Yoelĩ 1:10 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁰ Eririma lyabiriyirwa mo kĩma, ekihugo kikalira; kusangwa engano yabĩrĩherĩbwa, ebĩnyũ bihya-bihya byabiriuma, nʼamagũta abĩrĩkũba.

Yoelĩ 1:10 Iomraidhean Croise

Enzũko 4:12

Omugulu ukalima ekitaka, sikyendisyakuha amaka wakyo. Wasyabya mũsayĩ nʼomũgendĩ-gendĩ omo kihugo.

Ĩsaya 15:6

Kusangwa amagetsi wʼeNĩmũrĩmũ asyabya omo mulala; kusangwa ebiti byabiriuma, nʼomutolobwe akahwa, sihakiri kindu kibisi.

Ĩsaya 24:11

Hali emilake omo syonzira busana nʼebĩnyũ. Obutseme bosĩ bwabiribya mwĩrĩmya, eritsanga lyʼekihugo lyabirihwaho.

Ĩsaya 24:7

Ebĩnyũ bihya-bihya byamalira, nʼomũlĩkĩ wʼebĩnyũ akogokala, nʼabosĩ ababya nʼobutseme omo mutima bakahumulikana.

Yeremĩa 12:11

Kyabiriyirwa mo kĩma. Ngʼomulala, likalirira embere syage. Ekihugo kyosĩ kyabiriyirwa mo mulala, kusangwa sihali mundu oyukatsomana.

Yeremĩa 12:4

Ekihugo kyasyakolyahi eririra nʼebiti byʼekihugo kyosĩ eriuma kwehĩ? Busana nʼebibi byʼabĩkere mukyo, esyonyama syabĩrĩpũrwa nʼesyonyonyũ, kusangwa abandu babũga bati, Siendisyalangira endũlĩ yetu.

Yeremĩa 48:33

Ebitsange nʼobutseme byabĩrĩlũsĩbwa omwʼirima lyʼomuboga nʼomo kihugo kyʼeMoabũ. Nabĩrĩkakĩrya ebĩnyũ omo bikamiro. Sihali oyo wasyakama akahamĩrya. Erĩhamĩrya siryendisyabya erĩhamĩrya lyʼobutseme.

Hosea 4:3

Kikaleka ekihugo ikyalira, nʼobuli mundu oyo wĩkeremo akabonda, haguma nʼesyonyama syʼomolĩ, nʼesyonyonyũ syʼekyanya; ega, nʼamahere wʼomo ngetsi akabulirana.

Hosea 9:2

Ekibuga kyʼerĩhũmbĩrako, nʼekikamiro kyʼebĩnyũ sĩbyendĩsyalĩsyabo, nʼebĩnyũ bihya-bihya byasyamubulako.

Yoelĩ 1:12

Omũlĩkĩ wʼebĩnyũ abiriuma, nʼomuti wʼomũtĩnĩ abĩrĩkũba; omuti wʼomukomamanga, nʼomuti wʼobubondo, nʼomuti wʼomutafala, nʼemiti yosĩ yʼomwʼirima ikuma; ega, obutseme bwabirihwa omo bagala bʼabandu.

Yoelĩ 1:5

Ĩnywe bakũndĩrya, mubuke, mũtogongaye emĩsonĩa; mũsũsũmane, ĩnywe bosĩ mũkapũlaya ebĩnyũ, busana nʼebĩnyũ bĩsĩhĩre; kusangwa byabĩrĩlũsĩbwa oko muno wenyũ.

Yoelĩ 2:19

Neryo Omwami Mukulu asyasũbĩrya nʼeribwira abandu buwe ati, Lebaya, nasyabatumira engano, nʼebĩnyũ bihya-bihya, nʼamagũta, nenyũ mwasyũgũta mubyo; isindiendisyaswabayira kandi mo kĩtsũmĩ omo katĩkatĩ kʼebihanda.

Abalawĩ 26:20

Nʼamaka wenyũ asyakwa busa; kusangwa ekitaka kyenyũ sĩkyendĩsyalasya emĩlasĩrya yakyo, kutse emiti sĩyendĩsyahetya ebĩgũma byayo.

Habakũkĩ 3:17

Kusangwa nomo muti wʼomũtĩnĩ ateheta, Kutse ebĩgũma bitendisyabya omo mĩrĩkĩ yʼebĩnyũ; Nomo ebĩgũma byʼeMĩzeĩtũnĩ bĩkakũba, Nʼamalima sialĩeraya kalyo; Nomo ekĩhyo kyasyahwera omo kĩyĩte, Kandi sihali esyonde omo kibungo.

Hagaĩ 1:11

Monabirikira enzala oko kitaka, nʼoko bitwa, nʼoko ngano, nʼoko bĩnyũ bihya-bihya, nʼoko magũta, nʼebyo ekitaka kĩkalasaya, nʼoko bandu, nʼoko syonde, nʼoko mĩbĩrĩ yosĩ eyikakolawa omo byala byenyũ.

Malakĩ 2:3

Lebaya, nasyabayira abana benyũ, kandi nasyahakabya ebise omo mũsũ wenyũ, bye biro byʼobuhere bwenyũ, nenyũ mwasyalũsĩbwaho haguma nabyo.