Yoelĩ 2:30 - AMASAKO ABOYTRTRE WA NYAMUHANGA AWAKAHULAWA MO BIBLIA

³⁰ Nasyakanganĩa ebyʼeriswekera omo kyanya nʼomo kihugo; omusasi, nʼomuliro, nʼerĩtũmba lyʼomũkĩ.

Yoelĩ 2:30 Iomraidhean Croise

Enzũko 19:28

Neryo mwatungerera ebwanga bwʼeSodomo nʼeGomora, nʼoko bwanga bwʼekihugo kyʼerirungu, mwalebyayo, neryo, lebaya, omũkĩ wʼekitaka mwahetuka ngʼomũkĩ wʼerĩsĩngo.

Olwimbo lwʼEsyonyimbo 3:6

Nindi oyukasira omo mbwarara kwehĩ? Ngʼesyondũyĩ syʼomũkĩ, Oyukakũmba ndeke omo bukwa nʼamane-mane, Haguma nʼesĩsyano syosĩ syʼomũtũndya.

Yeremĩa 4:28

Busana nʼekĩ ekihugo kyasyalira, nʼamatũkũ endata asyakĩna. Kusangwa nabĩrĩbũgakyo, nabĩrĩganĩryakyo, isindiendisyaleka obũlengekanĩa obo kutse sindiendisyahinduka.

Zekarĩa 14:6

Neryo kyasyabya oko kiro ekyo sihendisyabya omwĩrĩmya.

Matayo 24:29

Nĩkwa neryo-neryo enyũma wʼobũlĩge bwʼebiro ebyo, eryuba lyasyabya mwĩrĩmya, nʼomukera siendisyaswakola, nʼesyongũnũnũ syasyatogonga erĩlũa omo kyanya, nʼebyʼamaka byʼomo kyanya byasyatenga-tenganĩbwa.

Luka 21:11

Kandi hasyabya emĩsĩkĩ minene-minene, kandi hasyabya enzala, nʼesyondwala ehosĩ. Kandi hasyabya erĩũbahĩrĩrya, nʼebiminyikalo binene bĩkalũa omo kyanya.

Yosũa 8:20

Kandi omugulu abalume bʼeAĩ bakebera enyũma syabo, mobalangira, neryo lebaya, omũkĩ wʼomũyĩ mwahetukira omo kyanya, mobatabya nʼamaka wʼeritibita omo nzira eyĩ kutse ũmwʼeyĩ; nʼabandu abatibita omo mbwarara mobabindukira abakwamabo.

Eribisurirwa 18:18

mobalaka omugulu balangira omũkĩ wʼerihya lyago bati, Omũyĩ wahi ali ngʼomũyĩ mukulu oyũ kwehĩ?

Eribisurirwa 18:9

Kandi abami bʼekihugo abasangĩre erĩsĩngĩra lyago nʼesyongumbu syago, basyalirirago, nʼerĩsũsũmanirago, omugulu bakalangira omũkĩ wʼerihya lyago.

Eribisurirwa 8:7

Neryo omũlaĩka wʼerĩmbere mwabuha engubi yiwe. Neryo amatwa nʼomuliro, ĩbĩtũlũngene nʼomusasi, mobyaguswa omo kihugo. Nʼekihande kiguma kyʼomo bisatu kyʼekihugo mokyahya, nʼekiguma kyʼomo bisatu kyʼemiti mokyahya, nʼebiti bibisi byosĩ mobyahya.

Abatswerĩ 20:38

Neryo ekiminyikalo ekyalaganawa omo katĩkatĩ kʼabalume ba Ĩsraelĩ nʼabalĩmbya, kyabya kiti batũmbaye ekĩtũ kinene kyʼomũkĩ ekikahetuka erĩlũa omo mũyĩ.

Abatswerĩ 20:40

Nĩkwa omugulu ekyũkĩ kyatsũka ngʼekĩtũ erihetuka erĩlũa omo mũyĩ, Ababenyamĩna mobasamalira enyũma syabo; neryo lebaya, omũyĩ gosĩ mwalola endata omo mũkĩ.