Yoelĩ 2:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Mubuhe engubi eSĩonĩ, mũbũgaye endulo omo kitwa kyage kĩbũyĩrĩre; esyondũlanĩ syosĩ syʼekihugo sititimane; kusangwa ekiro kyʼOmwami Mukulu kikasa, kusangwa kwenene kiri hakũhĩ.

Yoelĩ 2:1 Iomraidhean Croise

1 Emyatsi yʼEmigulu 15:28

Neryo Abaĩsraelĩ bosĩ mobahetũkya erĩsandũko lyʼerilagana lyʼOmwami Mukulu nʼerĩũta obogo, nʼomo mirenge yʼorumaka, nʼengubi, nʼomo masengo erĩbũgya omulenge munene haguma nʼesyonanga, nʼesyonzenze.

Esyonyimbo 119:120

Ngubaha busana nawe; Ngubaha kutsibu busana nʼeritswera lyawe.

Esyonyimbo 87:1

Nyamuhanga mwahĩmba omũyĩ wuwe oko bitwa bĩbũyĩrĩre.

Erĩlũayo 10:14

Nʼesyongĩke mosyabya endata wʼekihugo kyʼeMĩsĩrĩ, mosyĩkala oko mitano yosĩ yʼeMĩsĩrĩ; syabya nyibi kutsibu; sihehatabya esyongĩke esiri ngʼesyo kutse enyũma sihendisyabya esiri ngasyo.

Ĩsaya 13:6

Mulire, kusangwa ekiro kyʼOmwami Mukulu kiri hakũhĩ! Kyasyasa ngʼerĩtogotya kĩkalũa oko Wʼamaka gosĩ.

Ĩsaya 13:9

Lebaya, ekiro kyʼOmwami Mukulu kĩkahĩka, kĩtsatsũhĩre, omwʼihitana nʼeriagalirwa lĩkalĩre. Eriyira ekihugo mo mulala. Asyatogotya abakola-nabi bakyo bahwe mukyo.

Ĩsaya 2:12

Kusangwa Omwami Mukulu wʼemilondo asyayira ekiro kyʼolubanza busana nʼabosĩ abakayikebera nʼeriyiheka, na busana nʼabandu bosĩ abakayĩhamaya, ibatoka erĩkehĩbwa.

Ĩsaya 66:2

Kusangwa ebyala byage byo byakola ebĩ byosĩ, nʼebindu ebĩ byosĩ mobyabyaho bitya, Omwami Mukulu atya. Nĩkwa nasyasamalira omundu oyũkayĩkehaya nʼowʼekĩrĩmũ kihehere, nʼoyukatitimana busana nʼekĩnywa kyage.

Ĩsaya 66:5

Mowe kĩnywa kyʼOmwami Mukulu, ĩnywe mukatitimanira ekĩnywa kiwe: Abagala benyũ abakabakwa obusu, abakabagana busana nʼerĩna lyage, babĩrĩbũga bati, Omwami Mukulu apipawe, itwatoka erilola oko butseme bwenyũ. Nĩkwa basyahemulwa.

Yeremĩa 16:10

Neryo kyasyabya omugulu wasyakangya abandu aba ebĩnywa ebĩ byosĩ, nabo basyakubwira bati, Busana nakĩ Omwami Mukulu abirihamula erĩkwa lingaha busana netu kwehĩ? Kutse ebibi byetu ni byahi kwehĩ? Nʼamalolo wetu ni wahi ago twabĩrĩhalya oko Mwami Mukulu Nyamuhanga wetu kwehĩ?

Yeremĩa 16:7

Kutse abandu sibendisyabega obundu busana nʼeriririrabo, erĩkĩranĩa omundu busana nʼabaholĩ, kutse abandu sibendisyahabo olũtehĩ lwʼerĩkĩranĩa erĩpũlyalo busana na tata wabo na nyĩnya wabo.

Yeremĩa 4:5

Mũtũlego eYũda, kandi mũkangayekyo omo Yerũsalema; muti Mubuhe engubi omo kihugo. Mubirikire kutsibu muti, Mũyĩhĩndanaye, tugende oko mĩyĩ ikongotere.

Yeremĩa 5:22

Omwami Mukulu ati, Simulinyubaha kwehĩ? Simwendisyatitimanira embere syage, ĩngye nayira emisege eribya mutano wʼengetsi, ni kihano kyʼebiro byosĩ isiyangalaba kugo. Nomo ebisunda byayo byangayigusanga, sibyangatoka. Nomo byangahuha sibyangatwangana kuyo.

Ezekĩelĩ 12:23

Neryo ubwirebo uti, Omukama Iye Omwami Mukulu akabũga ati, Nasyaleka omũsyo oyũ ĩnĩũmbya, nabo sibendisyaswabũgago ngʼomũsyo omo Ĩsraelĩ. Nĩkwa ubwirebo uti, Ebiro bĩkahĩka hakũhĩ nʼeribererera lyʼesyonzolĩ syosĩ.

Ezekĩelĩ 21:12

Uwe mugala wʼomundu, ulake, ulire, kusangwa akalwa nʼabandu bage, akalwa nʼabakulu bosĩ ba Ĩsraelĩ. Babirihabwa oko mũyalĩ haguma nʼabandu bage. Neryo Ũswĩraye oko ndungu yawe.

Ezekĩelĩ 30:3

Kusangwa ekiro ekyo kiri hakũhĩ, ekiro kyʼOmwami Mukulu kiri hakũhĩ. Kyasyabya ekiro kyʼebĩtũ, omugulu wʼerĩkwa busana nʼebihanda.

Ezekĩelĩ 33:3

naye akalangira omũyalĩ akahĩka oko kihugo, amabuha engubi, nʼerikunga abandu omo ehe-e,

Ezekĩelĩ 33:6

Nĩkwa omũteya amalangira omũyalĩ akasa, isialitabuha engubi, nʼabandu isibetabwirwa ehe-e, nʼomũyalĩ akahĩka nʼeriheka omundu muguma wa kubo, akatwalwa omo bibi biwe, Nĩkwa omusasi wuwe nasyabũlyago omo byala byʼomũteya oyo.

Ezekĩelĩ 7:10

Lebaya, ekiro ekyo! Lebaya, kikasa! Erihera lyawe lyabirihuluka. Omũtso abĩrĩsoya, eriyipipa lyamakondola.

Ezekĩelĩ 7:12

Omugulu amahĩka, ekiro kyamahĩka. Oyukagula siatseme, kutse oyũkagũlaya syalire, kusangwa erihitana lyamahĩka oko ndeko yosĩ yako.

Danĩelĩ 6:26

Ĩngye ngahĩra omugambo nyiti, Omwʼitabala lyosĩ lyʼobwami bwage abandu batitimane nʼeriubaha embere sya Nyamuhanga wa Danĩelĩ; kusangwa iye ni Nyamuhanga oyuliho, oyũkotĩre kera na kera, nʼobwami buwe ni bwami obũtendĩsyaherĩbwa; nʼeritabala liwe lyasyakota erĩhĩka oko ndũlĩ.

Danĩelĩ 9:16

Uwe Mukama, ngʼemĩbĩrĩ yawe yosĩ itunganene, uleke erihitana lyawe nʼerikarama lyawe bĩlũe oko mũyĩ wawe eYerũsalema, ekitwa kyawe kĩbũyĩrĩre; kusangwa busana nʼebibi byetu, nʼebibi byʼabotata wetu, eYerũsalema nʼabandu bawe babiribya kĩtsũmĩ oko bandu bosĩ abatũtĩmbĩreko.

Danĩelĩ 9:20

Neryo omugulu nabya ngabũga, nʼerisaba, nʼerĩkangya ebibi byage nʼebibi byʼabandu bage Ĩsraelĩ, nʼerireta emilake yage embere syʼOmwami Mukulu Nyamuhanga wage busana nʼekitwa kĩbũyĩrĩre kya Nyamuhanga wage.

Hosea 5:8

Mubuhe engubi eGĩbea, nʼemburura eRama; mutũle endulo ehee eBeti-awenĩ; nʼenyũma ukʼuwe, uwe Benyamĩna.

Hosea 8:1

Ũhĩre engubi oko mĩnywa yawe! Ngʼerĩsamba ko likasa, enzĩgũ ikasa oko kĩtũnga kyʼOmwami Mukulu, kusangwa babĩrĩhalya oko ndagano yage nʼerilwa nʼemigambo yage.

Yoelĩ 1:15

Ĩloolo busana nʼekiro ekyo! Kusangwa ekiro kyʼOmwami Mukulu kiri hakũhĩ, kandi kyasyasa ngʼerĩherya lĩkalũa oko Wʼamaka gosĩ.

Yoelĩ 2:11

Omwami Mukulu akatanda omulenge wuwe embere syʼemilondo yiwe; kusangwa enganda yiwe ni nene kutsibu; kusangwa oyũkaberereraya ekĩnywa kiwe akalĩre; kusangwa ekiro kyʼOmwami Mukulu ni kinene nʼekyʼerĩũbahya kutsibu; nindi yo wangatoka eriyisiga mukyo kwehĩ?

Yoelĩ 2:15

Mubuhe engubi eSĩonĩ, muyisolole nʼeritsira kalyo, mubirikire erĩhĩndana lĩbũyĩrĩre;

Yoelĩ 2:31

Eryuba lyasyabindulwa mo mwĩrĩmya, nʼomukera iniabya ngula ngʼomusasi, embere wʼerĩhĩka lyʼekiro kinene kyʼolukengerwa nʼekyʼerĩũbahya kyʼOmwami Mukulu.

Yoelĩ 3:14

Esyondeko, esyondeko omo musya wʼerĩtwa olubanza! Kusangwa ekiro kyʼOmwami Mukulu kiri hakũhĩ omo musya wʼerikatula.

Yoelĩ 3:17

Litya mwasyaminya ko ndi Mwami Mukulu Nyamuhanga wenyũ, erĩĩkala eSĩonĩ ekitwa kyage kĩbũyĩrĩre; oko mugulu oyo, eYerũsalema yasyabya nyĩbũyĩrĩre, kandi sihendisyabya owʼehandi oyukalaba mugo kandi.

Amosĩ 3:6

Engubi yanganabuhirwa omo mũyĩ nʼabandu ibatubaha kwehĩ? Ekitsibu kyanganawa oko mũyĩ Omwami Mukulu atetakolakyo kwehĩ?

Amosĩ 5:18

Obũlĩge ũkwʼĩnywe mũkakwa olukando lwʼekiro kyʼOmwami Mukulu, ekiro kyʼOmwami Mukulu kyasyabyakĩ busana nenyũ kwehĩ? Kyasyabya mwĩrĩmya, isi kyakakala;

Amosĩ 8:2

Neryo mwabũga ati, Amosĩ, Wamalangirakĩ kwehĩ? Nage monabũga nyiti, Ekĩbo kyʼebĩgũma byʼomugulu wʼengarayi. Neryo Omwami Mukulu mwambwira ati, Endũlĩ yamahĩka oko bandu bage Ĩsraelĩ; sĩndĩendĩsyaswabalyabo.

Obadĩa 1:15

Kusangwa ekiro kyʼOmwami Mukulu kiri hakũhĩ busana nʼebihanda byosĩ; ngoko wabirikola ko kyasyakolwa kitya ukʼuwe. Eririha lyawe lyasyasuba oko mutwe wawe.

Zefania 1:14

Ekiro kinene kyʼOmwami Mukulu kiri hakũhĩ, kiri hakũhĩ kandi kikasa lũba, hulikirira, ekiro kyʼOmwami Mukulu! Omo kiro ekyo omũlwĩ akalaka ekĩkalĩhĩre.

Zefania 1:16

Ni kiro kyʼengubi nʼendulo ehee, oko mĩyĩ ikongotere, nʼoko manyũmba wʼemisunguliko wʼenũnga nyiri.

Zefania 1:7

Uhune embere syʼOmukama, Omwami Mukulu; kusangwa ekiro kyʼOmwami Mukulu kiri hakũhĩ; kusangwa Omwami Mukulu abĩrĩkokotya obuhere, abirihigula abagenĩ buwe.

Zefania 3:11

Oko kiro ekyo simwendisyahemulwa busana nʼemĩbĩrĩ yenyũ yosĩ, eyo mwanyihonako; kusangwa oko mugulu oyo nasyalũsya omo katĩkatĩ kenyũ abakayipipa nʼerĩyĩtsemesya benyũ, kandi siwendisyaswayĩhamya oko kitwa kyage kĩbũyĩrĩre.

Zekarĩa 14:1

Lebaya, ekiro kikasa, busana nʼOmwami Mukulu omugulu obunyegwa obwahũngawa ukʼuwe bwasyagabwa omo katĩkatĩ kenyũ.

Zekarĩa 8:3

Omwami Mukulu akabũga ati, Nasyasuba eSĩonĩ, nasyĩkala omo katĩkatĩ kʼeYerũsalema. Neryo eYerũsalema yasyahulwa mo Mũyĩ Wʼekwenene; nʼekitwa kyʼOmwami Mukulu Wʼemilondo kyasyahulwa mo Kitwa Kĩbũyĩrĩre.

Malakĩ 4:1

Kusangwa lebaya, ekiro kikasa, kikaka ngʼerirunga; nʼabakayihalamba bosĩ, nʼobuli mũkolĩ wʼebibi, basyabya musunga; nʼekiro ekikasa kyasyahĩsyabo, Omwami Mukulu Wʼemilondo atya, neryo sikyendĩsyasĩyĩrabo mũlĩhĩ kutse mutahi.

Emiganzo 10:2

Ũyĩkokoteraye esyongubi ĩbĩrĩ syʼebĩtsĩpa; wasyakokotyasyo omo mũbĩrĩ wʼobuhese; kandi wasyayirasyo busana nʼeribirikira endeko, na busana nʼerihongoka lyʼebilaliriro

Emiganzo 10:3

Nʼomugulu basyabuhasyo esĩbĩrĩ syosĩ, endeko yosĩ yasyayikumira ukʼuwe oko lũkyo lwʼeHema yʼerĩhĩndanamo.

1 AbanyaKorinto 14:8

Kandi engubi yamatindabũga nʼomulenge ndeke, nindi wasyayĩtegekanĩa busana nʼamalwa kwehĩ?

AbanyaFilipi 2:12

Neryo, abanze bage, ngoko mwabya mũkowa emigulu yosĩ omugulu nabya nenyũ, nĩkwa lino mowe kwilaba omugulu ndeho. Mũberereraye erilama lyenyũ omwʼiubaha nʼerititimana.

1 AbanyaTesalonika 5:2

Kusangwa nenyũ mũnasĩ ndeke-ndeke kwʼekiro kyʼomukama kyasyasa ngʼomũrahĩ oyukasa omo kiro.

Yakobo 5:8

Nenyũ nibya, muyibombeke! Mũsĩkaye emitima yenyũ, kusangwa ekiro kyʼeriasa lyʼomukama kiri hakũhĩ.

1 Petero 4:7

Endũlĩ yʼemyatsi yosĩ iri hakũhĩ. Neryo mubye nʼobũlengekanĩa bwʼamenge, nʼobwʼerĩyĩteya, imwatoka erisaba.

Eribisurirwa 6:17

Kusangwa ekiro kinene kyʼerihitana lyabo kyabĩrĩhĩka, kandi nindi wangatoka erihanganaho kwehĩ?