Yoelĩ 2:28 - AMASAKO ABOYTRTRE WA NYAMUHANGA AWAKAHULAWA MO BIBLIA

²⁸ Neryo enyũma wʼaho, nasyũtũlĩra Omũlĩmũ wage oko bandu bosĩ; abagala benyũ nʼabali benyũ basyaminyerera, nʼabasyakulu benyũ basyalota esyonzolĩ, nʼabalwana benyũ basyalola oko syonzolĩ.

Yoelĩ 2:28 Iomraidhean Croise

Emĩsyo 1:23

Mubinduke okwʼikunga lyage. Lebaya, nasyabũtũlĩra ekĩrĩmũ kyage; Nasyabamĩnyĩsya ebĩnywa byage.

Ĩsaya 32:15

Erĩhĩka aho Omũlĩmũ amabyũtũlĩrwa ũkwʼĩtwe erĩlũa endata. Nʼembwarara iyasyabya eririma lĩbogĩre kũndũ, nʼeririma lĩbogĩre eriheta kutsibu.

Ĩsaya 40:5

Neryo olukengerwa lwʼOmwami Mukulu lwasyabĩsũlwa, Nʼemibiri yosĩ yasyalangiralo haguma; Kusangwa obuno bwʼomwami Mukulu bwabĩrĩbũga.

Ĩsaya 44:3

Kusangwa nasyũtũlĩra amagetsi ũkwʼoyũkwĩre enyota, nʼesyonyũsĩ oko kitaka kyũmĩre. Nasyũtũlĩra Omũlĩmũ wage oko bana bawe, nʼeritsumula lyage oko bitsikulu bawe.

Ĩsaya 49:26

Kandi nasyalĩsya abakabanũbaya omo sĩswĩ syʼemibiri yabo. Kandi basyakũnda omo musasi wabo-wabo, ngʼebĩnyũ bĩsĩhĩre. Abandu bosĩ basyaminya ngoko ĩngye, Mwami Mukulu, indi Mũlamya wawe, nʼomũtongolya wawe, Embangĩ ya Yakobo.

Ĩsaya 49:6

Ati, Ni mwatsi muke uwe eribya mugombe wage erĩhanganĩa ebihanda bya Yakobo, nʼerĩsũbya abateyĩbawa ba Ĩsraelĩ. Kandi nasyakuyira eribya ekyakakala busana nʼebihanda, omulamo wage ahĩke oko ndũlĩ yʼekihugo.

Ĩsaya 54:13

Nʼabagala bawe bosĩ basyakangĩrĩrĩbwa nʼOmwami Mukulu, nʼobuholo bwʼabagala bawe bwasyabya bungi.

Yeremĩa 23:25

Nabĩrĩowa ebyo abamĩnyererĩ babĩrĩbũga, abakaminyerera amabehĩ oko lĩna lyage bati, Nalotĩre, nalotĩre!

Yeremĩa 23:28

Omũmĩnyererĩ oyuwite erilota abũge erilota liwe, nĩkwa oyuwite ekĩnywa kyage, abũge ekĩnywa kyage omo kwenene. Omwami Mukulu ati, Embuba ĩlabĩre engano yʼũkũkĩ kwehĩ?

Ezekĩelĩ 36:27

Kandi nasyahĩra Omũlĩmũ wage omwisi wenyũ, nʼerireka imwalendera omo migambo yage, nenyũ mwasyateya erikola ebilayiro byage.

Ezekĩelĩ 37:14

Nasyahĩra Omũlĩmũ wage omwisi wenyũ, nenyũ mwasyasuba nʼeribyaho, nasyabahĩra omo kihugo kyenyũ. Neryo mwasyaminya kwʼindi nĩ ngye Mwami Mukulu, nabĩrĩbũgakyo nʼerikolakyo, Omwami Mukulu atya.

Ezekĩelĩ 39:29

Kandi sĩndĩendĩsyaswabĩsa obũsũ bwage bo kubo, kusangwa nasyũtũlĩra Omũlĩmũ wage oko kihanda kya Ĩsraelĩ Omukama Iye Omwami Mukulu atya.

Danĩelĩ 7:1

Oko mwaka wʼerĩmbere wa Belsasarĩ, omwami wʼeBabelĩ, Danĩelĩ, mwalota akalola oko syonzolĩ syʼomutwe wuwe oko ngyingo yiwe; neryo mwasaka erilota eryo mwatũla omwatsi walyo.

Zekarĩa 12:10

Neryo nasyũtũlĩra endata wʼekĩtũnga kya Dawĩdĩ, nʼendata oko syondũlanĩ syʼeYerũsalema, Omũlĩmũ wʼeriganyira nʼowʼerisaba; litya lyasyaleka ibalangira oyo batsimita; kandi basyamulirira, ngʼoyukalirira mugala wuwe endogola, kandi basyamũkwĩra obũlĩge nʼerĩsĩrĩkalira, ngʼoyũkasĩrĩkalira busana nʼakambere kuwe.

Emiganzo 11:17

Nage nasyandagala nʼerĩkanĩa nawe aho; kandi nasyĩmya oko Mũlĩmũ owali ukʼuwe, nasyahĩrago kubo; nabo basyaheka omuheke wʼabandu haguma nawe, isiwahekaga ĩgowene.

Emiganzo 12:6

Neryo mwabũga ati, Lino muhulikirire ebĩnywa byage; hamabya omũmĩnyererĩ omo katĩkatĩ kenyũ, Ĩngye Mwami Mukulu nasyayĩmĩnyĩkalya kwiye omo nzolĩ, nasyabũga naye omwʼilota.

Luka 1:67

Ĩse wuwe ye Zakarĩa mũsũlĩbwa nʼOmũlĩmũ Abũyĩrĩre, mwaminyerera ati,

Luka 3:6

Nʼabandu bosĩ basyalangira omulamo wa Nyamuhanga.

Yoane 7:39

Nĩkwa Yesu abũga ekĩ iniakahula Omũlĩmũ ogo abakamwĩkĩrĩraya basyahabwa. Oko mugulu oyo Omũlĩmũ isialiahabwa, kusangwa Yesu isialiabana olukengerwa luwe.

Emibiri 2:33

Yesu abĩrĩhamĩbwa oko byala byʼamali bya Nyamuhanga, kandi abiribana uku Tata erilaga lyʼOmũlĩmũ Abũyĩrĩre, nʼebyo mukalangira lino nʼerĩowa nĩ lũsũnzo luwe abĩrĩtũtũlĩra.

Emibiri 2:39

Kusangwa endagane ya Nyamuhanga ni busana nenyũ nʼabana benyũ na busana nʼabosĩ abali ehali, abosĩ abo Mukama Nyamuhanga wetu asyabirikira.

Emibiri 21:9

Kandi Fĩlĩpo oyũ abya awite abali buwe bani abatahĩkĩbwe, ababya bamĩnyererĩ.

AbanyaGalatia 3:28

Sihali Omũyũda nʼOmũgĩrĩkĩ, sihali omukoba nʼogʼobwĩranda, sihali wʼobulume kutse wʼobũkalĩ; kusangwa ĩnywe bosĩ muli muguma erimatikana na Kristo Yesu.

AbaEbrania 1:1

Nyamuhanga kera mwabũga nʼabotata-kulu betu omo bĩnywa byʼabamĩnyererĩ, esyongendo nyingi nʼomo syo­nzira mĩsĩndo-mĩsĩndo.

1 Samwelĩ 19:20

Neryo Saũlo mwatuma abakwenda eriyahamba Dawĩdĩ; neryo omugulu balangira endeko yʼabamĩnyererĩ bakaminyerera, na Samwelĩ iniahangeneho mo mukulu wabo, Omũlĩmũ wa Nyamuhanga mwahĩka oko bakwenda ba Saũlo, nabo mobaminyerera nibya.

1 Samwelĩ 19:21

Nʼomugulu Saũlo atũlĩrawago, mwatuma abandi bakwenda, kandi nabo nibya mobaminyerera. Kandi Saũlo mwatuma bakwenda engendo yʼakasatu, kandi mobaminyerera nibya.

1 Samwelĩ 28:6

Nʼomugulu Saũlo abũlaya Omwami Mukulu, Omwami Mukulu mwatamũsũbĩrya, kutse nʼomo nzolĩ, kutse omo Ũrĩmũ, kutse nʼomo bamĩnyererĩ.