Yoelĩ 2:26 - AMASAKO ABOYTRTRE WA NYAMUHANGA AWAKAHULAWA MO BIBLIA

²⁶ Nenyũ mwasyabya nʼebingi byʼerirya nʼerĩũgũta, mwasyapipa erĩna lyʼOmwami Mukulu Nyamuhanga wenyũ, oyo wabirikola ebyʼeriswekera busana nenyũ; neryo abandu bage sibendisyahemulwa kera na kera.

Yoelĩ 2:26 Iomraidhean Croise

Enzũko 33:11

Ngakũbũlaya, wangirire oluhembo lwage olo gulyaleterawa, kusangwa Nyamuhanga abirinyikolera omo lukogo, nʼakandi kusangwa ngwite bingi. Neryo Yakobo mwamuhatikana, naye mwĩmyabyo.

Nehemĩa 9:25

Neryo mobahũnga emĩyĩ ikongotere, nʼekihugo kyʼomuboga, mobasĩgalya amanyũmba agoswĩre mwʼebindu byowene byosĩ, nʼebitehero ebyabatsawa, nʼamalima wʼebĩnyũ, nʼamalima wʼemĩzeĩtũnĩ, nʼemiti yʼebĩgũma bingi; litya mobalya nʼerĩũgũta, mobaneneha, mobayĩtsemesya omo bubuya bwawe bunene.

Esyonyimbo 103:5

Akamba emyatsi mibuya omwʼibyaho lyage ryosĩ, Kyikaleka inabya mulere nʼowʼamaka ngʼerĩsamba.

Esyonyimbo 116:7

Uwe mutima wage, sĩwendĩkwakĩ, Kusangwa Omwami Mukulu abirinyikolera ebibuya.

Esyonyimbo 13:6

Nasyimbira Omwami Mukulu, Kusangwa abirinyiyira ndeke.

Esyonyimbo 22:26

Abandu bolo basyalya nʼerĩũgũta, Abandu abakasonda-sonda Omwami Mukulu basyamupipa. Emitima yabo ikote.

Esyonyimbo 37:19

Sĩbendĩsyakwa obũlĩge omugulu ebiro bikakala; Kandi basyũgũta omo biro byʼenzala.

Esyonyimbo 67:5

Uwe Nyamuhanga, abandu bakupipe, Abandu bosĩ bakupipe!

Esyonyimbo 72:18

Mupipe Omwami Mukulu Nyamuhanga, Nyamuhanga wa Ĩsraelĩ, Oyukakola emyatsi eyi yʼeriswekera!

Emĩsyo 13:25

Omutunganene akalya nʼerĩũgũta; Nĩkwa enda yʼomubi yasyawira.

Olwimbo lwʼEsyonyimbo 5:1

Omũherũkĩ wage, mwali wetu, nabĩrĩhĩka omwʼirima lyage, Nabirioha obukwa bwage, haguma nʼamanũkato wage. Nabirirya ekisese kyage haguma nʼobuki bwage. Nabĩrĩpũlya ebĩnyũ byage haguma nʼamasabũ wage. Ĩnywe bĩra bage, mulye, Ĩnywe banze mũpũlaye, ega, mũpũlaye ndeke.

Ĩsaya 25:1

Uwe Mwami Mukulu, uwe uli Nyamuhanga wage; Ngandĩkũhamya, ngandiha ewasĩngya oko lĩna lyawe; Kusangwa wabirikola emyatsi yʼeriswekera, Erĩyĩsũnza lyategekanĩbawa kera, omo butalegula bũhĩkene,

Ĩsaya 29:22

Neryo Omwami Mukulu oyo watongolaya Abrahamũ, akabũga, busana nʼekĩtũnga kya Yakobo ati, Yakobo siendisyahemulwa, kutse obũsũ buwe sĩbwendĩsyatsĩgũka.

Ĩsaya 45:17

Ĩsraelĩ abĩrĩlamĩbwa nʼOmwami Mukulu nʼerilama lya kera na kera. Ĩnywe simwendisyahemulwa kutse erĩsĩngwa na kera na kera.

Ĩsaya 49:23

Abami basyabya bateya bawe bʼerĩkũkũlya, nʼabanya-mwami bʼobũkalĩ babo basyabya balemberĩ bawe. Basyakũnamira nʼamũsũ wabo oko kitaka, kandi basyalyatsirira olũtũtũ lwʼebisando byawe. Nawe wasyaminya kwʼindi Mwami Mukulu, abakanyirinda nʼamaha sibendisyahemulwa.

Ĩsaya 54:4

Sigubahe kusangwa sĩwendĩsyakwa esĩsonĩ. Kutse susweke, kusangwa siwendisyahemuka. Nĩkwa wasyibirirwa esĩsonĩ syʼobwana-buto bwawe, kandi siwendisyaswibuka eritsumwa lyʼobũkwakalĩ bwawe.

Ĩsaya 55:2

Busana nakĩ mũkahĩtaya esyofranka busana nʼekyo ekite kalyo kwehĩ? Nʼobukumbi bwenyũ busana nʼekyo ekĩtũgũtaya kwehĩ? Mumbulikirire ndeke, kandi mulye ekibuya, ũyĩtsemesaye omo bĩnũnĩre.

Abalawĩ 25:19

Nʼekitaka kyasyalasya ebĩgũma byakyo, nenyũ mwasyalya nʼerĩũgũta, nʼerĩĩkala mukyo mo buholo.

Abalawĩ 26:26

Omugulu nasyakehya obundu bwenyũ, abakalĩ ĩkũmĩ basyokya obundu bwenyũ oko luyo luguma, kandi basyaswabaha obundu bwenyũ mo lulengo luke-luke nenyũ mwasyalya, nĩkwa sĩmwendĩsyũgũta.

Abalawĩ 26:5

Nʼerĩhũmba lyenyũ lyasyahĩka oko mugulu wʼerigesa ebĩnyũ, nʼerioha lyʼebĩnyũ lyasyahĩka oko mugulu wʼeribiba; nenyũ mwasyalya akalyo kenyũ nʼerĩũgũta, nʼerĩĩkala omo kihugo kyenyũ nʼobuholo.

Mĩka 6:14

Wasyalya, nĩkwa sĩwendĩsyũgũta; nʼobubi bwawe bwasyabya omo katĩkatĩ kawe; wasyalenga erĩhũmya nĩkwa siwendisyabika; nʼebyo ukabika nasyahabyo oko mũyalĩ.

Zefania 3:11

Oko kiro ekyo simwendisyahemulwa busana nʼemĩbĩrĩ yenyũ yosĩ, eyo mwanyihonako; kusangwa oko mugulu oyo nasyalũsya omo katĩkatĩ kenyũ abakayipipa nʼerĩyĩtsemesya benyũ, kandi siwendisyaswayĩhamya oko kitwa kyage kĩbũyĩrĩre.

Zekarĩa 9:15

Omwami Mukulu Wʼemilondo asyalwirabo; nabo basyalya, nʼeriryatangirira amabwe wʼerigusa; basyapũlya nʼeritamira ngʼomo bĩnyũ, basyũsũla ngʼekibindi kyʼerihonga, eritsapa ngʼesyonũnga syʼekiherero.

Zekarĩa 9:17

Kusangwa obubuya bwahi nʼerikanga lyahi lyasyabya lyabo! Engano yasyaleka abalwana ibakamaha, nʼebĩnyũ bihya-bihya byasyaleka abana-bato ibakamaha!

AbanyaRoma 10:11

Kusangwa Amasako ati, Obuli mundu oyũkamwĩkĩrĩraya siendisyahemulwa.

AbanyaRoma 5:5

Kandi amaha sialituteba, kusangwa Omũlĩmũ Abũyĩrĩre ogo Nyamuhanga atuha, abĩrĩũtũlĩra olwanzo lwa Nyamuhanga omo mitima yetu.

AbanyaRoma 9:33

Ngoko kĩsakĩre kiti, Lebaya, ngahĩra eSĩonĩ yʼerĩbwe erĩkatwĩkalaya abandu, Nʼerĩbwe erikaleterabo erĩtwĩkala. Nʼoyũkamwĩkĩrĩraya sĩendĩsyakwa esĩsonĩ.

Eryibuka Ebihano 11:15

Kandi ngandisyaha ebiti mo bũlĩsĩryo bwenyũ busana nʼebihangulo byenyũ, neryo mwasyalya ĩmũgũta.

Eryibuka Ebihano 12:12

Kandi mwasya­tsema embere syʼOmwami Mukulu Nyamuhanga wenyũ, ĩnywe, nʼabagala benyũ nʼabali benyũ, nʼabagombe benyũ bʼobulume, nʼabagombe benyũ bʼobũ­kalĩ, nʼOmũlawĩ oyuli omo syongyo syenyũ, kusangwa siawite erĩgabo kutse omwandu haguma nenyũ.

Eryibuka Ebihano 12:18

nĩkwa mwasyalirabyo embere syʼOmwami Mu­kulu Nyamuhanga wenyũ aho Mwami Mukulu Nyamuhanga wenyũ asyayisoga, uwe na mugala wawe, na mwali wawe, nʼomugombe wawe wʼobulume, nʼomu­gombe wawe wʼobũkalĩ, nʼOmũlawĩ oyuli omo syongyo syenyũ; kandi mwasyatse­ma embere syʼOmwami Mukulu Nyamu­hanga wenyũ omo byosĩ ebyala byenyũ bikakola.

Eryibuka Ebihano 12:7

Nʼaho ho mwasyalira embere syʼOmwami Mukulu Nyamuhanga wenyũ, kandi mwasyatsemera ebyosĩ mukakola omo byala byenyũ, Ĩnywe nʼebĩtũnga byenyũ, omo ebyo Mwami Mukulu abiribatsumulira.

Eryibuka Ebihano 8:10

Omugulu mwamabirya ĩmũgũta, kandi mwasyapipa Omwami Mukulu Nyamuhanga wenyũ busana nʼekihugo kibuya ekyo abiribaha.

1 Timoteo 6:17

Uhane abateke abʼebindu bʼekihugo kino sibayiheke, kutse erĩhĩra amaha wabo oko bindu ebyangahwaho. Nĩkwa bahĩre amaha wabo uku Nyamuhanga oyukatuha ndeke-ndeke ebindu byosĩ eritsemerabyo.

1 Yoane 2:28

Neryo lino, abana bage balere, mubye mukamatikana na Kristo, neryo itwabya ĩtũnasĩkĩre omugulu asyahuluka, nʼerĩtĩndakwa esĩsonĩ embere siwe oko kiro ekyo asyasa.