Yoelĩ 3:16 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁶ Omwami Mukulu asyaruruma erĩlũa eSĩonĩ, nʼerĩbũga nʼomulenge wuwe eYerũsalema; nʼekyanya nʼekihugo byasyatitimana; nĩkwa Omwami Mukulu asyabya obusayiro bwʼabandu buwe, nʼahakongotere busana nʼabana ba Ĩsraelĩ.

Yoelĩ 3:16 Iomraidhean Croise

Esyonyimbo 18:2

Omwami Mukulu nĩ mũhanganĩrĩ wage, nʼahabambĩre hage, nʼomũlamya wage; Ni Nyamuhanga wage, nʼomũhanga nĩrĩ wage aho ngasagira; Iye ni ngabo yage, nʼoyukanyilwira, nʼobusayiro bwage.

Esyonyimbo 29:11

Omwami Mukulu akaha abandu buwe bʼakagala, Omwami Mukulu asyatsumula abandu buwe omo buholo.

Esyonyimbo 61:3

Kusangwa uli oyukanyihanganira, Uli mũhanganĩrĩ wage wʼamaka busana nʼesyonzĩgũ syage.

Emĩsyo 18:10

Erĩna lyʼOmwami Mukulu nĩ nyũmba yĩsũngũlĩkĩre ikongotere; Omutunganene akatibita muyo iniabana Obuholo.

Ĩsaya 33:16

Yo yo Wasyĩkala endata. Ahakongotere hʼamabwe hasyabya busayiro buwe. Asyahabwa ebyalya biwe, nʼamagetsi wuwe siendisyabula.

Ĩsaya 33:21

Nĩkwa eyo oyũkangabasenĩe, Omwami Mukulu, asyabya busana netu ahʼesyonyũsĩ nʼamagetsi agalĩhĩre, ahatelaba bwato nʼesyongahya syabo, kandi sihendisyalaba bwato bunene.

Ĩsaya 42:13

Omwami Mukulu asyahuluka ngʼembangĩ. Asyahũhanĩa omũhwa wuwe ngʼomundu wʼamalwa. Asyabirikira, ega, nʼerĩũta obogo. Asyakĩnda esyonzĩgũ siwe.

Ĩsaya 51:16

Kandi nabĩrĩhĩra ebĩnywa byage omo buno bwawe, nabirikuswika omo kyũtsũtsũ kyʼebyala byage, inatoka erihanda olubula, nʼerĩhĩra ebibanza byʼekihugo, nʼeribwira eSĩonĩ nyiti, Muli bandu bage.

Yeremĩa 16:19

Uwe Mwami Mukulu, amaka wage, nʼahakongotere hage, nʼobusayiro bwage oko biro byʼobũlĩge, ebihanda byosĩ byasyakũhĩkako, erĩlũa oko syondũlĩ syʼekihugo, byasyabũga biti, Abotata wetu mobalya omwandu wʼamabehĩ masa, nʼebitya-bitya nʼemyatsi eyite mo ndũndĩ.

Yeremĩa 17:17

Subye buba busana nage. Uwe uli busagiro bwage oko kiro kyʼerĩkwa.

Ezekĩelĩ 38:19

Neryo omo mũhwa wage nʼomo muliro wʼerihitana lyage nyiti, Oko kiro ekyo hasyabya kwenene omũsĩkĩ munene omo kihugo kya Ĩsraelĩ.

Hosea 11:10

Basyakwamirira Omwami Mukulu, asyaruruma ngʼendale; kwenene asyaruruma, nʼabagala buwe basyasa bakalũa ebwanga bwʼeyĩkwa nʼerititimana.

Amosĩ 1:2

Neryo mwabũga ati, Omwami Mukulu asyahaya erĩlũa eSĩonĩ, asyahũlũkya omulenge wuwe erĩlũa eYerũsalema; nʼamalĩsĩryo wʼabalĩsya asyalira, nʼesingi yʼeKaramelĩ ikuma.

Amosĩ 3:8

Endale yamabiruruma nindi yute wangubaha kwehĩ? Omukama, Omwami Mukulu amabĩbũga! Nindi yute wangaminyerera kwehĩ?

Nahũmũ 1:7

Omwami Mukulu ni mubuya, ni hakongotere omo kiro kyʼomwaga; kandi anasĩ abakamusagirako.

Hagaĩ 2:6

Kusangwa Omwami Mukulu Wʼemilondo ati, Hakĩsĩya ngendo nguma, nĩ katambĩ kake, ĩnasũkanĩa olubula, nʼekihugo nʼengetsi, nʼekitaka kyũmĩre.

Hagaĩ 2:7

Omwami Mukulu Wʼemilondo ati, Nasyasũkanĩa ebihanda byosĩ; nabo basyasa nʼobũsokĩ bwʼebihanda byosĩ; nage nasyũsũlya enyũmba eyĩ nʼolukengerwa.

Zekarĩa 10:12

Nage nasyahabo amaka omo Mwami Mukulu; nʼOmwami Mukulu ati, Basyalendera omo lĩna liwe.

Zekarĩa 10:6

Nage nasyaha ekĩtũnga kya Yũda amaka, kandi nasyalamya ekĩtũnga kya Yosefũ, nasyasũbũlyabo; kusangwa nabiriganyirabo; nabo basyabya nga sinditaganabo; kusangwa indi Mwami Mukulu, Nyamuhanga wabo, kandi nasyasũbĩryabo.

Zekarĩa 9:12

Musube ahakangatĩre, ĩnywe mũbohĩrwe abawite amaha; mũnabwĩre ngatũlago nyiti, ngandĩkũsũbũlĩryako ngendo ĩbĩrĩ.

AbaEbrania 12:26

Oko mugulu oyo, omulenge wa Nyamuhanga mwasũka-sũkanĩa ekihugo, nĩkwa lino abirilaga ati, Nasyasũka-sũkya kandi, butsira ekihugo ĩkyokyene, nĩkwa nʼolubula nibya.

Eribisurirwa 11:13

Nʼoko ndambĩ eyo nyisa-nyisa mohabya omũsĩkĩ munene, akahindi kaguma kʼomwʼĩkũmĩ kʼomũyĩ mokatera, nʼabandu maelfu alinda (7,000), mobakwa omo mũsĩkĩ oyo. Neryo abandi bandu mobakwa obuba, mobapipa obukulu bwa Nyamuhanga wʼelubula.

Eribisurirwa 11:19

Kandi eHekalũ ya Nyamuhanga omo lubula moyakingulwa, nʼerĩsandũko lyʼendagano yiwe molyabutuka omo Hekalũ yiwe. Neryo mohabya erĩpalya, nʼemirenge, nʼemĩlũmo, nʼomũsĩkĩ, nʼamatwa manene-manene.

Eribisurirwa 16:18

Neryo mohabya erĩpalya lyʼakarabyo, nʼemirenge, nʼemĩlũmo, kandi mohabya omũsĩkĩ owakalĩre kutsibu. Nĩkwa okwʼĩtsũka erihangikwa lyʼabandu, sihehatabya omũsĩkĩ munene nʼowʼamaka ngʼoyũ.

1 Samwelĩ 15:29

Kandi Olukengerwa lwa Ĩsraelĩ silwendisyabiha kutse eribinduka; kusangwa iye si mundu ukayisubako.