Yoelĩ 3:13 - AMASAKO ABOYTRTRE WA NYAMUHANGA AWAKAHULAWA MO BIBLIA

¹³ Hĩra omũtemĩ; kusangwa obugese bwamahĩka; mwase mukame; kusangwa ekikamiro kyʼebĩnyũ kyoswĩre, amalega amabwaga; kusangwa ebibi byabo ni binene.

Yoelĩ 3:13 Iomraidhean Croise

Enzũko 13:13

Nĩkwa abandu bʼeSodomo babya babi abakolĩ bʼamalolo kutsibu embere syʼOmwami Mukulu.

Enzũko 15:16

Nʼoko lulengo lwʼakani basyasuba eno kandi, kusangwa obubi bwʼOmunya Amorĩ sĩbwebwahĩkana.

Enzũko 18:20

Neryo Omwami Mukulu mwabũga ati, Ekiriro kyʼeSodomo nʼeGomora ni kyingyi, kandi ebibi byabo ni bitsibu kũndũ.

Ĩsaya 17:5

Neryo kyasyabya ngʼomugulu omũgesĩ akakumakuma emiganda yʼengano, nʼebyala biwe bikagesa amakũndĩ; kutse kyasyabya ngʼomundu akahũmba amakũndĩ wʼengano omo musya wʼeRefaĩmũ.

Ĩsaya 63:3

Nabiriryatangirira ekĩrĩnga kyʼebĩnyũ ĩngyowene, Isihali mundu omo bihanda byʼabandu oyo wabya haguma nage. Monalyatangirirabo omwʼihitana lyage nibya, Monahĩnolerabo omwʼihitana lyage. Omusasi wabo wʼeribyaho mwayitsatsanga omo ngimba syage, Kandi nabĩrĩtsandya esyongimba syage syosĩ.

Yeremĩa 51:33

Kusangwa Omwami Mukulu wʼemilondo, Nyamuhanga wa Ĩsraelĩ ati, Omwali wʼeBabelĩ ali ngʼekibuga kyʼerĩhũmbĩrako oko mugulu kikalyatangirirawa. Hakĩsĩya mugulu muke, nʼomugulu wʼerigesa ĩnĩamũhĩkako.

Ekiriro 1:15

Omukama abirigana esyombangĩ syage syosĩ. Omo katĩkatĩ ketu. Abiribirikira omugulu ahamula erilwa nage Erĩhĩnolera abalwana bage. Omukama abiriryatanga omumbesa mwali wa Yũda Ngʼomo kikamiro kyʼebĩnyũ.

Hosea 6:11

Nibya, uwe Yũda, hali erigesa eryabiritegekwa busana nawe, omugulu nasyasũbũlya abanyegwa bʼabandu bage.

Matayo 13:39

Enzigũ eyabiba ebiti ebyo nĩ Satanĩ. Nʼomugulu wʼerigesa ye ndũlĩ yʼekihugo, nʼabagesĩ ba bamalaĩka.

Mariko 4:29

Omugulu engano ikera omundu akatsũka erigesa, kusangwa obugese bwamahĩka.

Eryibuka Ebihano 16:9

Mwasyayiganzira amayenga alinda; mwasyatsũka eriganza amayenga alinda erĩtsũka omugulu mũkahĩra olubatsi erigesa engano.

Eribisurirwa 14:14

Kandi monalangira, neryo lebaya, habya ekĩtũ kyeru-kyeru, neryo oyo wĩkere oko kĩtũ ekyo, abya asosĩre omugala wʼomundu, iniawite embĩta yʼesyamagetsi oko mutwe wuwe, nʼomũtemĩ owatwĩre omo byala biwe.

Eribisurirwa 19:15

Kandi omũyalĩ owatwĩre mwalũa omo buno buwe. Neryo asyakĩnda ebihanda omo mũyalĩ oyo. Nĩkwa asyatabala oko bihanda ebyo, omo mũtso wʼekyuma, neryo asyakamira omo muhe ebĩnyũ byʼerihitana lĩkalĩre lya Nyamuhanga, Omũtokĩ Wʼebyosĩ.