenge ũbũgaye olukuko, Uwe ndũlanĩ yʼeSĩonĩ, kusangwa Oyũbũyĩrĩre wʼeĨsraelĩ ni mukulu omo katĩkatĩ kenyũ.

Ĩsaya 35:8

Enzira nene yasyabyayo, nʼembalu, nayo yasyahulwa mo mbalu yʼerĩbũyĩrĩre; abatsandĩre sibendisyalaba muyo. Nĩkwa yasyabya busana nʼabandu abakalabaho. Abandu bakĩrũ sibendisyagalaganda muyo.

Ĩsaya 4:3

Neryo oyo wasĩgalira eSĩonĩ, nʼoyo wasĩgala eYerũsalema, asyahulwa mo mũbũyĩrĩre, obuli mundu oyo wasakawa busana nʼengebe eYerũsalema.

Ĩsaya 46:13

Ngaleta eritunganene ryage hakũhĩ, siriri hali. Omulamo wage siendisyamala. Kandi nasyaha omulamo eSĩonĩ, nʼolukengerwa lwage busana na Ĩsraelĩ.

Ĩsaya 52:1

Ubuke, ubuke, wambale amaka wawe, uwe Sĩonĩ; Wambale esyongimba syawe nyibuya, Uwe Yerũsalema, omũyĩ abũyĩrĩre. Kusangwa abatabwene nʼabatsandĩrya Sibendisyaswingira umʼuwe.

Ĩsaya 56:7

Nasyaletabo oko kitwa kyage kĩbũyĩrĩre nʼerĩtsemesyabo omo nyũmba yage yʼerisaba. Amahere wabo wʼerĩokererya nʼesyohongo syabo syasyalĩgwa oko kiherero kyage, kusangwa enyũmba yage yasyahulwa mo nyũmba yʼerisabiramo busana nʼebihanda byosĩ.

Yeremĩa 31:23

Omwami Mukulu wʼemilondo, Nyamuhanga wa Ĩsraelĩ ati, Basyaswabũga ekĩnywa ekĩ omo kihugo kyʼeYũda nʼomo mĩyĩ yayo, omugulu nasyasũbũlya omũyĩsa wabo bati, Omwami Mukulu akutsumule uwe ahʼerĩĩkala litunganene, uwe kitwa kĩbũyĩrĩre.

Yeremĩa 31:40

Nʼomusya gosĩ wʼebĩnda nʼerĩbũ, nʼamalima gosĩ erĩhĩka oko lũsĩ lwʼeKĩdũronĩ, erĩhĩka oko ngonde yʼolũkyo lwʼeSabayĩrĩ oko luhande lwʼendata, hasyabya ahabũyĩrĩre busana nʼOmwami Mukulu. Sihesyakulawa, kutse erĩterĩbwa kandi kera na kera.

Ezekĩelĩ 20:40

Kusangwa Omukama Iye Omwami Mukulu ati, Omo kitwa kyage kĩbũyĩrĩre, nʼomo kitwa kyʼendata kya Ĩsraelĩ, aho ekihanda kyosĩ kya Ĩsraelĩ, abosĩ ba kubo, basyanyikolera omo kihugo. Nʼeyo nasyalĩgabo; nʼeyo nasyasonda erĩhĩtya lyenyũ, nʼesyonzũnzo syenyũ syʼeriyisogwa, haguma nʼebindu byosĩ byenyũ bĩbũyĩrĩre.

Ezekĩelĩ 37:6

Kandi nasyabahĩra kwʼemĩsĩsa nʼerĩbasũbya kwʼemĩnyokũ, nʼeribaswika kwʼesyongoba, nʼerĩhĩra omuka omwisi wenyũ, nenyũ imwatoka erisuba. Kandi mwasyaminya ko ndi Mwami Mukulu.

Ezekĩelĩ 43:12

Ekĩ kyo kihano kyʼenyũmba. Omwanya gosĩ wayo, oko singi yʼekitwa erĩtĩmba ehosĩ asyabya habũyĩrĩre kutsibu. Ũlebaye, ekĩ kyo kihano kyʼenyũmba.

Ezekĩelĩ 44:9

Omukama Iye Omwami Mukulu ati, Sihali owʼehandi, oyutabwene omo mutima nʼoyutabwene omo mubiri oyo wasyingira ahabũyĩrĩre hage, oko bʼehandi abali omo katĩkatĩ kʼabagala ba Ĩsraelĩ.

Ezekĩelĩ 48:35

Erĩtĩmba oko mũyĩ hasyabya metere 9,000; nʼerĩna lyʼomũyĩ oyo erĩtsũka ekiro ekyo lyasyabya: Omwami Mukulu ali aho.

Danĩelĩ 11:45

Neryo asyahanda amahema wʼekikali kiwe omo katĩkatĩ kʼengetsi nʼeKitwa Kibũyĩrĩre kibuya. Nĩkwa asyahĩka oko ndũlĩ yiwe, isihali mundu wasyamũwatĩkya.

Danĩelĩ 9:16

Uwe Mukama, ngʼemĩbĩrĩ yawe yosĩ itunganene, uleke erihitana lyawe nʼerikarama lyawe bĩlũe oko mũyĩ wawe eYerũsalema, ekitwa kyawe kĩbũyĩrĩre; kusangwa busana nʼebibi byetu, nʼebibi byʼabotata wetu, eYerũsalema nʼabandu bawe babiribya kĩtsũmĩ oko bandu bosĩ abatũtĩmbĩreko.

Yoelĩ 2:27

Nenyũ mwasyaminya ko ndi omo katĩkatĩ ka Ĩsraelĩ, ngoko nyiri Mwami Mukulu Nyamuhanga wenyũ, isihali gundi; nʼabandu bage sibendisyahemulwa kera na kera.

Yoelĩ 3:21

Nage nasyakĩsya omusasi wabo, ngoko ndakĩsaya; kusangwa Omwami Mukulu ĩkere eSĩonĩ.

Mĩka 4:7

Nasyayira oyũkatsokondaya eribya basĩgalira, nʼoyo wahigawa eribya ekihanda kyʼamaka; nʼOmwami Mukulu asyatabalirabo oko kitwa kyʼeSĩonĩ erĩtsũka lino erĩhĩka kera na kera.

Nahũmũ 1:15

Lebaya, oko bitwa ebisando byʼoyukaleta engulu yowene, oyũkakũmayĩraya Obuholo! Uwe Yũda, ulye ũtegaye ebiro bikulu byawe; Ũberereraye amalahĩryo wawe. Kusangwa omundu mubi oyo siendisyaswalaba ukʼuwe; abĩrĩtũbwa kutsibu.

Zekarĩa 8:3

Omwami Mukulu akabũga ati, Nasyasuba eSĩonĩ, nasyĩkala omo katĩkatĩ kʼeYerũsalema. Neryo eYerũsalema yasyahulwa mo Mũyĩ Wʼekwenene; nʼekitwa kyʼOmwami Mukulu Wʼemilondo kyasyahulwa mo Kitwa Kĩbũyĩrĩre.

Eribisurirwa 21:27

Kandi sihali ekĩtĩsĩrĩre, kutse omundu oyukakola esyonye, kutse oyukabiha. Nĩkwa ba nʼabandu amena wabo awasakĩre omo kitabu kyʼengebe kyʼEkyana kyʼEmbũlĩ, basyingira omo mũyĩ oyo.