Yoelĩ 1:13 - AMASAKO ABOYTRTRE WA NYAMUHANGA AWAKAHULAWA MO BIBLIA

¹³ Ĩnywe bahererĩ, mũyĩkũndĩke emisarandwe, mulire, mũlĩhĩre, ĩnywe abakolerĩ bʼekiherero; mwase, mugotsere omo kiro kyosĩ omo misarandwe, ĩnywe abakolerĩ ba Nyamuhanga wage: kusangwa obuhere bwʼengano nʼobuhere bwerĩũtũlĩra ahisi bwabĩrĩkakĩrĩbwa omo nyũmba ya Nyamuhanga wenyũ.

Yoelĩ 1:13 Iomraidhean Croise

2 Samwelĩ 12:16

Neryo Dawĩdĩ mwasaba Nyamuhanga busana nʼomwana oyo; kandi Dawĩdĩ mwatsira kalyo, mwingira omwiwe eriyagotsera ahisi oko kitaka ekiro kyosĩ ekyo.

1 Abami 21:27

Neryo omugulu Ahabũ owa ebĩnywa ebyo, mwasatangya esyongimba siwe, mwambala emisarandwe oko mubiri wuwe, mwatsira akalyo mwagotsera nʼemisarandwe, mwagenda nʼobũlĩge.

Ĩsaya 22:12

Neryo oko kiro ekyo Omukama, Omwami Mukulu wʼemilondo, mwababirikira eririra, nʼerĩsũsũmana, nʼerĩsĩsa omutwe, nʼeriambala emisarandwe.

Ĩsaya 61:6

Nĩkwa ĩnywe mwasyahulwa mo bahererĩ bʼOmwami Mukulu. Basvabahula mo bagombe ba Nyamuhanga wetu. Mwasyalya obukamahe bwʼebihanda, kandi omo bindu byabo mwasyayihalamba.

Yeremĩa 4:8

Busana nʼekyo muyibohe emisarandwe, mũsũsũmane mulire. Kusangwa erihitana lĩkalĩre lyʼOmwami Mukulu sĩryetatũlũako.

Yeremĩa 9:10

Nasyalira nʼerĩsũsũmana busana nʼebitwa, na busana nʼamalĩsĩryo agʼomo mbwarara nasyayira ekiriro, kusangwa byabĩrĩhĩrwa mo kĩma, kikaleka ihatalaba mundu. Kutse abandu sibetoka erĩowa eriama lyʼende. Esyonyonyũ syʼekyanya nʼesyonyama syabirisaga, syabirigenda.

Ezekĩelĩ 21:12

Uwe mugala wʼomundu, ulake, ulire, kusangwa akalwa nʼabandu bage, akalwa nʼabakulu bosĩ ba Ĩsraelĩ. Babirihabwa oko mũyalĩ haguma nʼabandu bage. Neryo Ũswĩraye oko ndungu yawe.

Ezekĩelĩ 27:31

Kandi basyayiyira mo bandu bʼoluhala busana nawe, basyayambalya emisarandwe, basyakulirira nʼobũlĩge bwʼomutima nʼekiriro kĩkalĩre.

Ezekĩelĩ 7:18

Basyayihanga emisarandwe, nʼerititimana lyasyasĩngabo. Nʼesĩsonĩ syasyabya oko mũsũ gosĩ, nʼesyombala oko mitwe yabo yosĩ.

Hosea 9:5

Mwasyakolakĩ oko kiro kyʼerĩhĩndana lĩbũyĩrĩre, oko kiro kikulu kyʼOmwami Mukulu kwehĩ?

Yoelĩ 2:12

Omwami Mukulu ati, Kutse na lino, munyibindukire nʼemitima yenyũ yosĩ, nʼeritsira akalyo, nʼeririra, nʼerĩsũsũmana.

Yoelĩ 2:14

Nindi wasĩ kwʼasyabinduka nʼerioloba, nʼerĩsĩga omũyĩsa enyũma wuwe, obuhere bwʼengano nʼobuhere bwʼerĩũtũlĩra ahisi oko Mwami Mukulu Nyamuhanga wenyũ kwehĩ?

Yoelĩ 2:17

Abahererĩ, abagombe bʼOmwami Mukulu, balirire omo katĩkatĩ kʼobũsekũ nʼekiherero, babũge bati, Uwe Mwami Mukulu, Uganyire abandu bawe, suhe abandu bawe oko batsũmĩ, Suleke ebihanda bikahulabo mo mitenyo. Busana nakĩ bangabũga omo katĩkatĩ kʼabandu bati, Nyamuhanga wabo ali hahi kwehĩ?

Emiganzo 28:14

Nʼamahere wago wʼerĩpũlya asyabya kitswe kyʼetsũpa yʼebĩnyũ busana nʼenume nguma yʼende, nʼekihande kyʼomo bisatu kyʼetsũpa busana nʼembangale, nʼekihande kyʼomo bini kyʼetsũpa busana nʼekyana kyʼembũlĩ; obũ bo buhere bwʼerĩokererya bwʼobuli mukera oko mikera yosĩ yʼomwaka.

Emiganzo 28:4

Ekyana kiguma kyʼembũlĩ mwasyaherakyo omo ngyakya-ngyakya, kandi omwĩgolo-golo mwasyahera ekindi kyana kyʼembũlĩ.

Emiganzo 28:7

Nʼobuhere bwʼerĩpũlya bwago bwasyabya bwʼekihande kiguma ekyʼomo bini kyʼetsũpa busana nʼekyana kiguma kyʼembũlĩ; wasyũtũlĩrabo oko Mwami Mukulu omo habũyĩrĩre, obuhere bwʼerĩpũlya obwabũ obũhĩre.

Emiganzo 29:6

Kandi obuhere bwʼerĩokererya obwʼomukera muhya-muhya, nʼobuhere bwago bwʼeyĩsyano yʼengano, nʼobuhere bwʼerĩokererya emigulu yosĩ nʼobuhere bwʼeyĩsyano yʼengano bwabo, nʼamahere wago wʼerĩũtũlĩra ahisi, ngʼerihamula lyago, eribya ekikumbo kĩsĩhĩre, obuhere obũkokĩbawa oko muliro busana nʼOmwami Mukulu.

1 AbanyaKorinto 4:1

Abandu bangatuganza ngʼabagombe ba Kristo, kandi ngʼabateya bʼamakũmbo wa Nyamuhanga.

1 AbanyaKorinto 9:13

Mũnasĩ ngoko abakakola omũbĩrĩ omo hekalũ bakalya oko byalya byʼomo hekalũ, nʼabakahera amahere oko kiherero bakahabawa ukwʼebyo ebikaherawa.

2 AbanyaKorinto 11:23

Nabo ni bagombe ba Kristo kwehĩ? (ngabũga ngʼomũsĩre), Nage ko nyine nyitya kutsibu! Nabirikola kwilababo kutsibu, nabĩrĩhĩrwa omo mũlĩkĩ esyongendo nyingi kwilababo, nabĩrĩswĩrĩbwa ngendo nyingi kwilaba, nabiribya hakũhĩ nʼoluholo ngendo nyingi kwilababo.

2 AbanyaKorinto 3:6

oyukaleka itwatoka omũbĩrĩ wʼendagane nyihya-nyihya. Endagane nyihya-nyihya eyĩ si yʼemigambo eyĩsakĩre, nĩkwa nĩ yʼOmũlĩmũ, kusangwa emigambo eyĩsakĩre ĩkĩta, nʼOmũlĩmũ akaha engebe.

2 AbanyaKorinto 6:4

Nĩkwa omo myatsi yosĩ tũkayĩkanganaya ngʼabagombe ba Nyamuhanga, ĩtũkayĩyĩnaya kutsibu, itukalola oko malĩge, nʼeribula ebitolere, itukagalawa.

Eribisurirwa 11:3

Nage nasyaha abalangĩrĩ bage babiri ehamũlĩ, nabo basyatũla omwatsi wa Nyamuhanga ebiro elfu nguma nʼamagana abiri nʼamakũmĩ ndatu (1,260), ibambite emisarandwe.