Yoane 8:44 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴⁴ Ĩnywe muli bana ba tata wenyũ Satanĩ, kandi esyongumbu sya tata wenyũ syo mwanzĩre erikola. Iye nĩ mwĩtĩ. Siali mo mwatsi wʼekwenene, kusangwa sihali mwatsi wʼekwenene omo mutima wuwe. Omugulu akabũga amabehĩ, akabũga ebiwe ĩyowene, kusangwa nĩ mũbehĩ, kandi nĩ ĩse wʼamabehĩ.

Nouveau Testament et Psaumes en Ndandi Version 1962

⁴⁴ Inywe muri batata wenyu Satani, nesyongumbu syatata wenyu syo mwanzire erikola. Iye abya mwiti eritsuka na kera, isialihangana omwisi womwatsi wakwenene, kusangwa sihali mwatsi wa kwenene omwisi wuwe. Omugulu akabuga mabihi, iniakabuga biwe iyowene: kusangwa ni mubihi, nise wa mabihi.

Yoane 8:44 Iomraidhean Croise

Enzũko 3:15

Kandi nasyahĩra obũyĩgũ omo katĩkatĩ kawe nʼomũkalĩ, nʼomo katĩkatĩ kʼekihanda kyawe nʼekihanda kiwe. Iye asyabanda omutwe wawe, nawe wasyabanda akasĩnzĩro kuwe.

1 Abami 22:22

Neryo Omwami Mukulu mwabwirakyo ati, Ũmũkĩ kwehĩ? Naye ati, Nage nasyagenda, nasyabya ekĩrĩmũ kyʼeriteba omo buno bwʼabamĩnyererĩ buwe bosĩ. Naye mwabũga ati, Wasyamuteba, kandi wasyasĩngana nibya; ugende, Ukole utya.

1 Emyatsi yʼEmigulu 21:1

Neryo Satanĩ mwahangana erilwa nʼAbaĩsraelĩ neryo mwateba Dawĩdĩ aganze Abaĩsraelĩ.

Yobũ 1:11

Nĩkwa tahĩra ebyala byawe lino, ũtũle oko byosĩ awite, naye akandikutsuma embere wʼobũsũ bwawe.

Matayo 12:34

Ĩnywe bana bʼesyonzoka! Mwangatoka muti kwehĩ erĩbũga ebĩnywa bibuya imune babi kwehĩ? Kusangwa obuno bũkabũga ebyoswĩre omo mutima.

Matayo 13:15

Kusangwa emitima yʼabandu aba yabiribya mʼobũtowa, Kandi Sĩbalĩowa ndeke omo matwĩ wabo, Kandi babĩrĩrĩba ameso wabo; Bakasyalangira omo meso wabo, Nʼerĩowa omo matwĩ wabo, Nʼeriminya omo mitima yabo nʼeriswanyibindukira, Nyamuhanga atya, Nage ĩnalamyabo.

Matayo 13:38

Eririma kye kihugo; nʼembuto yowene ba bana bʼobwami; ebiti ba bana bʼOmubi.

Yoane 6:70

Yesu mwasũbĩryabo ati, Mondayisoga nywe, erĩkũmĩ nʼababiri, kwehĩ? Nĩkwa omuguma gʼũkwʼĩnywe nĩ Satanĩ.

Yoane 7:17

Omundu Oyukasonda erikola erianza lya Nyamuhanga, asyaminya erĩkangĩrĩrya eryo nga ni rya Nyamuhanga kutse nga ngabũga omwʼiyihana lyage.

Yoane 8:38

Ngabũga emyatsi eyo nabirilangira embere sya Tata wage. Nenyũ mukakola emyatsi eyo tata wenyũ ababwira.

Yoane 8:41

Ĩnywe mukakola emĩbĩrĩ tata wenyũ akakola. Nabo mobamubwira bati, Situli basa-na-nyĩnya, tuwite tata muguma, ye Nyamuhanga.

Yoane 8:55

Kandi ĩnywe simwetamuminya, nĩkwa ĩngye nyĩmwasĩ. Namabũga nyiti, sĩnyĩmwasĩ, nasyabya mũbehĩ nga nywe. Nĩkwa nyĩnamwasĩ, kandi ngabika ekĩnywa kiwe.

Emibiri 13:10

nʼerimubwira ati, Uwe, goswĩre mwʼeriteba lyosĩ nʼobũlĩbalĩbanĩa, uwe mugala wʼeSatanĩ, uwe nzĩgũ yʼebitunganene byosĩ! Sĩwendĩsyũmbya erĩhengemya esyonzira situnganene syʼOmukama kwehĩ?

Emibiri 24:9

NʼAbayũda nabo mobamuhandikirira bati emyatsi eyo ni kwenene.

Emibiri 5:3

Nĩkwa Petero mwamubwira ati, Busana nakĩ walekĩre Satanĩ iyabya omo mutima wawe eribihira Omũlĩmũ Abũyĩrĩre, nʼeribika oko bũgũlĩ bwʼekitaka kwehĩ?

2 AbanyaKorinto 11:3

Nĩkwa ngubaha nyiti, Ngoko Eva atebĩbawa nʼamenge mabi wʼenzoka, kwʼamalengekanĩa wenyũ asyatsandĩbwa atya, imwaleka erikwama Kristo nʼolwanzo lwenyũ losĩ, nʼomutima wenyũ gosĩ.

1 Petero 5:8

Mũlebaye, mũyĩtegaye! Kusangwa enzĩgũ yenyũ Satanĩ, ikagenda-genda ngʼendale, eyikaruruma nʼerisonda-sonda oyo yangalya.

2 Petero 2:4

Kusangwa Nyamuhanga mwatabalya abamalaĩka abakola ebibi, nĩkwa mwagusabo omo lĩfero eyo bakabikawa omo mahulula nʼomo mwĩrĩmya, eririndirira ekiro kyʼeritswera.

1 Yoane 1:8

Twamabũga tuti situwite kibi, tukayiteba, nʼomwatsi wʼekwenene siali netu.

1 Yoane 2:21

Sinditabasakira kusangwa sĩmwasĩ omwatsi wʼekwenene, nĩkwa kusangwa mũnasĩgo. Nʼakandi kusangwa mũnasĩ ko hate eribiha erĩkalũa oko mwatsi wʼekwenene.

1 Yoane 2:4

Omundu amabũga ati, Nyĩnamwasĩ, isialikenga ebihano biwe, oyo nĩ mũbehĩ, kandi sialikwama omwatsi wʼekwenene.

1 Yoane 3:12

Situbye nga Kaĩna, oyo wabya wʼOmubi Oyo, neryo mwĩta mulumuna wuwe. Neryo mwamwĩta busana nakĩ kwehĩ? Kusangwa emĩbĩrĩ ya Kaĩna yabya mibi, nĩkwa eya mulumuna wuwe yabya itunganene.

1 Yoane 3:15

Obuli mundu Oyũkakwa mũlĩkyabo yʼobusu nĩ mwĩtĩ, kandi mũnasĩ ko hate mwĩtĩ oyuwite engebe yʼerikota omwisi wuwe.

Yuda 1:6

Kandi ngabĩbũkaya ngoko abamalaĩka abayisamambula, abatswa aho wabo, Nyamuhanga abiribikabo omo mwĩrĩmya nʼomo mũlĩkĩ Wʼerikota busana nʼEkiro kikulu kyʼeritswera.

Eribisurirwa 12:9

Kandi ekiyoka kinene ekyo mokyaguswa ahisi! Ekyo ni kiyoka kya kera ekikahulawa mo Dĩabolo nʼeSatanĩ, oyukateba ekihugo kyosĩ. Mokyaguswa ahisi oko kihugo, nʼabamalaĩka bakyo mobaguswa ahisi haguma nakyo.

Eribisurirwa 13:14

Nĩkwa ikateba abandu bosĩ abĩkere omo kihugo busana nʼebitiko-tiko ebyo yahabawa erikola embere wʼenyama yʼerĩmbere. Enyama eyĩ moyabwira abandu bosĩ abĩkere munakihugo iti, bakokotaye esanamu busana nʼenyama eyahutala ekironda kyʼomo mũyalĩ, nʼeriswabyaho.

Eribisurirwa 2:10

Sigubahe ebĩkandĩsyakwagalya. Lebaya! Satanĩ ikasonda erigusa abandi bʼũkwʼĩnywe bʼomo mũlĩkĩ, mulengaweko, kandi mwasyagalwa ebiro ĩkũmĩ. Ubye nʼobutalegula erĩhĩka oko luholo, nage nasyakuha embĩta yʼengebe.

Eribisurirwa 21:8

Nĩkwa abuba, nʼabatĩkĩrĩrye, nʼabʼesyonye, nʼabĩtĩ, nʼabasĩngĩrĩ, nʼabakũmũ, nʼabakasaba esyosanamu, nʼababehĩ, omwanya wabo asyabya omo ngetsi eyikaka nʼomuliro nʼekirimi, olo lo luholo lwʼakabiri.

Eribisurirwa 22:15

Nĩkwa eyĩhya oko mũyĩ hali esyombwa, nʼabakũmũ, nʼabasĩngĩrĩ, nʼabĩtĩ, nʼabakasaba esyosanamu, nʼabosĩ abakabiha, nʼabakakola ebyʼamabehĩ.

Eribisurirwa 9:11

Kandi siwite omwami Oyukatabala kusyo, yo mũlaĩka wʼobuhya. Erĩna liwe omo Kiebrania ni Abadonĩ, nʼomo Kĩgĩrĩkĩ ni Apolĩonĩ liti, Erihera.