Yoelĩ 2:23 - AMASAKO ABOYTRTRE WA NYAMUHANGA AWAKAHULAWA MO BIBLIA

²³ Neryo ĩnywe bana bʼeSĩonĩ, mutseme, kandi mutsemere Omwami Mukulu Nyamuhanga wenyũ; kusangwa abiribaha embũla yʼerĩmbere erĩbasĩngya, abirireka embũla iyabawako, embũla yʼerĩmbere, nʼembũla yʼenyũma, nga kera.

Yoelĩ 2:23 Iomraidhean Croise

1 Abami 8:36

neryo gowe elubula, ubuyire ebibi byʼabagombe bawe, nʼebyʼabandu bawe Abaĩsraelĩ, omugulu Akakangĩrĩrayabo enzira yowene eyo bangalenderamo; nʼerituma embũla oko kihugo kyawe, ekyo wabiriha bandu bawe eribya mwandu.

Yobũ 33:23

Hamabya hali mũlaĩka haguma naye erĩmũwatĩkya, Ngʼembũyĩ ni muguma omo maelfu wʼabamalaĩka ba Nyamuhanga, Erĩkangya omundu ekimutolere;

Yobũ 37:13

Nyamuhanga akatuma embũla eriwa oko kitaka: Anganatumayo busana nʼerisuyira abandu, Kutse eriganyirabo.

Esyonyimbo 104:34

Atsemesĩbawe omo lwimbo lwage, Kusangwa Omwami Mukulu akanyĩtsemesaya.

Esyonyimbo 147:8

Akasanza ebĩtũ oko kyanya; Akabana embũla busana nʼekihugo, Akalasaya ebiti oko bitwa.

Esyonyimbo 149:2

Uwe Ĩsraelĩ, utseme, busana nʼmũhangĩkĩ wawe; Ĩnywe bandu bʼeSĩonĩ, mutseme, busana nʼomwami wenyũ!

Esyonyimbo 28:7

Omwami Mukulu ni maka wage nʼomwĩmĩrĩ wage; Omutima wage akayiketera ye, namawatĩkĩbwa. Kandi omutima wage akatsema kutsibu, Nasyamupipa omo nyimbo syage.

Esyonyimbo 32:11

Ĩnywe batunganene, mutsange, mutseme oko Mwami Mukulu. Kandi ĩnywe bosĩ abʼemitima itunganene, mũyĩsyandire omo butseme!

Esyonyimbo 84:6

Omugulu bakalaba omo musya ogũmĩre Akabya ahali esyongũnũnũko; Nʼembũla yʼerĩmbere ĩkũsũlayaho mo bitsinga byʼamagetsi.

Emĩsyo 16:15

Omo bubuya bwʼobũsũ bwʼomwami muli engebe; Nʼeriganyira liwe liri ngʼekĩtũ ekyʼembũla yʼendũlĩ.

Ĩsaya 30:21

Nʼamatwĩ wenyũ asyowa ekĩnywa enyũma wenyũ kiti, Enzira yeyĩ, mugendere muyo. Omugulu mukakitira oko luhande lwʼamali, nʼomugulu mukakitira oko luhande lwʼamalembe.

Ĩsaya 30:23

Neryo asyawĩsya embũla busana nʼembuto, eyo mwasyahera omo kitaka. Nʼakalyo kʼerikanyirira lyʼekitaka, nako kasyaboga nʼerĩerya bingi. Oko kiro ekyo ebihangulo byenyũ byasyalira omo lũlĩsĩryo lunene.

Ĩsaya 41:16

Wasyagũlũkyabyo, nʼerihunga lyasyahekabyo, nʼakanyabungu kasyapanza-panzabyo. Nawe wasyatsemera Omwami Mukulu, wasyayihalamba ũmwʼOyũbũyĩrĩre wa Ĩsraelĩ.

Ĩsaya 61:10

Nasyatsemera Omwami Mukulu kutsibu, omutima wage asyatsema uku Nyamuhanga wage, kusangwa abĩrĩnyambalya esyongimba syʼomulamo, abirinyiswika ekanzu yʼeritunganene, ngʼĩba wʼomũherũkĩ akayisitika omo kikoba kyʼomusanga, kandi ngʼomũherũkĩ oyukayisitika omo mabwe wuwe awakangĩre gʼobũgũlĩ.

Yeremĩa 3:3

Busana nʼekyo embũla yabĩrĩkakĩrĩbwa, ihatawa embũla yʼenyũma. Nĩkwa wabya nʼembũmo yʼomũmalaya, mowagana erĩkwa esĩsonĩ.

Yeremĩa 5:24

Sĩbebũga omo mutima wabo bati, Lino tubahe Omwami Mukulu Nyamuhanga wetu, oyukaha embũla omo kirimo kyayo, eyʼerĩmbere nʼeyʼenyũma oko kirimo kyayo; oyukatubikira emigulu yʼerigesa eyahulawa.

Ekiriro 4:2

Abagala ba Sĩonĩ abʼobũgũlĩ bunene, Bali ngʼesyamagetsi nyibuya. Bakaganzawa ngʼesyonyungu syʼeribumba, Omũbĩrĩ wʼebyala byʼomũbũmbĩ!

Ezekĩelĩ 34:26

Nasyayiraho nʼahatĩmbĩre ekitwa kyage mo hʼomũyĩsa. Kandi nasyaleka embũla eriwa oko kirimo kyayo. Yasyabya embũla yʼomũyĩsa.

Hosea 6:3

Neryo tuminye, tukwamirire eriminya Omwami Mukulu. Erihongoka liwe nĩ kũndũ ngʼomo ngyakya-ngyakya; naye asyatũhĩkako ngʼembũla, ngʼembũla yʼenyũma eyĩkaheheraya ekitaka.

Abalawĩ 26:4

neryo nasyabaha embũla oko birimo byayo, nʼekitaka kyasyalasya emĩlasĩrya yakyo, nʼemiti yʼomwʼirima yasyabuta ebĩgũma byayo.

Amosĩ 4:7

Kandi nabĩrĩkakĩrya embũla busana nenyũ, omugulu habya hakĩsĩya mikera ĩsatu yʼobugese. Kandi nabĩrĩwĩsya embũla oko mũyĩ muguma, nʼerireka iyitawa oko gundi mũyĩ; ekihande kiguma mokyawa kwʼembũla, nʼekihande ekitawako embũla mokyuma.

Zekarĩa 10:1

Musabe Omwami Mukulu embũla oko mugulu wʼembũla yʼekirimo, Omwami Mukulu oyukahangika ebĩtũ byʼerĩpalya; naye asyahabo embũla, oko buli mundu ebyalya omwʼirima.

Zekarĩa 10:7

Neryo Efũraĩmũ asyabya ngʼembangĩ, nʼomutima wabo asyatsema ngʼomo bĩnyũ; ega, abana babo basyalangirakyo, ibatsema; omutima wabo asyatsemera Omwami Mukulu.

Zekarĩa 9:13

Kusangwa nasyakondomya Yũda ngʼobuta bwage, nasyosũlya obuta omo Efũraĩmũ; kandi nasyatsatsũhya abagala bawe uwe Sĩonĩ erilwa nʼabagala bawe, uwe kihugo kyʼAbagĩrĩkĩ, kandi nasyakuyira ngʼomũyalĩ gʼomũlwĩ.

Zekarĩa 9:9

Utseme kutsibu uwe mwali wʼeSĩonĩ! Uwe mwali wʼeYerũsalema, wũte obogo! Lebaya, omwami wawe akasa ukʼuwe; atunganene, kandi awite erĩlamya, abĩrĩyĩkehya, kandi ĩkere oko punda, ega, oko kyana kyʼepunda.

Emibiri 14:17

Nĩkwa mwatayireka bute balangĩrĩ buwe, iniakakola ebibuya nʼeribaha embũla eyĩkalũa elubula, nʼeribaha ebirimo ebĩkeraya ebyalya, nʼerĩũsũlya emitima yenyũ mwʼobutseme.

Eryibuka Ebihano 11:14

nasyĩna embũla busana nʼekihugo kyenyũ oko kirimo kyayo, embũla yʼembere, nʼembũla yʼenyũma, imwatoka erigesa amagese wenyũ, nʼebĩnyũ byenyũ bihya-bihya, nʼamagũta wenyũ.

Eryibuka Ebihano 28:12

Omwami Mukulu asyabakingulira olubula obubiko buwe bowene, eribaha embũla yʼekihugo kyawe omo kirimo kyayo, nʼeritsumula omũbĩrĩ gosĩ wʼebyala byenyũ; kandi mwasyabweka ebihanda bingi, nĩkwa ĩnywe simusyeyibweka.

Eryibuka Ebihano 32:2

Erĩkangĩrĩrya lyage litogonge ngʼembũla, Erĩbũga lyage ribombe ngʼekimi, Ngʼobunyenye bwʼembũla oko biti bihehere, Kandi ngʼeriwa lyʼembũla oko biti.

AbanyaFilipi 3:1

Ego, balĩkyetu, mutsemere Omukama! Sĩrĩkalĩre busana nage eribasakira emyatsi eyĩ, kandi ĩkabategaya.

AbanyaFilipi 3:3

Kusangwa ĩtwebene tuli bʼeribana lyʼekwenene, tũkaramaya Nyamuhanga omo Mũlĩmũ wuwe, kandi tũkayĩsyandira omwisi wa Kristo Yesu. Situliyiketera emyatsi yʼomubiri.

AbanyaFilipi 4:4

Mutseme omo migendere yenyũ busana nʼOmukama emigulu yosĩ; kandi ngababwira nyiti, Mutseme!