Yoelĩ 2:14 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁴ Nindi wasĩ kwʼasyabinduka nʼerioloba, nʼerĩsĩga omũyĩsa enyũma wuwe, obuhere bwʼengano nʼobuhere bwʼerĩũtũlĩra ahisi oko Mwami Mukulu Nyamuhanga wenyũ kwehĩ?

Yoelĩ 2:14 Iomraidhean Croise

2 Samwelĩ 12:22

Naye mwabũga ati, Omugulu omwana akiriho, monatsira kalyo nʼeririra, kusangwa nabũga nyiti, Nindi wasĩ Omwami Mukulu kwʼangananyiganyira, nʼomwana iniabyaho kwehĩ?

2 Samwelĩ 16:12

Mbino Omwami Mukulu asyalangira obũlĩge bwage, nʼerĩnyĩsũbũlĩrya ebibuya busana nʼeritakira liwe mũnabwire.

2 Abami 19:4

Kwamũhwa Omwami Mukulu Nyamuhanga wawe akandĩowa ebĩnywa byosĩ bya Rabsake oyo mukama wuwe omwami wʼeAsũrĩa abirituma eritsuma Nyamuhanga oyuliho, kandi akandikunga ebĩnywa ebyo Mwami Mukulu Nyamuhanga wawe abĩrĩowa; busana nʼekyo, Usumbe erisaba lyawe busana nʼenzĩgalya eyabĩrĩsĩgala.

Erĩlũayo 32:30

Neryo engyakya wʼaho, Musa mwabũga nʼabandu ati, Mwabĩrĩhalya erĩlolo lĩnene; na lino ngahetukira ahali Omwami Mukulu; kwamũhwa nasyayira embanulo busana nʼebibi byenyũ.

Ĩsaya 65:8

Omwami Mukulu ati, Ngʼebĩnyũ bihya-bihya bikabanika omo kĩkũto, nʼomundu muguma ĩnĩabũga ati, Sũtsandayekyo, kusangwa endũndĩ iri mukyo, ko nasyakola nyitya busana nʼabagombe bage, ĩsĩnangaheryabo abosĩ.

Yeremĩa 18:8

Ekihanda ekyo nabiriahula kyamabinduka oko bibi byakyo nasyaleka omwaga ogo naganĩraya erikolerabo.

Yeremĩa 26:13

Neryo lino mũwanaye esyonzira syenyũ nʼemĩbĩrĩ yenyũ, mukenge omulenge wʼOmwami Mukulu Nyamuhanga wenyũ. NʼOmwami Mukulu asyayĩkũbya busana nʼobũlĩge abũga busana nenyũ.

Yeremĩa 26:3

Kwamũhwa basyowa, nʼeribinduka erireka ebibi obuli mundu oko nzira nyibi yiwe, neryo inatoka erireka obũlĩge naganĩraya erikolerabo busana nʼobubi bwʼemĩbĩrĩ yabo.

Yoelĩ 1:13

Ĩnywe bahererĩ, mũyĩkũndĩke emisarandwe, mulire, mũlĩhĩre, ĩnywe abakolerĩ bʼekiherero; mwase, mugotsere omo kiro kyosĩ omo misarandwe, ĩnywe abakolerĩ ba Nyamuhanga wage: kusangwa obuhere bwʼengano nʼobuhere bwerĩũtũlĩra ahisi bwabĩrĩkakĩrĩbwa omo nyũmba ya Nyamuhanga wenyũ.

Yoelĩ 1:16

Akalyo sĩkamalũsĩbwa embere syʼameso wetu, ega, obutseme nʼeritsanga sibyetalũsĩbwa omo nyũmba ya Nyamuhanga wetu kwehĩ?

Yoelĩ 1:9

Obuhere bwʼengano, nʼobuhere bwʼerĩũtũlĩra ahisi bwabĩrĩlũsĩbwa oko nyũmba yʼOmwami Mukulu; abahererĩ bakalira, abagombe bʼOmwami Mukulu bakalira.

Amosĩ 5:15

Mwagalirawe oko bibi, mwanze ebibuya; mũhanganaye erĩbanza litunganene omo lũkyo; Omwami Mukulu Wʼemilondo aganyire amasĩgalira wa Yosefũ.

Yona 1:6

Neryo omukulu wʼobwato mwamũhĩkako, mwamubwira ati, Wabere uti, iwe, wayĩreto uti kwehĩ? Hangana, Ulakire Nyamuhanga wawe, kwamũhwa Nyamuhanga anganatwibuka situhere.

Yona 3:9

Nindi wasĩ Nyamuhanga ngʼanganabinduka nʼeriyisubako, nʼerireka erihitana liwe lĩkalĩre, itutahera kwehĩ?

Zefania 2:3

Mũsondaye Omwami Mukulu, ĩnywe bosĩ bʼekihugo abakayĩkehaya, ĩnywe mwabirikola erĩbanza liwe; mũsondaye eritunganene, mũsondaye obũyĩkehyo; kwamũhwa mwasyabĩswa oko kiro kyʼerihitana lyʼOmwami Mukulu.

Hagaĩ 2:19

Embuto ikine omo mbĩso kwehĩ? Ega, omũlĩkĩ wʼebĩnyũ, nʼomuti wʼomũtĩnĩ, nʼomukomamanga, nʼomuti wʼomũzeĩtũnĩ mwataheta. Nĩkwa erĩtsũka ekiro ekĩ kya mũnabwĩre nasyabatsumula.

2 Timoteo 2:25

Kandi ahehere omugulu akakunga abakalwa naye. Mbino Nyamuhanga asyahabo eribindula emitima yabo erireka ebibi, nʼeriminya omwatsi wʼekwenene.

Yosũa 14:12

Neryo lino umbe ekihugo ekĩ kyʼebitwa, ekyo Mwami Mukulu ahula ekiro ekyo; kusangwa momwowa ekiro ekyo ngoko Abaanakĩ babyaho, nʼemĩyĩ minene eyĩkangatĩre; kwamũhwa Omwami Mukulu asyabya haguma nage, inahigirabo eyĩhya, ngoko Mwami Mukulu abũga.

1 Samwelĩ 6:5

Neryo mwasyakokotya ebĩsosekanĩo byʼebihute byenyũ, nʼebĩsosekanĩo byʼesyombeba syenyũ esĩkaheraya ekihugo; kandi mwasyaha olukengerwa uku Nyamuhanga wa Ĩsraelĩ; mbino asyangũhya ebyala biwe ũkwʼĩnywe, nʼoko nyamuhanga syenyũ, nʼoko kihugo kyenyũ.