Yoelĩ 2:32 - AMASAKO ABOYTRTRE WA NYAMUHANGA AWAKAHULAWA MO BIBLIA

³² Neryo obuli mundu oyukalakira erĩna lyʼOmwami Mukulu asyalamĩbwa; kusangwa omo kitwa kyʼeSĩonĩ nʼomo Yerũsalema mwasyabya bandu abakabala, ngoko Mwami Mukulu abĩrĩbũga, nʼomo katĩkatĩ kʼabandu abasĩgaliraho abo Mwami Mukulu akabirikira.

Yoelĩ 2:32 Iomraidhean Croise

Enzũko 4:26

Setĩ naye mwabuta mugala, neryo mwahula erĩna liwe mo Enosĩ. Neryo oko mugulu oyo abandu mobatsũka eribirikira oko lĩna lyʼOmwami Mukulu.

Esyonyimbo 50:15

Unyilakire omugulu obũlĩge bũkahĩka; Nasyakũlamya, nawe wasyanyipipa.

Ĩsaya 10:22

Kusangwa nomo abandu bawe iwe Ĩsraelĩ, nomo bali ngʼemisege yʼomo ngetsi, abasĩgalira ba kubo basyasubula. Erihera lyabirisohwa, erĩbwagĩre mwʼeritunganene.

Ĩsaya 11:11

Neryo oko kiro ekyo, Omukama omo byala biwe engendo yʼakabiri, asyaswahamba abasĩgalira bʼabandu buwe, abasyasaka erĩlũa eAsũrĩa, nʼerĩlũa eMĩsĩrĩ, nʼerĩlũa ePatĩ-rosĩ, nʼerĩlũa eKũsĩ, nʼerĩlũa eElamũ, nʼerĩlũa eSĩnarĩ, nʼerĩlũa eHamatĩ, nʼerĩlũa oko bitsira byʼengetsi.

Ĩsaya 11:16

Enzira nene eyĩkalũa eAsũrĩa yasyabyaho busana nʼabandu buwe abasĩgalira, abasyasaka ngoko habya omo Ĩsraelĩ oko kiro ekyo balũa omo kihugo kyʼeMĩsĩrĩ.

Ĩsaya 4:2

Oko kiro ekyo Omutahi wʼOmwami Mukulu asyabya mubuya nʼowʼolukengerwa, nʼesyombuto syʼekihugo syasyabya mbuya nʼebyambalo byʼabandu ababala ba Ĩsraelĩ.

Ĩsaya 46:13

Ngaleta eritunganene ryage hakũhĩ, siriri hali. Omulamo wage siendisyamala. Kandi nasyaha omulamo eSĩonĩ, nʼolukengerwa lwage busana na Ĩsraelĩ.

Yeremĩa 31:7

Kusangwa Omwami Mukulu ati, Mwimbire Yakobo nʼobutseme, mũbũgaye obogo omo katĩkatĩ kʼabakulu bʼebihanda. Mũtũlego, mupipe, mũbũge muti, Uwe Mwami Mukulu, ũlamaye abandu bawe, abasaka oko Baĩsraelĩ.

Yeremĩa 33:3

Unyibirikire, nage ngandĩkũsũbĩrya, nʼerĩkũkangya emyatsi mikulu mikulu, nʼeyĩkalĩre, eyo gũtasĩ.

Amosĩ 9:8

Lebaya, ameso wʼomukama, Omwami Mukulu ali oko bwami bwʼebibi, nage nasyaheryabo erĩlũa oko bugali bwʼekihugo; nĩkwa Omwami Mukulu ati, Sĩndĩendĩsyaherya ekĩtũnga kya Yakobo kyo kutsibu.

Obadĩa 1:17

Nĩkwa omo kitwa kyʼeSĩonĩ hasyabya abakabala, nakyo kyasyabya kĩbũyĩrĩre; nʼekĩtũnga kya Yakobo kyasyasĩgalya ebindu byabo.

Obadĩa 1:21

Nʼabakalamaya basyahetukira oko kitwa eSĩonĩ eritswera ekitwa kya Esaũ; nʼobwami bwasyabya bwʼOmwami Mukulu.

Mĩka 5:3

Busana nʼekyo asyalekabo erĩhĩka oko mugulu oyo, oyukakunda amabibuta omwana, neryo abasĩgalira bʼoko bagala babo basyasuba oko bana ba Ĩsraelĩ.

Zekarĩa 13:9

Kandi nasyalabya ekihande ekyo kyʼakasatu omo muliro, nasyatũkũryabo ngʼebĩtsĩpa bĩkatũkũrĩbawa, kandi nasyalengabo ngʼesyamagetsi ko sikalengawa. Basyalakira erĩna lyage, nage nasyasũbĩryabo; nasyabũga nyiti, Ni bandu bage; nabo basyabũga bati, Omwami Mukulu ni Nyamuhanga wetu.

Yoane 10:16

Kandi nyiwite esindi mbũlĩ, esite syʼomo butsunga obũ; litolere inaletasyo nibya, nasyo syasyowa omulenge wage; syasyabya ekihangulo kiguma haguma nʼomũlĩsya muguma.

Yoane 4:22

Ĩnywe mũkaramaya ekyo mũtasĩ; ĩtwe tũkaramaya ekyo twasĩ, kusangwa erilama lĩkalũa oko Bayũda.

Emibiri 15:17

Litya abandi bandu bosĩ basondaso-ndaye Omukama, NʼEbihanda byosĩ ebikahulawa omo lĩna lyage.

Emibiri 2:39

Kusangwa endagane ya Nyamuhanga ni busana nenyũ nʼabana benyũ na busana nʼabosĩ abali ehali, abosĩ abo Mukama Nyamuhanga wetu asyabirikira.

AbanyaRoma 11:26

Neryo Abaĩsraelĩ bosĩ basyalamĩbwa, ngoko kĩsakĩre kiti, Omũlamya asyalũa eSĩonĩ, Asyalũsya amalolo oko bana ba Yakobo.

AbanyaRoma 11:5

Ko liri ritya lino, hali abasĩgalira, abo Nyamuhanga abiriyisoga omo lukogo luwe.

AbanyaRoma 11:7

Ko byabere biti kwehĩ? Abaĩsraelĩ mobatabana ekyo babya bakasonda. Nĩkwa abake abayisogawa mobabanakyo Nʼabandi emitima yabo moyakala.

AbanyaRoma 9:24

Kusangwa nĩ ĩtwe abirikira, butsira omo katĩkatĩ kʼAbayũda basa, nĩkwa omo katĩkatĩ kʼEbihanda nibya.

AbanyaRoma 9:27

Kandi Ĩsaya akabirikira busana na Ĩsraelĩ ati, Nomo eriganza lyʼabandu ba Ĩsmaelĩ lyangabya ngʼemisege yʼomo ngetsi, abake bo basyalamĩbwa.

1 AbanyaKorinto 1:2

tukabasakira haguma, ĩnywe kanĩsa ya Nyamuhanga eyiri eKorĩnto, ababirikirawa eribya bandu ba Nyamuhanga, abahigulawa erimatikana na Kristo Yesu. Kandi tukabasakira haguma nʼabandu bosĩ ehosĩ abakalakira erĩna lyʼomukama wetu Kristo. Yo Mukama wabo nʼowetu.

AbaEbrania 12:22

Nĩkwa ĩnywe mwabĩrĩhĩka oko kitwa kyʼeSĩonĩ, nʼomũyĩ wa Nyamuhanga oyuliho, nʼoko Yerũsalema yʼelubula, nʼoko bamalaĩka abateganzika.