Yoelĩ 2:12 - AMASAKO ABOYTRTRE WA NYAMUHANGA AWAKAHULAWA MO BIBLIA

¹² Omwami Mukulu ati, Kutse na lino, munyibindukire nʼemitima yenyũ yosĩ, nʼeritsira akalyo, nʼeririra, nʼerĩsũsũmana.

Yoelĩ 2:12 Iomraidhean Croise

2 Samwelĩ 24:10

Neryo omutima wa Dawĩdĩ mwasĩsĩra enyũma wʼeriganza bandu. Neryo Dawĩdĩ mwabwira Omwami Mukulu ati, Nahalĩrye kutsibu oko byo nakolĩre; nĩkwa lino kĩsĩ-kĩsĩ Uwe Mwami Mukulu ubuyire amalolo wʼomugombe wawe; kusangwa nabirikola obũkĩrũ bo kutsibu.

2 Emyatsi yʼEmigulu 30:6

Neryo abakwenda mobagenda nʼesyobarua esĩkalũa oko mwami nʼabanya-mwami buwe eriya eĨsraelĩ nʼeYũda hosĩ ngʼekihano kyʼOmwami, bati, Ĩnywe bana ba Ĩsraelĩ, musube oko Mwami Mukulu, Nyamuhanga wa Abrahamũ, Ĩsaka, na Ĩsraelĩ, atoke erisuba ũkwʼĩnywe ababala nʼerĩsĩgala oko byala byʼabami bʼeAsũrĩa.

2 Emyatsi yʼEmigulu 6:27

neryo omo lubula, wowe, ubuyire amalolo wʼabagombe bawe, nʼawʼabandu bawe Abaĩsraelĩ, omugulu ũkakangĩrĩrayabo enzira yowene eyo bangalolamo; ũwĩsaye embũla oko kihugo kyawe ekyo wabiriha abandu bawe mo ndagano.

Esĩterĩ 4:16

Ugende, ũhĩndanaye Abayũda bosĩ abali eSũsa, mutsire akalyo busana nage, simulye kutse erĩpũlya oko biro bisatu omo musibo nʼomo kiro; nage nʼabana-bato bage tukanditsira akalyo tutya; neryo ko nasyaya nyitya eyiri omwami, erite ngʼemigambo; neryo namahola, inahola.

Erĩlũayo 33:5

Kusangwa Omwami Mukulu mwabũga na Musa ati, Ũbũge nʼabana ba Ĩsraelĩ uti, Muli bandu bʼebĩkya bĩkalĩre, namahetuka omo katĩkatĩ kenyũ oko katambĩ kake, iningandĩbatogotya; neryo lino muyambule kwʼebyʼerĩyĩsũga byenyũ; inaminya ekyo ngandibakolera.

Ĩsaya 22:12

Neryo oko kiro ekyo Omukama, Omwami Mukulu wʼemilondo, mwababirikira eririra, nʼerĩsũsũmana, nʼerĩsĩsa omutwe, nʼeriambala emisarandwe.

Ĩsaya 58:4

Lebaya, mukatsira akalyo busana nʼamalwa nʼerinegena, nʼerĩswĩrya omo ngũmbe nyibi. Simwetsira kalyo ngoko mukakola mũnabwĩre erĩowĩsya emirenge yenyũ yʼendata.

Yeremĩa 3:22

Ĩnywe bana abakalegula, musubule, nasyalamya eriregula lyenyũ. Lebaya, twamasa ukʼuwe, kusangwa uli Mwami Mukulu Nyamuhanga wetu.

Yeremĩa 36:7

Kwamũhwa erisaba lyabo lyasyahĩka embere syʼOmwami Mukulu, nʼobuli mundu iniabindula omutima erireka enzira nyibi yiwe, kusangwa erihitana nʼeriagalirwa nĩ rĩnene kutsibu, eryo Mwami Mukulu abĩrĩbũga busana nʼabandu aba.

Yeremĩa 4:1

Omwami Mukulu ati, Wamasonda erisubula, uwe Ĩsraelĩ, neryo litolere Unyisubeko, kandi wamasonda erĩlũsya esyonye syawe embere syʼameso wage, isiwendisyatika-tika,

Yeremĩa 4:2

nawe wasyalahĩrya uti, Ngoko Mwami Mukulu aliho, omo kwenene, omo lĩbanza libuya, nʼomo litunganene; neryo ebihanda byasyayitsumula umwʼiye, kandi basyayipipa umwʼiye.

Ezekĩelĩ 33:11

Ubwirebo uti, Omukama Iye Omwami Mukulu ati, Ngoko nyiriho! Sinditsemera oluholo lwʼababi, nĩkwa nyiti, kumbe ababi bakaleka enzira yabo babyeho. Mũbũnũkale, mũbũnũkale muleke esyonzira syenyũ nyibi! Busana nakĩ uwe kihanda kya Ĩsraelĩ, ukasonda erihola kwehĩ?

Danĩelĩ 9:3

Neryo monalolya obũsũ bwage oko Mwami Mukulu Nyamuhanga, erĩmũsondya busana nʼerisaba nʼerilaka, haguma nʼeritsira akalyo nʼeriambala emitole nʼerĩbũ.

Hosea 12:6

Busana nʼekyo, Ubindukire Nyamuhanga wawe; ũtegaye obubuya nʼerĩbanza libuya, ulindirire Nyamuhanga wawe emigulu yosĩ.

Hosea 12:7

Nĩ mũgũlya, ehĩrengĩ hyʼeriteba hiri omo byala biwe; anzĩre erĩnũbya.

Hosea 14:1

Uwe Ĩsraelĩ, usube oko Mwami Mukulu Nyamuhanga wawe; kusangwa wabiriwa busana nʼebibi byawe.

Hosea 6:1

Mwase tusube oko Mwami Mukulu; kusangwa abiritutulanga, nĩkwa akandĩtũlamya; abĩrĩswĩrya, naye akandisyatusenga-senga.

Yoelĩ 1:13

Ĩnywe bahererĩ, mũyĩkũndĩke emisarandwe, mulire, mũlĩhĩre, ĩnywe abakolerĩ bʼekiherero; mwase, mugotsere omo kiro kyosĩ omo misarandwe, ĩnywe abakolerĩ ba Nyamuhanga wage: kusangwa obuhere bwʼengano nʼobuhere bwerĩũtũlĩra ahisi bwabĩrĩkakĩrĩbwa omo nyũmba ya Nyamuhanga wenyũ.

Zekarĩa 7:3

Ĩbakakanaya nʼabahererĩ bʼenyũmba yʼOmwami Mukulu Wʼemilondo, nʼabamĩnyererĩ, bati, Nangalira oko mukera wʼakatanu, eriyisolola, ngoko nabirikola emyaka eyĩ yosĩ mingi kwehĩ?

Zekarĩa 7:5

Ubwire abandu bosĩ bʼekihugo nʼabahererĩ, uti, Omugulu mwatsira akalyo nʼeririra omo mukera wʼakatanu nʼowʼakalinda emyaka eyĩ makũmĩ alinda, momwanatsira akalyo busana nage kwenene kwehĩ?

Malakĩ 1:9

Nĩkwa, lino, kĩsĩ-kĩsĩ, simulisaba eriganyira lya Nyamuhanga, atubanire eriganyira kwehĩ? Omo buhere ngʼobo busana nenyũ, kwʼanasyalĩga eribangirira ndeke kwehĩ? Omwami Mukulu Wʼemilondo atya.

Emibiri 26:20

Nĩkwa monatsũka erĩkangĩrĩrya bandu bʼeDamasĩkĩ, nʼabandu bʼeYerũsalema, nʼomo kihugo kyosĩ kyʼeYũdea, nʼoko Bihanda, nyiti babindule emitima yabo balũe kwʼebibi, babindukire Nyamuhanga, kandi bakole emĩbĩrĩ eyo eyĩkakangaya eribinduka lyabo.

Abatswerĩ 2:4

Neryo, omugulu omũlaĩka wʼOmwami Mukulu abũga ebĩnywa ebĩ oko bana bosĩ ba Ĩsraelĩ, abandu mobasumba omulenge wabo mobalira.

Abatswerĩ 20:26

Neryo abana ba Ĩsraelĩ bosĩ, nʼabandu bosĩ mobahetuka erĩhĩka eBetelĩ, mobalira, mobĩkalaho embere syʼOmwami Mukulu, mobatsira akalyo ekiro ekyo erĩhĩka omwʼĩgolo-golo; mobahonga amahere wʼerĩokererya nʼamahere wʼobuholo embere syʼOmwami Mukulu.

1 Samwelĩ 7:3

Neryo Samwelĩ mwabũga nʼenyũmba yosĩ ya Ĩsraelĩ ati, Mwamasuba oko Mwami Mukulu nʼomutima gosĩ, ego, mũhĩre esindi nyamuhanga syo hali, na Astarotĩ sĩlũe omo katĩkatĩ kenyũ, mũhĩre emitima yenyũ oko Mwami Mukulu, nʼerimukolera ĩyowene; naye akandĩbalamya omo byala byʼAbafĩlĩstĩnĩ.

1 Samwelĩ 7:6

Neryo mobahĩndana eMĩsĩpa, mobateha magetsi, mobũtago embere syʼOmwami Mukulu, nʼekiro ekyo mobatsira akalyo mobabũga bati, Twabĩrĩhalya oko Mwami Mukulu. Na Samwelĩ mwatswera abana ba Ĩsraelĩ eMĩsĩpa.