Yoelĩ 1:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Kyabĩrĩhĩra emĩrĩkĩ yʼebĩnyũ yage mo mulala, nʼerikokola ebĩkũkũ byʼomuti wage wʼemĩtĩnĩ; kyabĩrĩsĩgago mo muhala-halira, nʼerigusago; emitahi yago yabiriyirwa mo nzeru.

Yoelĩ 1:7 Iomraidhean Croise

Esyonyimbo 105:33

Mwaherya emĩrĩkĩ yʼebĩnyũ yabo nʼemiti yʼemĩtĩnĩ, Kandi mwabũnangira emiti yabo yʼahisi.

Erĩlũayo 10:14

Nʼesyongĩke mosyabya endata wʼekihugo kyʼeMĩsĩrĩ, mosyĩkala oko mitano yosĩ yʼeMĩsĩrĩ; syabya nyibi kutsibu; sihehatabya esyongĩke esiri ngʼesyo kutse enyũma sihendisyabya esiri ngasyo.

Erĩlũayo 10:15

Kusangwa mosyaswika obugali bwʼekihugo kyosĩ, nʼekihugo mokyabya mʼomwĩrĩmya; kandi mosyalya emyaka yosĩ yʼekitaka, nʼebĩgũma byosĩ byʼemiti ebyo amatwa asĩga; mohatasĩgala ekiti nʼekiguma ekibisi, kutse omuti, kutse Omwaka omwʼirima, omo kihugo kyosĩ kyʼeMĩsĩrĩ.

Ĩsaya 24:7

Ebĩnyũ bihya-bihya byamalira, nʼomũlĩkĩ wʼebĩnyũ akogokala, nʼabosĩ ababya nʼobutseme omo mutima bakahumulikana.

Ĩsaya 32:12

Muyihumange oko bĩkũba byenyũ busana nʼamalima owene, busana nʼemĩrĩkĩ yʼebĩnyũ eyĩbogĩre.

Ĩsaya 5:6

Nage nasyaheryalyo, siryendisyakolerwa kutse eririmirwa, nĩkwa hasyalasa emisakisaki nʼamahwa. Nibya nasyahana ebĩtũ nyiti sĩbĩwĩsaye embũla yo kulyo.

Yeremĩa 8:13

Omwami Mukulu ati, Nasyapũrabo iguma sihendisyabya ebĩgũma byʼebĩnyũ oko mĩrĩkĩ yʼebĩnyũ, kutse ebĩgũma oko muti wʼemĩtĩnĩ, nʼekikoma kyabo kyasyuma, nʼemyatsi eyo nabirihabo yasyalaba kubo.

Hosea 2:12

Kandi nasyaherya emĩrĩkĩ yiwe yʼebĩnyũ, nʼemiti yʼemĩtĩnĩ yiwe, eyo ahula ati, Ebĩ ni luhembo lwage olo abaragane bage banyiha; nage ngandiyirabyo mo mũsĩtũ, nʼesyonyama syʼomolĩ syasyalyabyo.

Yoelĩ 1:12

Omũlĩkĩ wʼebĩnyũ abiriuma, nʼomuti wʼomũtĩnĩ abĩrĩkũba; omuti wʼomukomamanga, nʼomuti wʼobubondo, nʼomuti wʼomutafala, nʼemiti yosĩ yʼomwʼirima ikuma; ega, obutseme bwabirihwa omo bagala bʼabandu.

Amosĩ 4:9

Omwami Mukulu ati, Nabĩrĩbaswĩrya omo kĩhũhanĩ nʼekihondo. Nʼotũlũndya twabirirya amalima wenyũ mangi, nʼamalima wenyũ wʼebĩnyũ, nʼemiti yenyũ yʼemĩtĩnĩ, nʼemiti yʼeMĩzeĩtũnĩ; nĩkwa simwetanyisubako.

Habakũkĩ 3:17

Kusangwa nomo muti wʼomũtĩnĩ ateheta, Kutse ebĩgũma bitendisyabya omo mĩrĩkĩ yʼebĩnyũ; Nomo ebĩgũma byʼeMĩzeĩtũnĩ bĩkakũba, Nʼamalima sialĩeraya kalyo; Nomo ekĩhyo kyasyahwera omo kĩyĩte, Kandi sihali esyonde omo kibungo.

Malakĩ 3:11

Neryo ngandisyahayira engondĩ eyikalya busana nenyũ, nayo sĩyendĩsyaherya esyombuto syʼekitaka kyenyũ; kutse omũlĩkĩ wʼebĩnyũ wenyũ sĩendĩsyalagalya ebĩgũma byago. Omwami Mukulu Wʼemilondo atya.