Yoane 9:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Neryo mwamubwira ati, Ugende, unabe omo kitsinga kyʼeSĩloamũ, eribindula liti, Eritumwa. Neryo omundu oyo mwagenda, mwanaba, mwasubula inianemulangira.

Nouveau Testament et Psaumes en Ndandi Version 1962

⁷ mwabuga naye ati, Ugende, unabe oko kitsinga kyaSiloamu (ngeribuga riti, Atumawa); naye mwagenda, mwanaba, mwasubula iniani mulangira.

Yoane 9:7 Iomraidhean Croise

Nehemĩa 3:15

Na Salumu mugala wa Kolĩhoze, omũtabalĩ wʼekihugo kyʼeMĩsĩpa mwakokotya Olũkyo lwʼEngũnũnũko; mwahĩmbalo nʼeriswikalo, nʼerisingika esyonyũyĩ syalo, nʼesyongomo syalo, nʼebĩsũmĩro byalo, nʼolũhĩmbo lwʼEkitsinga kyʼeSela hakũhĩ nʼEririma lyʼOmwami, nʼerĩhĩka oko bisambiro ebikandagala bĩkalũa oko Mũyĩ wa Dawĩdĩ.

Esyonyimbo 146:8

Omwami Mukulu akaha erilangira oko syondĩma-time. Omwami Mukulu akasumba abosĩ abakakehĩbawa; Omwami Mukulu anzĩre abandu buwe abatunganene.

Erĩlũayo 4:11

Neryo Omwami Mukulu mwamũsũbĩrya ati, Nindi yo wahangika obuno bwʼomundu kwehĩ? Kutse nindi yukayira omundu mo mũmũ, kutse mo mutsiha, kutse erilangira, kutse ndĩmatĩme kwehĩ? Sĩ ngye, Mwami Mukulu kwehĩ?

Ĩsaya 32:3

Nʼameso wabo abakalangira sĩendĩsyalĩma-lĩma, nʼamatwĩ wʼabakowa asyahulikirira.

Ĩsaya 35:5

Nʼoko mugulu oyo ameso wʼesyondĩma-tĩme asyalĩbũlwa, nʼamatwĩ wʼabatsiha asyahundukala.

Ĩsaya 42:7

erĩrĩbũla ameso wʼesyondĩma-tĩme, erĩhũlũkya ababohwa omo buhya bʼomũlĩkĩ, nʼerĩlũsya abĩkere omo mwĩrĩmya balũe omo nyũmba yʼomũlĩkĩ.

Ĩsaya 43:8

Mũhũlũkaye esyondĩmatĩme nomo banawite ameso, nʼabatsiha nomo banawite amatwĩ.

Ĩsaya 8:6

Kusangwa abandu aba babirigana amagetsi wʼeSĩloa awakasenda bolo-bolo, ibakatsemera Rezĩnĩ, nʼomugala wa Remalĩa.

Matayo 11:5

Esyondĩmatĩme sirimulangira, nʼebirema birimugenda, abahaga bakalamĩbawa nʼabatsiha balĩmowa, nʼabaholĩ banemũlũbũkĩbwa, nʼEngulu Yowene ĩrĩmũtũlaganĩbwa oko bera.

Luka 13:4

Kutse mũkaganĩraya muti abandu erĩkũmĩ nʼomunani eSĩloamũ abatererawako nʼenyũmba eyĩsũngũlĩkĩre, abahola, muti babya babi kwilaba abandu bosĩ abĩkere eYerũsalema kwehĩ?

Luka 2:32

Ekyakakala kyʼerĩkangya enzira yawe oko Bihanda, Nʼeriha olukengerwa oko bandu bawe Ĩsraelĩ.

Yoane 10:36

Nĩkwa ĩngye, Tata abirinyihigula nʼerinyituma omo kihugo. Neryo mukanyahula muti, Ukatsuma, kusangwa nabũga nyiti indi Mugala wa Nyamuhanga kwehĩ?

Yoane 11:37

Nĩkwa abandi ba kubo bati, Oyo walĩbũla ameso wʼendĩmatĩme, Sĩangalekĩre omundu oyũ akatendihola kwehĩ?

Yoane 9:11

Naye mwasũbĩrya ati, Omundu oyukahulawa mo Yesu mwatsumba olondo, mwahakabyalo oko meso wage, kandi mwambwira ati, Ugende eSĩloamũ, unabe. Neryo monayayo monanaba, monabana erilangira.

Yoane 9:39

Yesu mwabũga ati, Monasa omo kihugo ekĩ busana nʼeritswera, neryo esyondĩmatĩme balangire, kandi abakalangira babye ndĩmatĩme.

Emibiri 26:18

Ũkandisyalĩbũla ameso wabo, ibatoka eribinduka erĩlũa omo mwĩrĩmya nʼeribindukira ekyakakala, nʼeribinduka erĩlũa oko butabale bwʼeSatanĩ nʼeribindukira Nyamuhanga. Neryo busana nʼerĩnyĩkĩrĩrya babane eribuyirwa lyʼebibi, kandi babane omwanya omo katĩkatĩ kʼabandu abo Nyamuhanga abiriyisoga, nʼabo abirihigula.

AbanyaRoma 8:3

Kusangwa ekyo Migambo yataluka erikola, busana nʼobolo bwʼobũlengekanĩa bwʼomubiri, Nyamuhanga mwatokakyo. Nyamuhanga mwatuma Omugala wuwe omo kĩsosekanĩo kyʼomubiri wʼebibi, kandi busana nʼeririha ebibi. Neryo mwatswera ebibi byʼobũlengekanĩa bwʼomubiri.

AbanyaGalatia 4:4

Nĩkwa omugulu amabiberera, Nyamuhanga mwatuma Omugala wuwe. Omugala oyo mwabutwa nʼomũkalĩ kandi mwabutwa omo mitsye yʼEmigambo yʼAbayũda,